Acta Benedicti Pp. XVI 25

nes et aegrotationes quas subiit ipsa fidenter se in brachia Christi commisit,

paratam se declarans ad Eius sanctam complendam voluntatem.

Haec fidelis Redemptoris assecla in Galliae loco vulgo dicto Nojals die

XXIII mensis Maii anno MDCCCLXXVIII orta est. Familia ei tradidit congruam

christianam institutionem. Quattuor circiter annos nata affecta est poliomye-

liti, qui morbus eius pedem sinistrum affecit. Scholam frequentavit quam

Sorores Sancti Ioseph de Aubenas moderabantur. Non obstante infirmitate,

in operibus domesticis navam dedit operam, sollicitam curam adhibuit de

suis fratribus atque actuosam exsequebatur partem in vita paroeciali. Prop-

ter graves oeconomicas difficultates apud familiam coacta est domum dere-

linquere ubi nata erat et transmigrare in locum vulgo dictum Salabert. His

diffı̀cilioribus in adiunctis altiorem spiritualem maturitatem demonstravit,

serena permanens et amoena cum omnibus. Modo ut caros suos adiuvaret,

vicum peragrabat ad quaerendam eleemosynam.

Anno MDCCCXCI sectionem chirurgicam passa est in pede apud valetudina-

rium Burdigalae, quo interea transmigraverat. Degens ibi firmo eminuit ani-

mo quo infı̀rmitatem perferebat et deditione qua aliorum aegrotantium ne-

cessitatibus succurrebat, eis solacium ferens eisque parva praestans

ministeria. E valetudinario dimissa, ingressa est institutum «Refugium Na-

zareth » Sororum Iesu et Mariae a Le Dorat, quod iuvenes excipiebat in

difficultate versantes. Anno MDCCCXCII laetanter ac ferventer suscepit Primam

Communionem atque Confı́rmationem. Insuper nomen dedit Congregationi

« Filiarum Mariae », videlicet piae consociationi quae apud Refugium est in-

stituta. Excelluit exacta observatione qua officia cotidie exsequebatur ac

eodem tempore vocationem ad vitam consecratam maturavit. A variis insti-

tutis est repulsa tam iuvenilis aetatis quam physicae deformationis causa.

Mansit igitur apud hoc «Refugium Nazareth » usque ad duodevicesimum

expletum annum, corde suo propositum servans sese plane Domino vovendi.

Denique anno MDCCCXCVI accepta est a Sororibus Clarissis monasterii « Ave

Maria » siti in suburbio Burdigalae vulgo dicto Talence, quae magni aestima-

verunt eius amabilitatem ac docilitatem ad Domini consilia. Eodem anno, die

XIImensis Iunii, in sollemnitate Sacri Cordis Iesu, ingressa est postulatum, ac

die XXI mensis Novembris novitiae religiosum induit habitum et nomen reli-

giosum suscepit Mariam Caelinam a Praesentatione Beatae Virginis Mariae.

Magno fervore vixit sui novitiatus tempus, progrediens in via mortificationis