Acta Francisci Pp. 733

retur. Anno MCMVIII propter locorum insalubritatem et aegrotorum propin-

quitatem, spreto periculo ac Domini vineae studiosus, lepra est correptus.

Sic parochi munus deponere debuit, eodem tamen fervore suam perducens

missionem. Die XXVI mensis Ianuarii anno MCMXIV in oppido Villa del Trán-

sito apud Cordubam de hoc mundo demigravit.

Eius sanctitatis fama perstante, die XVIII mensis Iulii anno MCMLXXIV

apud dioecesim Cordubensem in Argentina Processus Ordinarius de eius-

dem sanctitate est actus. Die II mensis Februarii anno MMIV Consultores

Theologi, in Peculiari Congressione coadunati favens suffragium tulerunt

atque idem iudicarunt Patres Cardinales et Episcopi in Sessione Ordinaria

die II mensis Aprilis anno MMIV, ita ut eius virtutes per Decretum diei XIX

mensis Aprilis anno MMIV, a Summo Pontifice Ioanne Paulo II declararentur

heroum in modum exercitae. Beatificationis causa asserta sanatio exhibita

est, quam Medici Consultores die X mensis Maii anno MMXII ad scientiam

inexplicabilem iudicarunt. Theologi Consultores, in Congressione Peculiari

coadunati die VII mensis Iunii anno MMXII Venerabilis Dei Servi intercessioni

eam tribuerunt et idem iudicarunt Patres Cardinales et Episcopi in Sessione

Ordinaria die VI mensis Novembris anno MMXII. Summus Pontifex Benedictus

XVI die XX mensis Decembris anno MMXII facultatem fecit ut Congregatio de

Causis Sanctorum ipsum Decretum evulgaret atque statuit ut beatificationis

ritus in oppido Villa Cura Brochero, Cordubae in Argentina die XIV mensis

Septembris anno MMXIII ageretur.

Hodie igitur de mandato Nostro Venerabilis Frater Noster Angelus S.R.E.

Cardinalis Amato, Congregationis de Causis Sanctorum Praefectus, textum

Litterarum Apostolicarum legit, quibus Nos in Beatorum numerum Venera-

bilem Dei Servum Iosephum Gabrielem del Rosario Brochero adscribimus:

Nos, vota Fratrum Nostrorum Caroli Iosephi Ñáñez, Archiepiscopi Cor-

dubensis in Argentina, et Iacobi Olivera, Episcopi Crucis Axeatae, nec non

plurimorum aliorum Fratrum in Episcopatu multorumque christifidelium

explentes, de Congregationis de Causis Sanctorum consulto, auctoritate

Nostra Apostolica facultatem facimus ut Venerabilis Dei Servus Iosephus Ga-

briel del Rosario Brochero, presbyter dioecesanus, fidelis Evangelii minister,

Christi dilectionis in pauperes testis, Beati nomine in posterum appelletur,

eiusque festum die sexta decima mensis Martii in locis et modis iure statu-

tis quotannis celebrari possit. In nomine Patris et Filii et Spiritus Sancti.