Quinquagena I.

1. Ave, saluberrime

Amor devotarum,
Te submittens intime

Mentibus eorum,
Meae statum animae

Effice decorum
Et a via dirime

Turpi peccatorum,
2. Ave, missum caelitus

Verbum summi patris,
Conceptum divinitus

Alvo tuae matris,
Imbre sancti spiritus

Renova me gratis,
Eradicans funditus

Causas pravitatis.
3. Ave, praeclarissimum

Iubar sanctitatis,
Illustrans collegium

Christianitatis,
Meum clemens animum

Purges a peccatis,
Abigens taeterrimum

Hostem probitatis.
4. Ave, indeficiens

Copia credentum,
Altaris te tribuens

His per sacramentum,
Cor meum esuriens

Te vinum, frumentum,
Quaeso, sic reficiens

Tibi fac intentum.

5. Ave, qui distantia

Contrarietate
Facis concordantia

Tua veritate,
Hostis a fallacia

Et crudelitate
Servans reple gratia

Nos et caritate.
6. Ave, invictissime

Princeps o Messia,
Quem scripsit verissime

Omnis prophetia,

Tuae beatissimae

Matris prece pia
Mundes me ab animae

Meae dyscrasia.
7. Ave, cuius merito

Atque medicina
Solvimur a debito

Mentisque ruina,
Corda nostra facito

Fore columbina,
Ne fallantur subito

Fraude zabolina.
8. Ave, ineffabile

Verbum, quo creatum
Ens omne creabile

Est ac decoratum,
Tuum per mirabile

Nomen cunctis gratum
Mihi cor flexibile

Des et depuratum.
9. Ave, prudentissime

Mundi gubernator,
Vereor iustissime

Quem ego peccator,
O amabilissime

Pauperum amator,
Vitae meae pessimae

Esto reparator.

10. Ave, qui syngrammate

Tuae veritatis
Omni mundum dogmate

Purgas falsitatis,
Expurges a limate

Nos iniquitatis
Ditans theoremate

Summae deitatis.

11. Ave, decor nobilis

Omnium formarum
A patre a saeculis

Per te creatarum,
Obscura Christicolis

Pande scripturarum,
Quibus se a maculis

Mundent animarum.

12. Ave, sol, qui radio

Tuae claritatis
Iustos ab initio

Illustrasti gratis,
Me gravatum taedio

Pressumque peccatis
Concrema incendio

Tuae caritatis.

18. Ave, qui prudentia

Regis universum
Parentum ignavia

Ex parte perversum,
Me tibi per vitia

Revoces adversum,
Tua reddens gratia

Mentem corque tersum.

14. Ave, quem recolere

Nunc est mea cura
Et sic tibi reddere

Lucrum cum usura,
Fac me requiescere

Vita in futura,
Nulla quam accendere

Potest impostura.

15. Ave, per quem pravitas

Hostis est minuta,
Nobisque hereditas

Caeli restituta,
Cum tua divinitas

Carne est induta,
Post mortem humanitas

Vitae retributa.

16. Ave, misse caelitus

Splendor paternalis,
Nam es patri penitus

Coessentialis,
Rudera radicitus

Nos a cunctis malis
Protegens divinitus

Pietatis alis.

17. Ave, immutabile

Spei fundamentum,
Quo consistit stabile
Legis testamentum,

Da indefectibile

Amoris augmentum
Mihi huius sedulae
Laudis per concentum.

18. Ave. invictissime

Gigas, qui draconem
Barathri fortissimae

Mortis per agonem
Evicisti, supprime

Per dilectionem
Tuam meae animae

Delectationem.

19. Ave, qui consilium

Vetus confimasti,
Quod tu ante saeculum

Cum Patre tractasti,
Cum te sacrificium

In cruce litasti,
Tibi sic credentium

Plebem adunasti.

20. Ave, rex dans gloriam

Tuis per favorem,
Virtutem, prudentiam,

Fidem, spem, amorem,
Aufer immunditiam,

Tribue decorem,
Dic: vive per gratiam,

Suscipe honorem.

21. Ave, qui de virgine

Olim es enixus,
Carne sic pro homine

Tandem crucifixus,
Tuo prae amamine

Tibi sim confixus
Atque defensamine

Ubique subnixus.,

22. Ave, quem profiteor

Omnium rectorem,
Unde tibi obsequor

Huius per tenorem
Laudis tuae, deprecor,

Mihi des amorem
Auferens, quo inquinor.

Scelerum putorem.

23. Ave, sapientia

In divinitate,
Summa cum potentia

Imperans cum patre,
Obsequi ex gratia

Tua fac me grate
Tibi cum prudentia

Atque puritate.

24. Ave, exspectatio

Gentium cunctarum,
Laus et consolatio

Et salus earum,
Tua dira passio

Ignorantiarum
Mearum solutio

Sit atque culparum.

25. Ave, panis caelice

Satians egenum
Ac tuae deificae

Caritatis plenum.
Cordis mei disice

Affectum terrenum
Meorumque abice

Appetitum renum.

26. Ave, sol ex gratia

Menti dans acutum
Lumen, quo plantaria

Germinent virtutum,
Cor meum per varia

Scelera pollutum
Purges ac bifaria

Lege fac imbutum.

27. Ave, aromaticum

Vas benignitatis,
Tu vas odorificum

Vasque caritatis,
Statum fac pacificum

Contrarietatis,
Abigens terrificum

Hostem pietatis.

28. Ave, lucidissimum

Lumen mentis purae,
Splendorem clarissimum
Sacrae dans scripturae,

Per eius tutissimum

Iter ad futurae
Vitae habitaculum

Ducas nos secure.

29. Ave, rex fidelium

Libertatis tutor,
Rex, qui dicis: ego sum

Deus et non mutor,
Devote clamantium

Ad te sis adiutor
Et in nos surgentium

Esto persecutor.

30. Ave, qui dulcedinem

Tuae pietatis
Atque plenitudinem

Tuis praestas gratis,
Per inexstinguibilem

Ignem caritatis
Elima rubiginem

Meae pravitatis.

31. Ave, ineffabile

Verbum creatoris,
Cui hoc carmen nobile

Concino amoris,
Cor meum frenabile

Fac praecepti loris
Et indissolubile

Pessulo timoris.

32. Ave, quem sinceriter

Chorus beatorum
Collaudat perenniter

In regno caelorum,
Exoro suppliciter

Te meum decorum,
Ut iungar feliciter

Coetui ipsorum.

33. Ave, o suavitas

Super mel dulcescena,
Pellitur acerbitas

Mentis qua tumescens,
Mea per te pravitas

Quasi nix liquescens
Solvatur et falsitas

Merito vilescens.

84. Ave, o mitissime

Agne sternens fortem
Lupum per sanctissimae

Carnis tuae mortem,
Prohibe me, Domine,

Stygeam cohortem,
Ne trahat pro crimine

Nos ad suam sortem.

35. Ave, simplicissimum

Et universale
Lumen, patri luminum

Penitus aequale,
Praesta donum optimum

Sapientiale,
Quod pellat taeterrimum

Chaos criminale.

36. Ave, sol, qui algui

Praevales obstare,
Qui amoris mutui

Bonum vult turbare,
Caute fac nos astui

Hostis obviare,
Stygis qui nos aestui

Giscit deputare.

37. Ave, ignis splendide,

Vitia comburens,
Puritatem sordidae

Animae reducens,
Mentis meae morbidae

Vulnera sis urens,
Indidit quae callide

Persecutor furens.

38. Ave, qui das gratiam

Et benignitatem
Spernenti malitiam

Atque vanitatem,
Da, vitem luxuriam,

Sequar castitatem,
Persequar fallaciam,

Amem veritatem.

39. Ave, cuius pedibus
Peccatrix famosa
Assistens hos crinibus
Tersit dolorosa,

Hinc per te clementius

Facta speciosa
Meruit prae omnibus

Esse amorosa.

40. Ave, sidus caelicum,

Fidei fulgorem
Largiens et mellioum

Gratiarum rorem,
Animabus supplicum

Tuum per amorem
Praesta beatificum

Statum post laborem.

41. Ave, vitis gratiae,

Vitis generosa,
Fundens indulgentiae

Vina copiosa,
Riga conscientiae

Meae aridosa,
Donum des laetitiae

Pellens luctuosa.

42. Ave, sapientia,

Spei certitudo,
Cuius venerantia

Odis his desudo,
En, me premit varia

Mentis valetudo,
Tua pellas gratia

Quam et fortitudo.

43. Ave, rerum omnium

Summa pulchritudo,
Qua mundatur mentium

Foeda turpitudo,
Propellatur tristium

Per te maestitudo,
Fraus quam infert hostium

Et amaritudo.

44. Ave, qui malitiam

Et impietatem
Pellis per iustitiam

Atque veritatem,
Da per tuam gratiam

Et benignitatem
Nobis caeli gloriam

Per aeternitatem.

45. Ave, fons dulciflue

Mella dans virtutum,
Mundans carnis defluae
Faecibus imbutum,
Certanti assidue

Praesta milii scutum,
Transeam innocue
Ut hostem versutum.

46. Ave, decus nobile

Omnium pulchrorum,
Abigens culpabile

Virus vitiorum,
O indefectibile

Sidus supernorum,
Duc in infinibile

Nos regnum caelorum.

47. Ave, rex deifice,

Qui es honorandus
Cunctis, sed specifice

A me praeamandus,
Assis, nam barbariae

Vexat me nefandus
Hostis, carnis lubricae

Motus exsecrandus.

48. Ave, fons scientiae

Corda lustrans dura,
Qui erant inscitiae

Vitio casura,
Nostrae ignorantiae

Solve nos captura
Tuae sapientiae

Reserans obscura.

49. Ave, indicibile

Verbum summi patris,
Dogma infallibile

Docens veritatis,
Cor meum flexibile

Tuis fac mandatis
Et inexpugnabile

Linguis falsitatis.

50. Ave, cui carminum

Offero libamen,
Te cum patre luminum

Laudans atque flamen,
Dele, quaeso, criminum

Meorum atramen,
Ut post vitae terminum

Tibi iungar. Amen.