Acta Francisci Pp. 979

Tandem ea ipsa, simul cum duabus sororibus, coacta est relinquere collegium

quod in urbe Martos Congregatio administrabat et apud privatam domum

refugium quaesivit. Ipsa sola deinde, coram auctoritatibus republicanis,

assumpsit periculosum officium vices gerentis omnium sororum ut ex urbe

effugere valerent. Etsi conscia de instantibus periculis, Serva Dei usque

ad extremum adhortata est sorores ut Deo eiusque providentiae confide-

rent. Die vero XII mensis Ianuarii anno MCMXXXVII, milites eam, simul cum

Moderatrice Sororum Instituti Trinitatis et cum Abbatissa Clarissarum,

deprehenderunt, quas postea in carcerem coniecerunt. Licet detentae et

abusus obeundos timentes, hae religiosae numquam tamen desperaverunt,

sed continuo orabant et invicem se sustentabant, hortantes ad invicem pro

Christo mori. Ea ipsa nocte, simul cum quinquaginta fere viris, inter quos

sacerdotes quoque numerabantur, illae deductae sunt ad coemeterium prope

Las Casillas. Hic prima luce diei XIII mensis Ianuarii, necem omnium cete-

rorum conspiciens, Dei Serva, parata ad supremum sacrificium, atrociter

tractata est ac tandem immaniter sclopeto interfecta. Cadavera sunt ibi

relicta usque ad diem sequentem; cum autem populus perhorresceret tam

foedum spectaculum, auctoritates urbis Martos statuerunt ut ea cadavera

in communi fossa sepelirentur in eodem coemeterio, ubi usque ad belli

civilis finem permanserunt.

Mors Servae Dei illieo a populo habita est tamquam martyrium propter

fidem signatum. Quam ob rem Inquisitio dioecesana peracta est apud Cu-

riam Giennensem annis MCMXCVI et MCMXCVII. Patres Cardinales et Episcopi,

qui die VIII mensis Maii anno MMXII ad Ordinariam Sessionem convenerant,

professi sunt Servam Dei necatam esse propter fidelitatem erga Christum

eiusque Ecclesiam. Praedecessor Noster Benedictus XVI mandavit ut decre-

tum super Servae Dei martyrio a Congregatione de Causis Sanctorum rite

conscriberetur; quod est promulgatum die XXVIII mensis Iunii anno MMXII.

Nos inde statuimus ut ritus beatificationis Servae Dei, simul cum DXXI

martyribus vicesimo saeculo in Hispania interfectis, die XIII mensis Octobris

anno MMXIII in urbe Tarraconensi Hispaniae celebraretur.

Hodie igitur, Tarracone in Hispania, de mandato Nostro, Venerabilis

Frater Noster Angelus S.R.E. Cardinalis Amato, Praefectus Congregationis

de Causis Sanctorum, textum Litterarum Apostolicarum legit, quibus Nos

Servam Dei Victoriam a Iesu Congregatione Filiarum a Divino Pastore in

Beatorum numerum adscribimus: