15. De sancto Gabriele.

In 1. Vesperis.

Antiphonae.

1. Adest tempus vespertinum,
Qua Gabriel salutavit
Virginem, verbum divinum
Ferens eam illustravit.

2. Alta salus dum virginem
Turbat, ille ipsam docet:
Dei patris imaginem

Sanctum pneuma in te locet.

3. Praecursorem de sterili
Nasciturum nuntiasti,
Salvatorem de humili
Incarnandum designasti.

4. Mens virginis dum inclinat
Se ad verba Gabrielis,
Verbum patris tunc reclinat
In uterum se de caelis.

5. Videt virgo dignissima

Se effectam Dei matrem,
Plaudit, laudat sanctissima
Maiestatis summae patrem.

Ad Magnificat.

A. Salve, Christi

praeco dignissime,
Preces offer

matri piissimae,
Ad hoc noster

aspirat animus,
Ut deleat

mala, quae fecimus,
Et det bona,

quae semper cupimus.

Ad Matutinum.

Invitatorium.

It Gabriel ad virginem
Novam salutem proferens,

Dei patris imaginem

Virgo capit et fit parens.

In 1. Nocturno.
Antiphonae.

1. Trinitatis consilio

Venit praeco ad virginem,
Dei freta auxilio
Eius capit imaginem.
2. Tunc Gabriel indicavit
Domini Iesu conceptum,
Cum virgini praedicavit
Aeterni regis praeceptum.
3. Sancte Deus mirabilis,
Diminute ab angelis,
Veni, desiderabilis
Deus et homo humilis.

Responsoria.

1. Pacis causa

venit reformandae,
Solvat Christus

pretium emendae,
Non sit terror

irae contremendae,
Sed firma spes

veniae habendae.
V. Tu baiule

summae clementiae,
Summae laudis

et excellentiae,
Sta pro nobis

in caelis hodie.

2. Misit servum

pater pro filio
Non humano

fretus auxilio,
Hic divino

magis consilio
Sponsam duxit

in hoc exsilio.
V. Paranymphus

supplex salutavit,
In virginem

sanctum pneuma flavit
Et in matrem

Dei consecravit

3. Felix nimis,

o Gabriel, hora,
In qua virgo

dulcis et decora
Deum verum

cepit sine mora
Altissima

tua propter ora.
V. Illud Ave

quando protulisti,
Dona magna

mundo adtulisti,
Cum omne vae

a nobis tulisti.

In 2. Nocturno.
Antiphonae.

1. In caeli tabernaculo

Tu qui sedes magnifice,
In ventris habitaculo
Virginis magna perfice.

2. Qui a caelo egreditur
Gabriele proclamante,
In virgine concluditur
Persubito hunc amante.

3. Bex gloriae disposuit

Clausam portam subintrare,
Hinc exiens nos docuit
Caeli portam penetrare.

Responsoria.

1. Tu reginae

summi regiminis,
Quae concepit

instinctu numinis,
Vale dieis

cum coetu ordinis,
Matrem laudans

Dei et hominis.
V. Nunc igitur,

Gabriel, propera,
Narra Dei

miranda opera,
Quae facta sunt

in hac Christifera.

2. Hic baiulus

summae caritatis
Opus egit

summae pietatis,
Quem Dominus

summae maiestatis
Praeelegit

huiusmodi fatis.
V. Fortitudo

Dei, quae latuit,
Per hunc fortem

miranter patuit,
Ad fortia

cum manum posuit.

3. Nova luce

nunc per Gabrielem
Illustravit

populum fidelem
Altissimus

conferens medelam
Hominibus

et fidam tutelam.
V. Gaudent omnes

et gaudent singuli
Pro adventu

pio et humili
Nostri Iesu,

infantis parvuli.

In 3. Nocturno.

Antiphonae.

1. Praeco eam perterruit

In sermone permodicum,
Modum carnis abhorruit
Virgo tenens hunc caelicum.
2. Venit ad nos mirabilis,
Locum pacis praeelegit,
Praeest praeco amabilis,
Valde miranda peregit.
3. Angelis et hominibus

Lux orta cum laetitia,
Est salus patens omnibus,
Discedat hinc maestitia.

Responsoria.

1. De amicis

Dei praecipuis
Est Gabriel

et de perpetuis,
Mysteria

nota facit suis
Et ardua

committit arduis.
V. Hunc homines

habent advocatum
Ante Deum

fidum et paratum,
Apud eum

votum sit locatum.

2. Volat fortis

per medium caelum,
Qui pepulit

durissimum telum,
Ne laederet

opponendo velum,
Ipsum fortem

locavit in prelum.
V. Hic Gabriel

vicit fortissimum,
Dum venire

fecit mitissimum
Natum Dei

ventrem sanctissimum.

In Laudibus.
Antiphonae.

1. Dominus fortitudinem

Induit et se praecinxit,
Gratiae amplitudinem
In Maria ipse pinxit.
2. Novus creatur populus

Deum laudans in iubilo,
Ad Mariam dum baiulus
Venit monens dulci stilo.
3. Deus noster benedixit

Hanc terram ante desertam,
Cum Gabriel Ave dixit,
Portam caeli dat apertam.
4. Laudemus nunc Christiferam
Actus eius imitando,
Nam salutis dat operam
Ad gratiam invitando.
5. Coetus omnes angelorum
Et Gabriel psallunt ei:
Imperatrix es caelorum
Et regina, mater Dei.

Ad Benedictus.

A. Preces tuae

nobis subveniant,
O Gabriel,

atque custodiant
Nunc et semper,

ut hostes fugiant,
Et nos cives

tui suscipiant.

In 1. Vesperis.

Ad Magnificat.

A. In hac vita

multa pericula
Nobis instant

et multa vincula,
O Gabriel,

tu mente sedula
Regnum caeli

pro nobis postula.