15. In Resurrectione DN.

R, . Vere Dominus surrexit, pastor bonus.

1. Hic est dies, in quo Christi pretioso
Est in sanguine redemptus mundus totus,
In quo ovem, quae erraverat, pastor bonus
Ad ovile reportavit ulnis sacris.

2. Una sabbati surrexit valde mane,
Sic apparuit Mariae Magdalenae,
Quae discipulis occurrens nuntiavit:
De sepulchro resurrexit pastor bonus.

8. Mortis nuntium per stultam mulierem
A paradiso suscepit mundus olim,
Dignum fuit, ut per bonam mulierem
A sepulchro vitam mundus obaudiret.

4. Mors in orbem introivit sub peccato,
Quod commisit primus homo per mandatum
Et ab illo usque Christum perduravit,
Qui per crucem vitam mundi revocavit.

5. Adam vetitum cum lignum usurparet,
Mortem nobis propinavit, sed dum lignum
Christum crucis contrectavit, vitam nobis
In perpetuo firmavit et donavit.

6. Serpens callidus gularum fraude primum
In paradiso decepit protoplaustum,
Christus patri obedivit usque ad mortem
Et cum morte triumphavit sic serpentem.

7. Nam regnavit mors ab Adam et in eos
Quos non propria peccata polluerunt,
Sed sub vinculo delicti protoplausti
Descendebant ad infernum et electi.

8. Christus passus est pro nobis et auctorem
Mortis sua morte vicit et delevit
Mox chirographum peccati, quod infelix
Homo tulit a serpente, cum cecidit.

9. Nam cum caro in sepulchro quievisset,
Portas Tartari potenter Christus fregit,
Inde electos liberavit et in sanctam
Civitatem collocavit immortales.

10. Hoc mysterium quis possit aestimare?
Ante coelos nec electus penetravit,
Modo etiam latroni paradisi
Christus portas est dignatus aperire.

11. Judas impie, crudelis, latro dire,
Lupe rapax et immitis inimice,
Pocnas lues sub gehenna infinitas,
Qui negare vitam mundi cupiebas.

12. Vita nostra resurrexit de sepulchro,

Cum qua simul resurrexit omnis mundus,
Sub his actibus perculsa inimica
Jam perisse sola modo mors regemat.

13. Gens nefanda Judaeorum tristis modo
Debet fiere et in luctu permanere,
Quac dimittere latronem et petivit,
Auctorem mundi, clamabat, crucifige.

14. Nos oportet exsultare, viri fratres,
Et feliciter in Christo jucundare,
Qui purpureo cruore nos redemit
Et ad aurea coetorum regna misit.