18. De sancto Georgio.

In 2. Vesperis.
Super Psalmos.

A. Laudibus aptati

tironis martyrizati,
Divo coronati

simus jubilare parati,
Ut per eum grati
coadunemur deitati.

Ad Magnificat

A. Ierusalem natae,

laetanter glorificate
Sanctum, qui palma

fruitur victoris et alma
Percepit dona,

decoratus in arce corona.

Ad Matutinum.

Invitatorium.

In neumis chori

Christo iubilemus honori,
Cuius amore mori

voluisti, sancte Geori.

In 1. Nocturno.

Antiphonae.

1. Pravorum fata

devitans lege beata
Firmari studuit,

qua Domino placuit.

2. Ex divinorum

praeceptis vincla malorum
Disrupit, chorum

sic ingrediens beatorum.

3. Cum tribulabatur,

diva virtute iuvatur
Robore pugnandi,

vincendo fidem solidandi.

Responsoria.

1. Nobilis, o Christe,

iuvenis tibi militat iste,
Dum crucis in signo
victo dracone maligno

V. Virgo salvatur,

baptismo plebs renovatur.

2. Daemoniis fano

libare nolens, Daciano
Suasit iniquorum

contemptum daemoniorum,
V. Christicolam sese

proclamat firmiter esse.

3. Haec postquam fatur,
uncinis dilaceratur,
In qua tortura

divina datur sibi cura,

7. Qua confortatus

evicerat hos cruciatus.

In 2. Nocturno.

Antiphonae.

1. Invocat auxilium

quoque divinum,
Quod cito propitium
repperit atque pium.

2. Huius clamorem

Deus attendensque dolorem
Vim vi correxit
nec non super aethera vexit.
3. Laudem perfecit

inimicos suppeditando,
Idola deiecit

Dominum sic glorificando.

Responsoria.

1. Iste fide fixus,

plumbi sartagine frixus,
Constanter stando

vicit Dominum rogitando,
V. Quod non sunt illi

laesi carnesque capilli.

2. Collisisque rotis

gladiis insaeptis acutis
Hunc nihil aut parum

laesit fractura rotarum,
V. De caelo nempe

fuerant confractae repente.

3. Praeses tormentis

hunc superare nequivit,
Cum blandimentis

sanctum victurus adivit,
Munera praestando,

partem regni stipulando,
V. Ut diis orando

pareat libamina dando.

In 3. Nocturno.
Antiphonae.

1. Iustum iustitiae

Deus hunc hodie peramavit.
Hostes qui stravit
Victor ovans hodie.

2. In sancto monte

Domini praedigne quiescit,
Qui nulla fronte
vitii ceu sorde tepescit.

3. In virtute tua,

Deus, exsultans vehementer
Fulget perpetua

deitatis luce decenter.

Responsoria.

1. Praesidis ad vota

die tertia mente devota
Orat praesente

templo, non credula mente,
V. Quod gens, fanum, dii

perirent voragine mundi.

2. Videns insanus

se delusum Dacianus,
Martyr equis trahitur

et decollando beatur,
V. Ignibus aeterni

praeses sorbetur Averni.

3. O miles Christi,

qui caelos victor ivisti,
Nos salvatori

commenda, sancte Geori,
V. Ut mala vincamus,

nos Christo commaneamus.

In Laudibus.

Antiphonae.

1. Hic testamentum

Deo credibile fecit,
Cum non defecit

in tormentis ferientum.

2. Exsultat iubilans

regnum caeleste subintrans

Iuvenis cum Christo
mundo sublatus ab isto.

3. Perdere cum quaerunt

animam sanctam, subierant
Infima terrarum

sub faucibus orcicolarum.

4. Hymnizans vixit

semperque Deum benedixit
Impetrando piam
supplicibus veniam.

5 Sic cum laude Dei

superos devotus adivit,
Et spondetur ei

fieri, velut ipse petivit.

Ad Benedictus.

A. Martyr sancte Dei,

nos inferte requiei,
Cui nunc addictus

es, nam tibi benedictus
Cornu virtutis

erexerat atque salutis,
Ut conixa tela

zabuli sis nostra medela.

In 2. Vesperis.
Ad Magnificat.

A. O sanctissime

Christi athleta Geori,
Nos famulos tuos

ad te clamantes exaudi,
Ut tuis precibus sacris

a cunctis malis muniti
Paradisi amoenitate

mereamur frui.