Quinquagena III.

101. Trinitas ab omnibus

Rebus segregata,
Praestans abundantius

Illis praeparata,
Nostra mens humilius

Petit te prostrata,
Ut ipsius gemitus

Solvas et peccata.

102. O indissolubilis

Causa bonitatis,
Quam laudo cum angelis

In his praedicatis,
Dederim piaculis

Modo locum satis
Sacris adminiculis

Matris pietatis.

103. O rex, regum domine,

Carens detrimento,
Sed amictus lumine

Velut vestimento,
Mariae precamine

Purgare memento
Nos ab omni crimine

Brachio extento.

104. Ens et esse omnium,
Trinitas beata,
Te participantium
Per dona collata,

Corda te quaerentium

Per haec praedicata
Laetentur caelestium

Choris sociata.
105. O rerum principium

Superprincipale,
Ipsis contubernium

Donans sociale,
Duc nos in consortium

Tuum aeternale,
Quo canamus canticum

Tibi speciale

106. O princeps deifice

Omnis potestatis
Rectorque mirifice

Universitatis,
Subveni mitifice

Cunctis tribulatis,
Quos vexat barbarice

Auctor falsitatis.

107. Deus incapabilis

Mentis ratione,
Attamen laudabilis

Humano sermone
Et vere amabilis

In affectione
Ac desiderabilis

Contemplatione.

108. Summa pax, pacificis

Laudibus colenda,
Semper et angelicis

Turmis reverenda,
Aufer a catholicis

Mala perhorrenda
Ipsis a paganicis

Bellis infligenda.

109. Trinitas, principium

Superprincipale,
Creatis initium

Dans essentiale,
Cunctis per dominium

Praesidens aequale,
Caeli nos in gaudium

Perduc aeternale.

110. Donum eucharistias,

Corpus Salvatoris,
Vas divinae gratiae,

Vas divi amoris,
Reple me cotidie

Spiritu timoris
Daque digne samere

Te statutis horis.

111. O summa potentia

Sanctae Trinitatis,
Cuius excellentia

Claret in creatis,
Nobis det clementia

Tuae pietatis
Corda paenitentia

Nostris pro peccatis.

112, Benedicta trinitas,

Causa omnis entis,
Tu vera iucunditas

Te benedicentis,
Subleva penurias

Populi credentis,
Quem premit captivitas

Sive angor mentis.

113. O pulcher pulchrificans
Omne speciosum,
Omnibus communicans
Te ut gratiosum,

Meum sis fortjficans
Corpus ruinosum

Atque cor illuminans
Culpa tenebrosum.

114. O forma formifica

Omnium formarum,
Virtute deifica

A te creatarum,
Aurem tuam adplica

Preci animarum
In poenis pro lubrica

Noxa detentarum.

115. O investigabilis

Entium pulchredo,
Fidei articulis

Quam devote credo,
Legis tuae regulis

Me totalem dedo,
Quem constrinixit vinculis

Infernalis praedo.

116. Maiestas mirifica

Summae trinitatis,
Quam collaudat fabrica

Universitatis,
Solamen communica

Tuae pietatis
Nobis aula caelica
Cum praedestinatis.

117. O intellegibilis

Mentis pulchritudo,
Cuius laudum titulis

Devotus insudo,
Esto in periculis
Mea fortitudo,
Ne me foedet maculis
Culpae turpitudo.

118. Bonum ineffabile,

Bonum infinitum,
Faciens amabile

Tibi cor unitum,
Meum fac frenabile

Per legalem ritum
Tuique capabile

Et in bonis tritum.

119. O bonum bonificans

Omnem bonitatem,
Iniusta iustificans

Per aequalitatem,
Dissona pacificans

Sis per caritatem
Et ad veram revocans

Unanimitatem.

120. Trinitas altissima,

Tuum per honorem
In me, quaeso, concrema

Peccati madorem,
Mea sic in anima

Perfice amorem,
Laude hac ut optima

Digne te honorem.

121. Iesu, pax credentium

Pacisque testator
Et in pace stantium

Iustus praemiator,
Omnium discordium

Sis pacificator,
Quos ducit in odium

Pacis depravator.

122. Lux, quae in caligine

Recte specularis,
Cum solo amamine

Menti relevaris,
Iungi mihi famine

Tibi patiaris,
Donec te in lumine

Cerni largiaris.

123. Benedictus Dominus,

Omnium creator,
Quem laudat attentius

Tuus venerator,
Me molestat Stygius

Frequenter venator,
Quem avellas citius,

O mi consolator.

124. O inaestimabilis
Amor deitatis,
Quo subvenit singulis
Nobis condemnatis,

Sed et aequat angelis
Suis praedicatis

Et finitis saeculis
Iunget nos beatis.

125. Deus, decor omnium

Sive pulchritudo,
Ut recipientium

Capit aptitudo,
Pellat luctus tristium

Tua lenitudo,
Quos infligit hostium

Magna fortitudo.

126. O beata trinitas,

Virtus infinita,
Tuorum hereditas

In futura vita,
Hac, o summa bonitas,

Me ac meos (lita,
Cum praesens calamitas

Fuerit finita.

127. Diva sapientia,

Forte alimentum
Dans inter convivia

Ae delectamentum,
Mentes reple gratia

Te benedicentum,
Quas gravant flagitia

Milia per centum.

128. Causa pulchritudinis
Rerum creatarum
Nec non et dulcedinis,
Nil habens amarum,
Mentium amaminis

Quoque devotarum
Sis pultrix formidinis
Conscientiarum.

129. O unum unificans

Omnem unitatem
Et in te simplificans

Multiplicitatem,
Te nobis communicans

Sis per pietatem
Malaque exterminans

Et iniquitatem.

130. Rex summae potentiae

Atque maiestatis,
Magnae providentiae

Et benignitatis,
Praesta donum gratiae

Ac humilitatis,
Scutum patientiae,

Ignem caritatis.

131. O magnificentia

Maiestatis Dei,
Quae est existentia

Omnis factae rei,
Corda fac capacia

Tuae requiei,
Quae clamant pro gratia:

Miserere mei.

132. Pater invisibilis

Per divinitatem,
Filius visibilis

Per humanitatem,
Spiritus amabilis

Ob benignitatem,
Repara in famulis

Tuis caritatem.

133. Unum e mirificum

Summae deitatis,
Personis triplificum

Causa trinitatis,
Sed rerum gignificum

Es pluralitatis
Et cunctis glorificum

Cultu pietatis.

134. Deus, qui ex omnibus

Merito laudaris,
Nam dator essentibus

Esse comprobans,
Te benedicentibus

Odis his praeclaris
Tecum in caelestibus

Locum largiaris.

135. O pulchrum mirabile
Omnium pulchrorum,
Ens omne creabile
Faciens decorum,

Hoc per carmen habile
Te laudantem chorum

Ad interminabile

Regnum duc caelorum.

136. Deus admirabilis,

Bonus, pulcher, fortis,
Mihi venerabilis,

Donec hora mortis
Meae carnis vinculis

Absolvar distortis,
Laudem te cum angelis

Caelicis in hortis.

137. Virtus indicibilis,

Virtus infinita,
Demonstrata saeculis

Lege bipartita,
Te colentes titulis

Laudum in hac vita
Nos cum sanctis angelis

Ad caelos invita.

138. Lux impenetrabilis

Visu sensuali,
Sed intellegibilis

Oculo mentali,
Praesta nobis credulis

In die finali
Perfrui cum angelis

Vita immortali.

139. Lumen indeficiens

In tuo fulgore,
Devotos alliciens

Fervido amore,
Sis tuos reficiens

Attritos labore,
Quos et premit saeviens

Hostis cum furore.

140. Omnium principium

Superprincipale,
Non habens initium

Sed es aeternale,
Sume sacrificium

Illud musicale,
Quod tibi per gaudium

Offero mentale.

141. O vita viventium,

Vita singularis,
Causa exsistentium

Vere nuncupans,
Mentibus colentium

Te odis praeclaris
In regno caelestium

Sedem largiaris.

142. O lux invisibilis,

Superlucens cuncta,
Omittens in singulis

Neque duo puncta,
Pro suis piaculis

Corda nunc compuncta
Serves a periculis

Viva et defuncta.

143. Creatorum omnium

Dominus ac rector,
Tibi servientium

Ad vitam director,
In me malignantium

Fraudis sis director,
Ab bis in perpetuum

Praepotens protector.

144. O superlaudabilis

Divina maiestas
Et insuperabilis

Miraque potestas,
Praesta nobis famulis

Virtutes modestas,
Quos premit damnabilis

Scelerum tempestas.

145. Ens, causa, principium

Creatarum rerum,
Quem per id praeconium

Laudo Deum verum,
Dignum per servitium

Te colentem clerum
Duc in caeli gaudium

Post finem dierum.

146. Deus perfectissimae

Fons perfectionis,
Qui gloriosissime

Regnas caeli thronis,
Da iuvamen animae

Consolationis
Collaudanti intime

Te hymnorum sonis.

147. Ex quo, per quem omnia,

Modo singulari
Summa exstat hostia

Nobis in altari,
Det in conscientia

Ita me aptari,
Ut sim eius gratia

Dignus satiari.

148. Virtus substantifica

Summae trinitatis,
Qua exsistit fabrica

Universitatis,
Aurem tuam adplica

Istis praedicatis,
Quibus plebs angelica

Gaudet cum beatis.

149. O vita vivifica,

Datrix omnis vitae,
Quam turba angelica

Laudat expedite,
Adproba haec cantica

Dicta imperite
Tibique nos adplica,

Cum dices: Venite.

150. O beata trinitas,

Pater, nate, flamen,
Per quam universitas

Recipit iuvamen,
Adprobet benignitas

Tua hoc laudamen.
Cecinit pusillitas

Mea tibi. Amen.