21. Historia de Domina In sabbato.

In 1. Vesperis.

Antiphonae.

1. Stella, Maria, maris,

paris expers, nos tuearis.

2. Nescia, virgo, maris

paris, hinc merito dominaris.

3. Sis lumen mentis

gentis solamen egentis.

4. Nos, virgo munda,

munda de criminis unda.

5. Nobis propitia

pia sis In morte Maria.

Ad Magnificat.

A. O fons hortorum,

flos florum, gemma polorum,

Gloria sanctorum,

vas morum, spes miserorum,

Splendor coelorum,

nos duc ad culmen eorum.

Ad Matutinum.

Livitatorium.

Votis voce pie,

plebs Christi, psalle Mariae.

In 1. Nocturno.

Antiphonae.

1. Novum vas es veterum

Manibus allatum,

In quo salutiferum,

Fuit sal locatum.

2. Florens es et eminens

Hortus voluptatis,

Lignum vitae continens,

Fontem pietatis.

3. Ligno vitae refice

Tibi servientes,

Fonte dignas effice

Mentes sitientes.

Responsoria.

1. Mystice prophetica

Te signarunt ora,

Stella non erratica

Jacob praefulgora,

De stirpe Davidica

Surgens ut aurora.

V. Te vox angelica

commendat, virgo decora.

2. Mundi lux primaria,

Decor creaturae,

Te praecessit nuntia

Per modum figurae,

O lumen et gloria

Humanae facturae,

V. Nobis irradia

dans vitam ducere puram.

3. Urna mannae, mentibus

Unde dulcis esus,

Igneis ardoribus

Rubus es illaesus

Monsque, sine manibus

De quo lapis caesus;

V. Est ex visceribus

castis natus tibi Jesus.

In 2. Nocturno.

Antiphonae.

1. Propitiatorium

Arcam Dei velans,

Fac nobis propitium

Deum carne celans.

2. Salomonis ferculum,

Moysi fiscella,

Sis nobis vehiculum

A mundi procella.

3. Juxta pium residens

Throno Salomonem

Nostrae paci providens

Fac petitionem.

Responsoria.

1. Margarita fulgida,

Rosa sine spina,

Virgo, virga arida,

Florens VI divina,

Ex te crevit sapida

Nux amygdalina,

V. Infirmis placida

quae nobis sit medicina.

2. Pulchra es ut Cinthia,

Ut Venus scintillans,

Dulcis In memoria,

Favus mel distillans,

Fiat tua gratia

Firma mens vacillans,

V. Ne trahat In vitia

nos hostis fraude cavillans.

3. Coloris sappbirii

Tu es firmamentum,

Ubi thronus filii

Tuum ornamentum,

Reis urbs refugii,

Aegrorum fomentum,

V. Hujus In exsilii

latebris remove nocumentum.

In 3. No cturno.

Antiphonae.

1. Signum magnum femina

Est amicta sole,

Sic refulgens Domina

Gloriosa prole.

2. Oliva fructifera,

Decus castitatis,

Claudis Intra viscera

Deum majestatis.

3. Ut Hesther propitia

Coetorum regina,

Aures ad suspiria

Tuorum reclina.

Eespon??ria.

1. Paradisi janua,

Vitae spes et via,

Tibi servit cernua

Coeli hierarchia,

Te decet assidua

Laus, regina pia;

V. Nobis, virgo, tua

prece detur gratia dia.

2. Miris rex aethereus

Te ditavit donis,

Thronus es eburneus

Coeli praestans thronis,

Expers flos virgineus

Fuit laesionis,

V. Vellere quando Deus

se vestivit Gedeonis

3. Maria viventium

Puteus aquarum,

Fons crescens In fluvium,

Vena veniarum,

Riga prota mentium

Rivis gratiarum;

V. Vitae principium.

Fons horti deliciarum.

Ad Laudes.

Antiphonae.

1. In te, Jacob situla,

Ros descendit caeli,

Dum fuisti credula

Misso Gabrieli.

2. Hortus es aromatum

Delectans dilectum,

Dulcis fons charismatum

Dulcorans affectum.

3. Austro flante floridus

Es conclusus hortus,

Fons signatus, placidus

In procellis portus.

4. Nubes levis, bajula

Domini, fuisti,

Quem cum carnis nebula

In mundum vexisti.

5. Fons et mater gratiae.

Gratiam propina,

Quae nos hic In acie

Servet a ruina.

Super Benedictus.

A. Virgo decus virginum,

Potens imperatris,

Sis post luctus terminum

Mitis consolatrix.