Quinquagena III.

101. Ave, Iesu, speculum

Dei maiestatis,
Tua morte saeculum

Solvens a peccatis,
Meae, precor, vincula

Aufer pravitatis,
Uti te in saeculum

Laudem cum beatis.

102. Ave, sol praeclario

Lustrans te cernentem,
Faciens hunc radio

Virtutum splendentem,
Munda me ex vario

Scelere sordentem,
Mentis tamen gaudio

Te benedicentem.
103. Ave, vitis generans

Consolationis
Vinum, cor laetificans

Vi dilectionis,
Sitim sis refrigerans

Desolationis,
Quam infert exterminans

Impetus draconis.

104. Ave, dulcor veniae

Animae languentis,
Legis evangelicae

Tramite currentis,
In hac te poetice

Laude requirentis
Omne scelus abice

Simul cum tormentis.

105. Ave, alimonia

Spiritus devoti,

Carnis castimonia

Tibi bene noti,

Vitae sanctimonia

Tui simus toti,
Mundi per inania

Qui sumus remoti.
100. Ave, sol, quem genuit

Mundo maris stella,
Cum te carne induit

Ventris in arcella,
Assis, quia tepuit

Virtus, surgunt bella,
Ubique increbuit

Malorum procella.

107. Ave, lux videntium

Visu veritatis,
Tuque rex credentium,

Iudex aequitatis,
Da nobis auxilium

Mente tribulatis,
Removens obsidium

Hostis pravitatis,

108. Ave infinities,

Ave, pastor bone,
Plena cuius facies

Est consolatione,
Tua, precor, obvies

Hosti passione,
Me cum eius rabies

Premet in agone.

109. Ave, quem prophetice

Os Isaianum
Edidit mirifice

Fore incarnandum
Dicens, in Iesseicae

Virgae stirpe standum
Florem, qui mirifice

Redimat damnandum.

110. Ave, via gloriae,

Veritas et vita,
Per quam iniustitiae

Lex fuit sopita,
Dono sapientiae

Mentem meam dita,
Quo ab hostis rabie

Fiat praemunita.

111. Ave, qui es gratiae

Distributor iustus,
Tu decorus facie,

Fulgens et venustus,
Ad te clamo scabie

Scelerum onustus,
Praesertim lasciviae

Face semiustus.

112. Ave, mi amabilis,

Ave, speciose,
Cunctis carens maculis,

Rubens instar rosae,
Vere venerabilis

Menti amorosae
Et colendus titulis

Laudum copiose.

113. Ave, fons clarissime,

Continens viventes
Aquas, de quo animae

Hauriunt credentes,
Iesu benignissime,

In te confidentes
Ablue spurcissime

Scelere sordentes.

114. Ave, gigas strenue,

Fortior Samsone,
Cuius laus assidue

Fatur in ambone,
Vivere innocue

Fac me, Iesu bone,
Laudem ut perpetue

Te caeli regione.

115. Ave, splendidissimum
Creduli monile,
Cor cuius purissimum
Facis et subtile,

Me curvatum famulum
Tuum ad sedile

Reducas ad ovium
Tuarum ovile.

116. Ave, quem sinceriter

Caeli hierarchia
Collaudat sollemniter

Mira symphonia,
Subveni celeriter

Cum matre Maria
Mihi, qui debiliter

Gradior in via.

117. Ave, quem anterior

Populus maligne
Abiecit, posterior

Sed amavit digne,
Suscipe, te deprecor,

Carmen hoc insigne,
Laudare quo molior

Te, Iesu benigne.

118. Ave, theologicae

Auctor veritatis,
Vincitur haereticae

Fraus qua falsitatis,
Meae, precor, abice

Chaos pravitatis,
Sic me tandem adice

Beatificatis.

119. Ave, via regia,

Tutum dans ducatum
Ad caeli palatia

Post hunc incolatum,
Corda vacillantia

Vi adversitatum
Tua reduc gratia

Ad quietum statum.

120. Ave, lux mirifica,

Lux miri splendoris,
Gratia deifica

Mella dans amoris,
Precor, me rectifica

Intus atque foris,
Abigens molestifica

Causasque maeroris.

121. Ave, pax, quae dissona

Venisti unire,
Quando mundi machina

Visa est saevire,
Mea, quaeso, crimina

Velis abolire,
Caeli ut intermina

Queam introire.

122. Ave, cui materies

Rerum famulatur,
Cuius quoque species

A cunctis amatur,
Cordis mei glacies

Per te dissolvatur,
Aniuiae sic acies

Ad te sustollatur.

123. Ave, patens Davidis

Domui fons clare
Scelerum a squalidis

Potens nos mundare,
Prae torpore aridis

Potum velis dare,
Hostibus ut rabidis

Queamus obstare.

124. Ave, securissime

Portus miserorum,
Deducens certissime

Ad regna polorum,
Iesu clemens, imprime

Viis mandatorum
Pervagantes pessime

In via errorum.

125. Ave, sator, semina

Serens sanctitatis,
Gratiae solamina

Praebens desolatis,
Evelle spurcamina

Meae foeditatis,
Nostra scribens nomina

Cum praedestinatis.

126. Ave, desiderium

Mentis amorosae,
Cuius domicilium
Reples copiose,

Repara hospitium
Meae ruinosae

Animae per vitium
Iacentis poenose.

127. Ave, abundantiae

Vitis, cordis maesti
Obvians tristitiae

Et noxarum pesti,
Tinctos turpi scabie

Amoris incesti
Redde amicitiae

Veri et honesti.

128. Ave, qui ferocia

Tela hostis trucis
Frangis per victricia

Signa sanctae crucis,
Corda famulantia

Tibi a caducis
Leves et ad gaudia

Ducas verae lucis.

129. Ave, qui clementia

Tua Magdalenam
Refecisti gratia

Dimittens amoenam,
Animam exascia

Meam culpis plenam,
Ne post ex iustitia

Mergatur in poenam.

130. Ave, cuius deitas

Hominem creavit,
Tuaque humanitas

Illum reparavit,
Satanae nam pravitas

Subdole hunc stravit,
Quem tua humilitas

Clemens relevavit.

131. Ave, promptuarium

Bonitatis Dei,
Credulae remedium

Dans esuriei,
Munda domicilium,

Iesu, cordis mei,
Faciens triclinium

Tuae requiei.

132. Ave, qui velamina

Pandis veritatis
Simulque spiramina

Praestas caritatis,
Duc in speculamina

Me divinitatis,
Per quae eonsolamina

Sumam eum beatis.

133. Ave, qui illuminas

Omnes venientes
In mundum et tenebras

Scelerum spernentes,
Duc in caulas caelicas

Te benedicentes
Semperque per debitas

Laudes extollentes.

134. Ave, quem in dexteris

Patris residentem
Credimus et radiis

Miris refulgentem,
Scelerum de tenebris

Educ me lugentem,
Faciens cum superis

Te benedicentem

135. Ave Iesu, splendidum

Solis luminare,
Taetras noctes mentium

Potens propulsare,
Velis desiderium

Meum inflammare,
Ut te dilectissimum

Dignus sim amare.

136.Ave, fons, quo flumina

Fluunt gratiarum,
Quae mundant cavamina

Conscientiarum,
Audi suspiramina,

Precor, animarum
Degentum ob crimina

In locis poenarum.

137. Ave, qui non despicis
Preces contritorum
Mortis tuae meritis
Ad te conversorum,

Da solutis debitis
Scelerum meorum,

Socier hymnidicis
Choris angelorum.

138. Ave, lucens veritas,

Quae futura cernis,
Cuius radiositas

Splendet a supernis,
Tua, precor, pietas,

Per quam nullum spernis,
Cunctas pellat tenebras

Meis ab internis.

139. Ave, cui agmina

Omnium sanctorum
Canunt iubilamina

In regno caelorum,
Famulorum carmina

Suscipe tuorum
Et aufer molimina

Adversariorum.

140. Ave o solacium

Auimae amantis
Et per desiderium

Ad te suspirantis,
Sana semisaucium

Cor te venerantis,
Laudis sacrificium

Devote litaniis.

141. Ave. pax perpetua

Luxque beatorum,
Laudaris assidua

Voce qui piorum,
Prece rogo cernua

Te, meum decorum.
Ut propellas nocua

Insidiatorum.

142. Ave, cuius gratia

Finem ponit irae,
Xempe exsistentia

Ignoras odire,
Fac me cum constantia

Tibi oboedire,
Ad caeli tripudia

Queam ut venire.

143. Ave, victor subiugans

Goliath Gethaeum,
Qui contempsit arrogans

Populum Hebraeum,
En, te laudo iubilans

Salvatorem meum
Simulque te praedicans

Benedictum Deum.

144. Ave, admirabilis

Rerum pulchritudo,
Cuius laudum titulis

Gaudens nunc desudo,
Mea sis, amabilis

Iesu, fortitudo,
Quem gravat culpabilis

Mentis gravitudo.

145. Ave, Iesu, medice

Dulcis aegrotorum,
Vulnera mirifice

Sanans peccatorum,
Quaeso, dulcor unice

Tibi devotorum,
Me pusillum refice

Vi sacramentorum.

146. Ave, flos fraglantia

Mira replens mentem
Tuae cum constantia

Laudi assistentem,
Imple tua gratia

Me ingemiscentem
Cunctaque flagitia

Tibi confitentem.

147. Ave, nectar caelicum

Granumque frumenti,
Satians catholicum

Gregem in praesenti,
Exhibe munificum

Te mihi egenti
Et per illud canticum

Te benedicenti.

148. Ave, qui regimina

Tenes creatorum,
Quemque semper agmina

Laudant angelorum,
Exaudi precamina

Tibi devotorum,
Tribuens solamina

Cordibus eorum.

149. Ave, cui ecclesia

Conatur hymnire,
Laudis modulantia

Consonantis mire,
Honor nam et gloria

Est tibi servire
Mentisque constantia

Semper oboedire.

150. Ave, cui subservio

Hoc per famulamen,
Extremo in iudicio

Des auxiliamen,
Ne feram a consortio

Tuo sequestramen,
Sed iungar collegio

Beatorum amen.