Dicit ergo ita : Haec est revelatio quam dedit mihi Christus. " Beatus " ergo. 1 Vel sic ita : Revelavit quae oportet fieri i cito. " Beatus " ergo, scilicet, beatitudine spei, et tandem beatitudine rei, " qui legit, " scilicet aliis narrando, et eos docendo ut sapientes. Eccli. XXIV, 31 : Qui elucidant me, vitam aeternam habebunt. i

" Et qui audit, " addiscendo ut simplices.Eccli. V, 13: Esto mansuetus ad audiendumverbum,Deiscilicet,utintelligas.

" Verba prophetiae hujus, " quae sunt verba vitae et salutis. " Et servat ea. " Quasi diceret : Beatus non est qui audit 1 et legit, sed si servat ea quae in ea scripta sunt, opere adimplendo. Quia Apostolus, ad Roman. II, 13 : Non auditores legis justi sunt apud Deum : sed factores legis justificabuntur. Vel, " Servat, " corde retinendo. Luc. XI, 28 : Beati qui audiunt verbum Dei, et custodiunt illud.

Vel sic : " Beatus qui legit, " studendo, " et qui audit, " obediendo, " et servat ea," credendo et continendo. Unde Glossa : " Servat ea qui fidem Christi et Ecclesiae non violat, et timet nuntiata, et quaerit promissa. "

Et quare ista servanda sunt, subdit:

" Tempus enim prope est, "

Scilicet retributionis bonorum et observantium. Luc. XXI, 31 : Scitote quoniam prope est regnum Dei. i tem, Tempus retributionis malorum negligentium et contemnentium. Ezechiel. xxx, 3 : Appropinquat dies Domini, diesnubis : tempus Gentium erit. Jerem. xlviii, 16 : Prope est interitus Moab ut veniat. Haymo : " Felix qui servat : quia observationis tempus non longas moras innectit, et retributionis dies quodammodo in januis consistit. " Jacobi, v, 9 : Ecce judex ante januam assistit.

Moraliter : " Apocalypsis " interpretatur revelatio, hoc est, sacrae Scripturae cognitio quae debet esse " Jesu Christi, " id est, peti in nomine Jesu Christi. Joan. XVI, 23 et 24 : Si quid petieritis Patrem in nomine meo, dabit vobis. Usque modo non petistis quidquam in nomine meo. Petite, et accipietis, etc.

" Quam dedit illi, " non vendidit, sed gratis dedit, non pro meritis, non subtilitate ingenii. Matth. x, 8 : Gratis accepistis, gratis date.

" Deus " Pater, a quo est omne bonum. Jacobi, I, 17 : Omne datum optimum et omne donum perfectum, etc.

Et ad quid? " Palam facere, " id est, aliis aperire, non per invidiam abscondere. Sapient. vii, 13 : Sine fictione didici, et sine invidia communico.

Et quid ? " Quae oportet fieri cito, " scilicet praemia bonorum, et supplicia malorum : illa ut appetantur, haec ut fugiantur.

" Et significavit, " id est, sub sigillo suo dedit: quia non communicat alii.

" Mittens per Angelum suum, " id est, Praedicatorem, Doctorem, Praelatum qui dicitur angelus, Malach. II, 7 : Angelus enim Domini exercituum est.

Et cui, subdit : " Servo suo, " id est, ei qui servat Dei mandata: " Joanni, " id est, ei qui mundus est a culpa : quia Joannes interpretatur in quo est gratia Dei.

" Qui testimonium perhibuit verbo Dei, " id est, Filio, corde credendo, et ore confitendo. Ad Roman. x, 10 : Corde creditur ad justitiam : ore autem confessio fit ad salutem.

" Et testimonium Jesu Christi " scilicet ejus opera imitando.

" Beatus qui legit, " docendo, " et audit, " addiscendo, " et qui servat, " in corde retinendo : et hoc ut peccatum vitetur. Psal. CXVIII, 11 : In corde meo abscondi eloquia tua, ut non peccem tibi, etc. Item, ut a laqueis tentationum tueatur. Psal. XXXVI, 31 : Lex Dei ejus in corde ipsius, etc. Et Glossa : " Lex Dei custodit a laqueis." Item, ut diabolus excludatur. Joan. III, 20 : Qui male agit, odit lucem. Male agens est diabolus, lex est lux. Psal. cxviii, 105 : Lucerna pedibus meis verbum tuum. Item, ut auditoribus postea effundatur, exemplo Joseph, qui aperuit universa horrea aegypti, et vendebat aegyptiis : nam et illos fames, etc.

" Joannes septeni Ecclesiis quae sunt in Asia. Gratia vobis et pax ab eo qui est, et qui erat, et qui venturus est : et a septem spiritibus qui in conspectu throni ejus sunt. "

" Joannes septem Ecclesiis. " Supra commendavit suam revelationem, hic ponit salutationem.

Et dicuntur duo. Primo, salutatis optat bonum. Secundo, describit multipliciter Christum, ibi, v. 5 : " Et a Jesu Christo. "

In prima parte dicuntur quatuor : primo, persona salutans: " Joannes. " Secundo, personae salutatae : " Septem Ecclesiis. " Tertio, bonum quod optatur : " Gratia vobis. " Quarto, a quo hoc bonum eis optatur : " Ab eo qui est. "