19. De praesentatione BMV.

In 1. Vesperis.
Antiphonae,

1. Ave, nubes empyrea,
Ex humilitatis vapore
Levaris ad aethera
Veri solis calore,
Quem pelle tegis lucida,
Virginitatis decore.

2. Per te rigantur arida
Ex flebili livore,
Per te vetusta macula
Lavatur a scpaalore,
Tu cuncta tollis jacula
A sceleris ultore,

3. Tu sola soli pervia
Integritatis flore,
Tu pia sis intervia,
Ne solis In furore,
Flamma nos urat torrida
In diei fervore.

4. Tu, pia, per umbracula
Ducis ab errore
Ad pacis habitacula
Ab Aegypti pavore.

Viam monstras per devia
Solis In pallore,
Quem protulisti pervia
In Israel decore.

5. Tu flante sancto pneumate
Pura ab Evae rheumate
Ad templi pergis limina,
Ad sponsi tui servimina,
Cujus aulam subisti;
Ex aula tui corporis
Deus homo prodiit.

R. Anna coeli imperatrix,

Quae creatoris tui facta es

genitrix,
Merito tibi obediunt omnia,
Nam tibi obedivit,
Qui cuncta regit entia.

V. Surge, regina gloriae,
Tuo trahe levamine
Ad te flentes de lacu miseriae.

Ad Magnificat.

A. Mater multarum gentium
In hac valle degentium,
Ad templum nos tecum suscipe.

Mentes nostras sic perfice.
Ut adaequetur voluntati
Nostrum velle tui nati,
Ut post templum temporale
Mereamur aeternale
Tuo ductu Ingredi.

Ad Nunc dimittis.

A. Fons hortorum puteus,

De quo fluxit Christus natus,
Jam ad templum presentatur,
Per quam mundus liberatur
Ab Infernorum clibano.

Ad Matutinum.

Invitatorium.

Templum Dei cum Maria,
Venite, subintremus,
Jubilemus summo regi
Laetantes cum Maria.

In 1. Nocturno.
Antiphonae.
1. Lunam plenam Illustravit
Sol, qui mundum visitavit
Apparens hominibus,
Paulo minus minoratus
A supernis civibus.

2. In sole tabernaculum
Carnis per umbraculum
Christus collocavit,
Rex de suo solio
Tamquam sponsus de thalamo
Laetus permeavit.

3. Haec est, quae sine macula
Ad Dei tabernacula
Nutu Dei dirigitur,
In aetemum non commovebitur.

Eesponsoria.

1. Ad aeterni patris templum
Laeta permeavit
Jam Maria, Christi templum,
Quod filius post triduum
Resurgens reparavit.

V. ''Gloriosa dicta sunt de te ci-
vitas Dei.''

2. Virga non naturae more
Sed fecunda coeli rore
Profert fructum salvo flore,
Qui gustum Adae terminat.

V. ''Gustate et videte, quoniam
suavis est Dominus.''

3. O tempus salutare,
Quo coeperunt commeare
Parentes cum filia
Ad Dei domicilia;
Jam Abraham gavisus.
Resultat paradisus.

V. Salve festa dies,

toto venerabilis aevo.

In 2. Nocturno.
Antiplionae.

1. Adducentur regi

Virgines post eam,

Per amorem Dei

Imitantes eam,

Per florem deitatis

Ad templum claritatis.
2. Vivus fons civitatem Dei

Laetificavit coelitus,

Per quem potatur penitus

Sitis antiquae spei.

3. O felix Dei civitas,
In te virtutum unitas;
Quam gloriosa dicta
Sunt de te, benedicta,
Ut virgo conciperes
Et virgo Deum pareres.

Eesponsoria.

1. O formosa florens rosa;

Ad sodales

Gratiosa,

Inter quales

Nulla tibi similis
V. Sicut Ulium Inter spinas,

'' sic amica mea Inter filias.
''2. Ista Rebecca filio

Lenitiem membrorum

Tanto tegit consilio

Pelliculis hoedorum,

Patris benedictionem

Tulit ad nostram generationem.

V. ''Benedicta tu in mulieribus et
benedictus fructus ventris tui.''

3. Castitatis genitrix

Christi suavissima nutrix
Post te vagientes respice,
Te sitientes refice
Tui fructus dulcedine.

V. Solve puella regia,
Larga matris ubera,
Quae balsami dulcedine
Haustum stillant laetitiae.

In 3. Nocturno.

Antiphonae.

1. Afferte Domino gentium
Patriae honorem,
Afferte Deo gloriam
In virginis decorem.

2. Exsultaverunt filiae
In bac formosa virgine,
Quae Dei per judicia
Filiarum consortia.
Splendide decoravit.

3. Recordatus hodie
Deus misericordiae
Sponsam suam subarrhavit,
Quam In templum complantavit
Inter spinas Ulium.

Eesponsoria.

1. In hac die, quae sunt Dei
Et quae regis, dantur ei.
Dum Maria templum Dei
In tributum summo regi
Per parentes traditur ;

V. Cujus est haec Imago?
Vere Caesaris virago.

2. O regina crystallina,

Quam Informat lux divina,
Infirmorum medicina,
Mentem perduc a ruina,
Corpus a languoribus;
Fac, ut dicam te amicam,

In hoc festo memor esto,
Servulum tuum respice.

V. Dignare me laudare te,
Virgo sacrata,
Da mihi virtutem
contra languores meos.

3. Psallat altitudo coeli,
psallant omnes angeli,
Quidquid est virtutis usquam
psallat In laudem Dei,
Nulla linguarum silescat
vox et omnis Insonat
Saeculorum saeculis.

V. O larga rerum bonitas,
O cuncta ducens caritas,
Est haec dilecta civitas,
In qua placatus habitas,
Agimus tibi gratias.

Ad Laudes.
Antiphonae.

1. Domum tuam, Domine,
Decet sanctitudo,
Quam posuit In homine
Dei fortitudo.

2. Introivit In conspectu
Dei cum exsultatione
Puella parens In directu
Dei dispositione.

3. In terra deserta et Invia
Apparuit Maria,
Ut gloriam Dei cerneret
Et virtutem susciperet.

4. Benedicat terra Dominum,
Quia salus hominum
A terra carnis originem
Traxit per hanc virginem.

5. Deum laudent coelestia,
Simul quaeque terrestria
Congratulentur Invicem
Per hanc Mariam virginem,
In qua summis Infima
Confoederanter omnia.

Ad Benedictus.
A. O felix progenies,
Quae ad hoc electa es,

Ut ex tuo semine
Gigas naturae geminae
Trabem carnis sumpserat.
Sicut olim promiserat;
Per virginem disposuit,
Quod ab aeterno proposuit.

In 2. Vesperis.
R. O virgo virginum,
Castitatis lilium,
Medicina criminum,
In te est omnis gratia.

Humilitas, sanctitas,
Castitas, virtus, victoria.
Fides, spes et caritas,
Benignitas, temperantia, patien-
tia,
Spiritalis disciplina
Et obedientia.

V. Per gratiam, quam Invenisti.
Salva nos, regina coelorum,
Laudantes te, mater
Et spes orphanorum.