18. De sancto Deodato.

In 1. Vesperis.

Antiphonae.

1. Omnes una congregati

Ad tanti laudem praesulis

Solemnia Deodati

Decantemus cum modulis.

2. Gratia Dei praeditus,

Ut cui plus committitur,

Antistes legit inclitus,

Plus ab eo exigitur.

3. Nivernensem praesulatum

Mox reliquit Ammonita,

Timens praebuit se gratum

Deo factus eremita.

4. Spem salutis praedicabat

Virtutibus sublimatus

Et egenos sustentabat

Dei munere ditatus.

5. Iste vir Israelita

Promeruit decorari,

Qui stat in utraque vita

Cum supremo angulari.

Ad Magnificat.

A. Clari festi praesentia

Omnis fidelis anima

Cordis exsultet jubilo

In Christo Jesu Domino,

De quo gaudet solcmnio

Deodatus continuo,

Ubi securus lapsuum

Memor sis tui memorum.

Ad Matutinum.

Invitatoriuim.

Casta mente Deo

surgamus psallere nostro,

Regna Deodato

qui coelica contulit almo.

In 1. Nocturno.

Antiphonau.

1. Beatus vir Deodatus

In lege Dei sedulus

Die ac nocte gemina

Replebatur scientia.

2. Super montem ecclesiae

Constitutus catholicae

Nec regibus nec populis

Praecepta Dei tacuit.

3. Voce cordis ad Dominum,

Cujus est salus omnium,

Clamavit et in gloxia

Susceptus est angelica.

Responsoria.

1. Beati patris annua

Deodati solemnia

Lux hodierna revocat

Et pia corda renovat ;

V. Magistri quippe gloria

Discipulos condecorat.

2. Claro Francorum stemmate

Natus hic felicissime

Veri Dei notitia

Fulsit a pueritia,

V. Ingenio laudabili

Perscrutans dogma fidei.

3. Cumque per dies singulos

Fieret se ipso melior,

Populis Nivernensibus

Subrogatur episcopus,

V. Factis et dictis cognitus

Per omnia catholicus.

In 2. Nocturno.

Antiphonae.

1. In diebus angustiae

Deus ejus justitiae

Sanctum suum solatio

Dilatavit mirifico.

2. Deus in multitudine

Suae misericordiae

Deducens suum famulum

Direxit ad hunc Vosagum.

3. Homo coelestis habitus

Hinc et terrestris angelus,

Gloriosus emicuit

Sanctus et honorabilis.

Responsoria.

1. Suscepto devotissime

Episcopatus apice

Instanter gessit opera

Honori tanto congrua,

V. Solertia pervigili

Quaerendo, quae sunt Domini.

2. Semper devotus pontifex

Deo vacare appetens

Mundi relictis omnibus

Vult esse solitarius,

V. Nam totus Deo deditus

Nomine et operibus.

3. Cum discipulis vir Dei

Secreta lustrans Vosagi

Perstitit in Gallilaea,

Valle satis accommoda,

V. Prius perpessus plurima

Ab invidis incommoda.

In 3. Nocturno.

Antiphonae.

1. Propter se factum pauperem

Deodatum respiciens

Ex sede sua Dominus

Vitae ditavit opibus.

2. Hic operans justitiam,

Quaerendo vitae patriam

In fronte verum praetulit

Nec linguam dolo polluit.

3. Mundo corde et manibus

Deodatus innocuus

Scandere montem Domini

Alacriter promeruit.

Responsoria.

1. Ex locorum vicinia

Et antiqua notitia

Deodato carissimus

Hidulphus erat inclitus,

V. Qui Prumas Trevirensium

Nuper intrarat eremum.

2. Videns beatus undique

Multos ad se confluere

Apud Juncturas gemina

Construxit monasteria,

V. Ibi degens amabilis

Suis atque extraneis.

3. Venerabilis pontifex

Jam senio deficiens

Morte ad vitam transiit

Corporis liber vinculis,

In qua sentitur vivere

Miraculorum munere.

V. Peregrinus et humilis

Seminavit in lacrimis,

Sed gaudens vitam messuit.

A d Laudes.

Antiphonae.

1. O quam sunt credibilia

Tua, Deus, eloquia,

Parasti tuo famulo

Aptam sedem in eremo.

2. Intremus portas Domini

Confessione supplici

Et hymnis ejus atria

Per Deodati merita.

3. Deum sitiens anima

Hujus sancti dignissima

Per deserta et invia

Quaerebat vitae gaudia.

4. Benedicite Dominum

Omnes filii hominum,

Hunc sanctum corde humilem

Qui benedixit praesulem.

5. Domini nomen solius -

Senex cum junioribus

Laudent, cujus est gratia

Deodatus in gloria.

Ad Benedictus.

A. Portis atque macrothymus

Deodatus calogerus

Post prolixa et plurima

Hujus vitae certamina

Domini sui gaudio

Donatus est perpetuo.

In 2. V esperis.

Ad Magnificat.

A. O praesul hagiastice,

Deodate, nos refove

Meritis et precamine

Apud Dominum gloriae,

Ut expurgatis omnibus

Mentis et carnis sordibus

Te praevio perpetua

Adipiscamur gaudia.