PARISIEN. 15

Loire, qui, si delegatio reapse data fuisset a parocho, nunc defuncto, id scire omnino debuisset, et tamen fatetur nullam licentiam concessam fuisse, et tum se, tum parochum tunc persuasos, Parisien, parochum esse proprium. Nec eam tri- buisse parochum sponsi, patet, quia, si eam dedisset, vir id certe scivisset, qui tamen affirmat, id omnino nescire. De- mum Sacerdos Rocher, anno 1878 vicarius parochi de La Cornuaille, fatetur, se prorsus id ignorare, et tamen si revera a parocho huiusmodi licentia data fuisset, id vicarium Ro- cher latere non potuisset.

Etiam actuales parochi de Loire et de La Cornuaille affirmant, nunquam audivisse licentiam fuisse concessam, nec in paroeciae tabulario indicium aliquod adesse. Tandem dedisse delegationem Episcopum Andegaven. id ignorat etiam Vicarius Generalis. Quare actualis parochus S. Petri, hisce omnibus perpensis, fatetur : « Aucune délégation n'a été donnée. Il n'y a pas de trace de délégation dans l'acte; et c'est trop important pour qu'on ne la mentionne pas dans l'acte, surtout M. Sabatier, qui est premier Vicaire depuis très longs temps ».

Cum autem, exclamat advocatus, matrimonii nullitas meridiana luce pateat, miramur illius validitatem Andega- ven. Episcopum tueri. Hic die 30 Iulii 1895 per telegra- phicas litteras rogavit Emum Congr. C. Praefectum, ut con- troversiae resolutio differretur « ob novas et gravissimas causas, quas litteris proxime secuturis evolvam ». At huiusmodi novae et gravissimae causae nullius sunt momenti iuxta patronum.

Siquidem prae primis, notat orator, haud intelligitur qua ratione Episcopus asserere valeat, scandalum oriturum ex declaratione nullitatis huius matrimonii : cum quisque facil- lime percipiat discrimen quod intercedit inter sententiam nullitatis matrimonii ab ecclesiastica auctoritate editam, et illam divortii a civili tribunali prolatam. Ecclesia enim non solvit coniugale vinculum, sed declarat illud unquam exti- tisse. Quod si reapse fideles in tanta ignorantia detinerentur, Episcopi et Parochorum foret eos docere.