17. De sancto Calixto.

I n 1. Vesperis.

Ad Magnificat.

A. Gratuletur

Christi familia,

Dies nobis

haec refert gaudia,

Qua Calixtus

victrici laurea

Redimitus

intravit aethera,

Tibi, Christe,

sit laus et gloria.

Ad Matutinum.

Invitatorium.

Christum, regem

et formam martyrum,

Adoremus,

laude dignissimum,

Qui triumphum

Calixto martyri,

Cum triumpho

coronam contulit.

In 1. Nocturno.

Antiphonae.

1. Sanctus Calixtus pontifex

Meditabatur jugiter

In lege Domini.

2. Dum Dei legem explicat,

Fremit praeses inania,

Meditans illum perdere.

3. Ut rapiatur, imperat,

Sed in raptores caecitas

Irruit subito.

4. Vim virtutis intuitus

In Calixto Palmatius

Ad Dominum convertitur.

5. Verba sancti

percipit Dominus

Cum clamore

gementis spiritus,

Et exauditus est.

6. In tuo, Deus, nomine

Multo signorum opere

Calixtus claruit.

Responsoria.

1. Praesul Calixtus nomine

Pro Christo fuso sanguinc,

Coelos ascendens hodie,

Palmam refert victoriae;

V. Coetu fretus angelico

Sanctorum datur numero.

2. Orabat in coenaculo

Multis secum de populo,

Subvertitur cum idolo

Domus subjecta Zabulo

V. In argumentum fidei,

Dum verbo plebem reficit.

3. Audit praefectus populi

Casum domus et idoli,

Ut rapiatur, praecipit,

Calixtus servus Domini,

V. Furori satisfacere,

Quo torquebatur pectore.

In 2. Nocturno.

Antiphonae.

1. Qui confidens in Domino

Minanti se Palmatio

Praesentari non timuit.

2. Ruga carens et macula

Aeterna tabernacula

Ingredi meruit.

3. Vitam a Deo petiit,

Dedit et superaddidit

Coronam gloriae.

4. Vir Calixtus

celeber meritis

Coeli claves

successor Simouis

Atque curam,

ovium suscipis

Romae et orbis.

5. Pastor factus

gregis Dominici,

Virgam ferens

cum tuba ductili

Gregem pascit.

6. Tuba mittit

sonum horribilem,

Terret hostes

longius abigens

Ab ovili.

Responsoria.

1. Satelles domum subiit,

Ubi Calixtum didicit,

Qui nebula circumdatus

Caecitate percutitur,

V. Ut viro Dei crederet

Nec fidei resisteret.

2. Vir Domini sollicitus

In deducandis ovibus

Virgam cum tuba ductili

Tenet et feras abigit,

V. Non dormitando palpebris

Nec dando somnum oculis.

3. Dum recreat in Domino

Fideles vitae pabulo,

Calixtus raptus subito

Concluditur ergastulo

V. Pro fidei mysterio,

Pro veritatis studio.

In 3. Nocturno.

Ad Cantica.

A. Ad pascua

ducit uberrima

Dei pascens

hic animalia

Semper sollicitus.

Responsoria.

1. Arta clausus custodia

Profligato inedia,

Tyrannus interdixerat

Ei quaevis edulia,

V. Ut vel poenis deficeret

Vel votis ejus cederet.

2. Flores et laeta gramina

Mundi Calixtus spreverat

Desertum mentis appetens,

Ibi constanter permanens,

V. Vanam calcavit gloriam

Et fallentem insaniam.

3. Expositus ad gravia

Christi miles supplicia

Pro fidei constantia

Torquetur mente placida

Dei praedulcis hostia,

V. Cui vivere Christus erat

Et mori lucrum.

In Laudibus.

Antiphonae.

1. Praecinctus martyr

fide non modica

Superavit

fluctus et flumina

Maris hujus.

2. Jubilemus

sanctorum Domino,

Cui Calixtus

perenni jubilo

Cum sanctis jubilat.

3. Invigilans

commissis ovibus

Pavit gregem

Domini sedulus

Pastor pervigil.

4. Benedixit

Calixtus Domino,

Quod addictus

gravi supplicio

Pro eo patitur.

5. Psalterii

simul et citharae

Peritus cantat

laudans assidue

De coelis Dominum.

Ad Benedictus.

A. Sanctitate

juncta justitiae

Servit Deo

pulsa formidine

Cum tyranno

juncto certamine

Vicit, refert

palmam victoriac.

In 2. Vesperis.

Ad Magnificat.

A. Vir Calixte,

Domini gratia

Quem solemnis

canit ecclesia,

Te precamur,

audi precamina,

Sentiamus

tua suffragia,

Ut ad prima

ducamur gaudia.