974 Acta Apostolicae Sedis - Commentarium Officiale

Ecclesiae Metropolitanae subicimus. Congruae sustentationi Praesulis con-

ditae dioecesis provideatur Curiae emolumentis, fidelium oblationibus et

portione ei obveniente ex divisione, ad normam canonis 122 Codicis Iuris

Canonici facienda, honorum quae hactenus Mensis (vulgo « Mitra ») episco-

palibus Sancti Josephi Riopretensi et Ialespolitanae pertinuerunt. Simul

ac Votuporangensis dioecesis erectio ad effectum deducta fuerit, eo ipso

sacerdotes dioecesi illi adscripti censeantur, in cuius territorio ecclesiasticum

officium detinent; ceteri vero sacerdotes seminariique tirones dioecesi illi

incardinati maneant vel incardinentur, in cuius territorio legitimum habent

domicilium. Cetera vero secundum ecclesiasticas leges temperentur.

Ad haec omnia perficienda praefatum Apostolicum Nuntium deputamus

vel, ipso a sede absente, negotiorum Sanctae Sedis in Brasilia gestorem,

necessarias et opportunas iisdem tribuentes facultates etiam subdelegando

ad effectum de quo agitur, quemlibet virum in ecclesiastica dignitate cons-

titutum, onere imposito ad Congregationem pro Episcopis, cum primum fas

erit, authenticum exemplar actus peractae exsecutìonis remittendi.

Hanc denique Constitutionem Nostram iugiter ratam esse volumus, con-

trariis quibuslibet rebus non obstantibus.

Datum Romae, apud S. Petrum, die vicesimo mensis Iulii, anno Domini

bismillesimo sexto decimo, Iubilaeo Misericordiae, Pontificatus Nostri quarto.

petruS Card. paroLiN Secretarius Status

FraNCiSCuS Di FeLiCe, Protonot. Ap. FraNCuS piva Protonot. Ap.

Loco G Plumbi In Secret. Status tab., n. 312.482