16. De praesentatione BMV.

In 1. Vesperis.
Antiphonae.

1. Salve Deo praeamanda
Oblata voluntarie,
Castitate veneranda,

In templum omnis gratiae.

2. Firmata tu In gratia,
Rectrix misericordias,
Nos serves a fallacia
Et litis et discordiae.

3. Agne Dei, tibi mater-
ne virgo Ista placuit,
Quam elegit sibi pater
Priusquam mundum statuit ?

4. Praelecta genitricis
Trinitatis filia,
Memor esto peccatricis
Animae, spes unica.

5. Praesentata, praesentari

Nos Christo fac In patria,
Nostrum cursum consumari
Feliciter cum gloria.

R. O inexcogitabilis,
O Dei Ineffabilis

Virtus humilitatis!.
Non scio, quis blanditiis
Aut quibus violentiis

Puella castitatis,

Hebraea Judith, Invadit
Domum regis et Induit

Se veste claritatis.
Divinum cor desipuit,
Unde puella rapuit
Scientiam deitatis.
V. Soror Dei, dissipasti

Thesaurum sapiehtiae,
Cor divinum vulnerasti
Dispergens fontem gratiae.
Ad Magnificat.
A. O Maria, forma vitae

Et lex omnis munditiae,
Unde fluit totum rite

Exemplar pudicitiae,
Quod In monte est monstratum

Inspiciendum miseris,
Redde natum Deo gratum
Quem te sequente viseris.
Ad Nunc dimittis.
A. Nunc dimittas, fili Dei,

Totum, quo te offendimus,
Supplicamus omnes rei
Matris voluti pedibus.

Ad Matutinum.
Invitatorium.
Ad honorem hodie

Sponso praesentatae
Jubilemus Domino

Virginis beatae.

In 1. Nocturno.
Antiphonae.
1. Sponsam hanc In juventute
Tibi, Christe, attraxisti,
Cum nos nostra pro salute
Visitare decrevisti.
2. Nec loquelis nec sermone
Plene potest recitari,
Quanta benedictione
Hanc contingat praedotari.
3. Montem scandens tam festiva
Vota complens, ut decebat,
Agitatur repentina

Hoc amore, quo languebat.
Kesponsoria.
1. Haec est. virgo consecrata
Vivum In templum Domini
Voluntate dedicata

Salutem ferens homini,
V. Illi offer donaria,

In Ista quaerito Christum.
2. Haec In templum praesentata
Templum Dei efficitur,
Eo magis sublimata,

Quo sibi plus despicitur;
V. Sanctum est templum Domini

Anima credens In Ipsum.
3. Ratio accelerata

Hujus sacratae virginis,
Non tardata Deo data

Est expers omnis criminis.
V. Haec desponsata minime
Filio placuisset,
Divo patri ex crimine
Si odio fuisset.

In 2. Nocturno.
Antiphonae.
1. Eructavit verbum bonum
Cor gloriosae virginis
Recepturae plenum donum
Paracliti muniminis.
2. In cor matris sunt translati
Montes divini culminis,
Sensus hujus dum sedati
Carent motu libidinis.

3. Omnes coelos transcendendi
Tunc fundamenta posuit,
Mentem cunctis descendendi
Dum humilis proposuit.

Responsoria.
1. Virgo sancta, non miraris,
Ex voto casta permanens
Ut sis mater et vocaris
A voto non resiliens?
V. Castus natus est donatus
Tibi non laedens Integra.

2. En In sinu Sunanitis
Senex David Incaluit,
Pbilistaeo corde mitis

Postquam funda praevaluit;
V. Stas In laude Dei fraude

Devicta diabolica.
3. Virgo, dea ex natura

Non es, sed sic ex gratia
Facta, Deum paritura,
Permutans naturalia.
V. Centuplo plus accepisti
Per dona gratialia,
Quam pro Deo dimisisti
Oblata voluntaria.

In 3. Nocturno.
Antiphonae.
1. Da nos, virgo, decantare
Praedigna extollentiae
Tibi carmen resonare,
Laudis et reverentiae.
2. Terra plaudat regnaturae,
Exhinc laetentur insulae,
Finiuntur qua figurae
Praefataque prohetiae.
3. Cantum novum decantate
Patri pro tanta filia,
Hanc elegit, jubilate,
Facturam mirabilia.

Eesponsoria.
1. Cum tu Joseph desponsata
Esses spiritualiter,
Concepisti Deo grata

Verbum suum mentaliter,

V. Ore sponsi osculata
Virgo manens conserata.

2. Ubera tu meliora

Super vinum decrevisti,
Dum per dona dulciora
Fecundari appetisti;
V. Vitam eligens activam

Non spernis contemplativam.

3. O Maria, nescivisti,
Esse mater debuisti

Ex Gabrielis neumate,
Castitatem quae vovisti,
Contra legem non fecisti,

Fecundans pneumate;
V. Verbum Dei concepisti

Angelo annunciante,
Quod et casta genuisti

Virgo semper, post et ante.

Ad Laudes.
Antiphonae.

1. Salve, Hesther, quam non tangit
Lex Assueri nec confrangit
Serpentis sibilatio.
2. Soror Dei praelecta
Propter te non est effecta
Haec legis Institutio.

3. Mortis lege liberata,
Non levata, praeservata
Es, crimen ne attingeres.
4. Ratio accelerata
Cogit, Deo te oblata,

In templum ut ascenderes.
5. Hero vero desponsata
Servivisti Deo grata,
Rectrix coeli quo fieres.

Ad Benedictus.
A. Virgo tibi servientes,
Acta tua recolentes

Infantes, mater, attrahe,
Carnis mota passione
Tu a desperatione
Nos pia manu retrahe.

In 2. Vesperis.
Ad Magnificat.
A. Virgo, templum quae ascendis,
Levitates reprehendis

Et spernis mundialia,
Da peccata nos vitare
Et, quod justum est, amare,

Ut sic post transitoria
Hujus mundi tam Immundi
Mereamur semper mundi
Perenni frui gloria.