19. De sancta Gertrude.

In 1. Vesperis.

Antiphonae.

1. Solaris dum

volvitur orbita,
Votiva recurrunt festa,
In quibus et Domini

recitantur magnalia,
Et virginis

retractantur merita.
2. Gertrudis

pietate ineffabilis,
Tibi persolvimus

debita laudis,
Tu solita clementia
Adauge devotionis

incrementa.
3. Te clangat ergo

nostra vocula,
Tibi, o pia, reddat

famulamina,
A te exposcat

misericordiam,
Quam nescis

denegare cuiquam.
4. Tibi rite

psallimus, virgo,
Tibi laudes

referimus ex debito,
Quia, quotiens premimur

anxietatibus,
Ad te nobis fidus

patet recursus.
5. Mole criminum

premimur,
Debilitate inopiae

consumimur,
A te deposcimus

misereri,
Succurre nostro

defectui.

Ad Magnificat

A. Laudem demus Domino,
Virginis inquam filio,

Qui te, o sacratissima virgo,
Mundi resolutam ergastulo
In caeli bodie

relevavit palatio,
Ubi, precamur,

nostri memor esto.

Ad Matutinum.
Invitatorium.

Adoremus Christum regem,
Sponsumque sanctarum virgi-
num,
Qui beatam Gertrudem
Collocavit inter choros ange-
lorum.

In 2. Nocturno.
Antiphonae.

1. Hodiernae

sollemnitatis gaudia,
Quae nobis anni

reduxit orbita,
Pia recolamus devotione,
Virginis Gertrudis

utentes famulamine.
2. Generosa Christo virgo

Iustitiae vigebat zelo,
Sanctimoniae privilegio.
Caelestium autem

flagrabat desiderio.
3. Hac ergo pollens

maturitate morum
Quaesivit sibi aptare

virgineum sponsum,
Cum quo virginitatis

firmaret chirographum.

Responsoria.

1. Venerabilis

virgo Gertrudis,
Generositate

quidem nobilis,
Sanctitate

autem insignis,

Pietate laudatur
et est ineffabilis.
V. Dum adhuc tenerrima
teneretur aetate,
Morum sublimari
intendit perfectione.
2. Ubi pater

virginis gloriosus
Communis exitii

complevit planctus,
Hinc dolor nimium eius
praegravavit animum,
Quattuordecim enim
tantum erat annorum.
V. Matrem gaudebat superstitem,
Quo eius saltem praesentia
animam consolaretur pueri-
lem.
3. Igitur venerabilis
mater virginis
Hortatu Amandi praesulis
In ecclesiam propriae domus

transmutavit fastigia
Consecrandi gratia,
V. Unde sacrum
Sibi aptavit

velaminis signum.

In 2. Nocturno.
Antiphonae.

1. Sacerdotalem virum
nomine Amandum,
Episcopatus quoque
honore praeditum,
Ad virginis matrem direxit
Dominus omnium.
2. Quem illa

suscipiens gaudenter
Intentionem mentis
ex ordine
patefecit fideliter.
3. Inde sacrum sibi mater
aptavit velaminis signum,
Placuitque regulari
vinculo subiugare animum.

Responsoria.

1. Quidam autem diabolica
fraude decepti
Virginis inardescunt amori
Et quaesierunt

eam rapere vi
Et tradere nuptui.
V. Ut autem mater defenderet
virginis abusionem,
Ems totondit
capitis caesariem.
2. Admonuit itaque
sacratissimam
mater virginem
Sacrae subire

consecrationis velamen
Et sic propositi
servare fidem,
At illa continuo
Iubentis paruit imperio.
V. Hortata est quoque eam

addere adhuc onus oneri,
Ut pondus regiminis
imponeret sibi.

3. Timens ergo sacratissima

virgo Gertrudis,
Ne forte in arrogantiae

incideret iactantiam,
Post multa

virtutum exercitia
Pastoralis regiminis

deposuit onera,
V. Quaerens ergo

Christo placere
Et libere per viam

salutis incedere.

In 3. Nocturno.

Antiphona.

1. Quadam autem die
Dum perseveraret

virgo in oratione,
Igneus globus mittitur
e caeli regione

Et obnixe videtur
virgini deservire.

2. Perlustravit enim

habitationem oratorii
Inde figitur laqueari,
Ubi nec datur defectui
Nec augetur

damno incendii.
3. Mirantur ergo

cuncti, qui aderant,
Et quis rei detur

exitus, exspectant
Et subito vident

in creatione virginis
Paulatim minui

integritatem luminis.

Responsoria.

1. Postquam igitur

virgo sacrata
Regiminis

expeditur sarcina,
Castigatione

maceratur voluntaria,
Ut sine offensionis mora
Ad aeterna

proficiscatur praemia.
V. Sciebat enim per dominicam

revelationem
Imminere sui corporis

resolutionem.

2. Gloriosa virgo

Christi Gertrudis
Post debita humanitatis
Ad regis regum

accersitur palatium,
Ubi ob perfectae

virtutis decursum
Immarcessibilis coronae

accepit bravium.
V. Angelorum

comitatu potitur
Atque cum digno tripudio

paradisum introfertur.
3. Virgo sacrata dum quaerit

copulari Cbristo,

Quodam praepeditur

offendiculo,
Quod et viriliter

vicit in Domino.
V. Australiorum

enim ducis iilius
Virginis inardescit

amoribus.

In Laudibus.

Antiphonae.
1. O quam gloriosa es virgo,
Quae totius decoris

regnas cum Domino
Et adoptato

perfrueris thalamo,
O pia virgo.
2. In iubilo vocis
Pangamus Domino

cantica laudis,
Qui te ditavit

honore tanto,
O pia virgo.
3. Meliorem esse Domini

misericordiam super vitas,
Et orbis clamat diversitas,
Et tua testatur beatitudo,
O pia virgo.
4. Benedicant omnes angeli
Sanctique Domini Domino,
Quoniam te copulavit

eorum consortio,
O pia virgo.
5. Laudemus nomen Domini
In choro et organo,
Quia beneplacitum

est ei in te,
O pia virgo.

Ad Benedictus.
A. Virgo Christo amabilis,
In omnibus laudabilis,
Pietate ineffabilis,
Tu gaudium omnium
Ad te pie clamantium,
Exaudi nos supplices
In te semper sperantes.

In 2. Vesperis.

Ad Magnificat.

A. Generosa virgo Gertrudis,
Supplicum semper
fidelissima consolatrix,

In te nobis portus salutis,
Ad te clamantes

exaudi, rogamus,
Et misericordiam,

quam de te praedicamus,
Pie sentiamus.