Acta Benedicti Pp. XVI 703

Hominis responsio ad Deum loquentem

Vocati ad Foedus cum Deo suscipiendum

22. Verbi pluriformitatem in luce ponentes, contemplari potuimus quot

per vias Deus loquatur et obviam homini veniat, notum se reddens in dialogo.

Profecto, prout merito edixerunt Patres Synodales, « dialogus cum ad Reve-

lationem relatus sit, secum fert primatum divini Verbi in hominem conver-

si ».71 Mysterium Foederis exprimit hanc necessitudinem inter Deum qui suo

Verbo vocat et hominem qui respondet, sub perspicua conscientia non agi de

quodam occursu inter duos simili modo contrahentes; id quod nos Vetus

Novumque Foedus appellamus non respicit consensum inter duas aequales

partes, sed exclusivum donum Dei. Per hoc donum Sui amoris, Ille omnia

superans spatia nos vere reddit suos consortes, ita ut perfici possit mysterium

nuptiale amoris inter Christum et Ecclesiam. Sub hoc prospectu omnis homo

uti destinatarius Verbi apparet, interpellatus et vocatus ad hunc dialogum

amoris per liberam responsionem participandum. Unusquisque nostrum sic

capax a Deo redditur exaudiendi et respondendi ad divinum Verbum. Homo

creatur in Verbo et in ipso vivit; seipsum intellegere nequit, nisi sese aperiat

ad hunc dialogum: Verbum Dei revelat naturam filialem et relationalem vitae

nostrae. Reapse invitamur per gratiam ut conformemur ad Christum, Filium

Patris, et in Ipsum transformemur.

Deus exaudit hominem ad eiusque interrogationes respondet

23. Cum Deo colloquentes nosmet ipsos novimus et responsa invenimus

ad magis profundas interrogationes, quae insunt nostris in cordibus. Verbum

enim Dei non opponitur homini, eius authentica optata non coercet, immo

illuminat, mundat et ad effectum ea perducit. Quanti ponderis nostrae est

aetati ut detegatur Deum tantummodo respondere ad sitim quae in cuiusque

hominis corde reperitur! Hodierno tempore pro dolor! diffunditur, maxime in

mundo Occidentali, conceptus, iuxta quem Deus alienus sit tam vitae quam

quaestionibus hominis et immo Eius praesentia possit esse comminatio eius

autonomiae. Profecto, universa oeconomia salutis nobis ostendit Deum loqui

et historiae interesse in hominis eiusque integralis salutis utilitatem. Idcirco,

peremptorium est, sub prospectu pastorali, ut exhibeatur Verbum Dei in sua

71 Propositio 4.