978 Acta Apostolicae Sedis - Commentarium Officiale

II

Servae Dei Vlctorlae a Iesu (in saeculo Franciscae Agneti Mariae ab Antiqua Valverde Gonzàlez) Beatorum honores decernuntur.

FRANCISCUS PP.

Ad perpetuam rei memoriam. - « Quamdiu manet hic una saltem ex

filiabus meis, eam non relinquam, quamvis morte mihi constet ».

Sic respondit Serva Dei Victoria a Iesu (in saeculo Francisca Agnes

Maria ab Antiqua Valverde González) ad omnes qui ei praebuerunt occa-

sionem fugiendi in urbem Martos primis mensibus persecutionis religiosae

in Hispania. Sic monstravit fidem in Christo, qui vocaverat eam ad plenam

consecrationem per professionem religiosam, ut puellas educaret et sorores

religiosas curaret. Eadem fide suffulta, martyrium deinde est amplexa ut,

pretio suae vitae, communitatem religiosam cui praesidebat protegeret.

Serva Dei orta est die XX mensis Aprilis anno MDCCCLXXXVIII in Vicálvaro

prope Matritum ab egenis parentibus, qui operibus ad diem fungebantur ut

familiam sustinerent. Aliquot annos adulescentiae egit Compluti prope Matri-

tum apud orphanotropheum quod a Filiabus Caritatis administrabatur. Hac

tempestate solidam formationem christianam illa recepit et, cupiens Domino se

totam consecrare, Congregationis Filiarum a Divino Pastore novitiatum inivit.

Vota temporaria professa est apud Domum Madre di Sanlúcar de Barra-

meda prope Gades. Anno MCMXII destinata est Communitati Monóvar prope

Lucentum, et deinde transivit ad Monforte de Lemos prope Lucum Augusti,

ubi vota perpetua nuncupavit. Deinde translata est ad Domum oppidi Martos

prope Giennum, cuius communitatis postea facta est Moderatrix. Ab anno

MCMXXIV ad annum MCMXXXI Moderatrix fuit communitatis in urbe Sanlúcar

de Barrameda, ac deinde communitatis in urbe Martos.

Interea seditio militaris in Hispania oriri coeperat, quae totam nationem

adduxit ad bellum civile inter annos MCMXXXVI et MCMXXXIX. Itaque provincia

Giennensis vexationi politicae et persecutioni religiosae vehementer est

subiecta, ita ut multae personae caederentur necnon monasteria, coenobia

et templa atque societates catholicae destruerentur. Quocirca Serva Dei

curavit ut suae sorores ad variarum familiarum refugium se conferrent.