SEÑEN. 23

nullum sibi patronatum nancisci potuit. - Quod de solis distributionibus agatur demonstrant Pontificis rescripta. Pri- mum haec habet: « Quoad Thesaurariatum.... indulsit ut, accedente familiae patronae consensu, distributiones quoti- dianae ex relativa praebenda desumi queant ». Alterum ve- ro : « Dummodo participatio de massa distributionum ex parte Thesaurarii non proveniat, ex fundationis aut dota- tionis iure, sed ex mero privilegio, facultatem iuxta petita (scilicet inaudito patrono).... Archiepiscopus impertiatur ».

Si obiiciatur, obliquum saltem titulum excogitari posse ut patronus praebendae audiatur etiam pro distributionibus, quia his ademptis, plane sequitur ex iure, ac primo Ponti- ficis rescripto quod « distributiones quotidianae ex relativa praebenda desumi queant » respondet advocatus in iis quae a iure communi dimanant, posse Episcopos, ac debere legi obtemperare, quin Capitulum vel patronos audire teneatur. Quippe sancta Tridentina Synodus (cap. 3, sess. 21 de Ref.) « statuit in ecclesiis tam cathedralibus quam collegiatis, in quibus nullae sunt distributiones quotidianae, vel ita tenues ut verisimiliter negligantur, tertiam partem fructuum et quorumcumque proventuum et obventionum, tam dignitatum quam canonicatuum.... separari debere, et in distributiones quotidianas converti ».

Lex non distinguit : ac propterea beneficia complectitur sive libera, sive iuris patronatus. Quamobrem patronis non licet contra hoc Episcopi officium intercedere, nisi aliqua conditio obstet in fundatione, teste Garcia de benef. part. 3, cap. 2, n. 492 - ibi. - Ultimo advertendum est quod « etiam dignitates et praebendae quae sunt de iure patro- natus, etiam laicorum, subiectae sunt detractioni tertiae partis, ut S. Congregatio censuit in una Mediolanen, his verbis : dignitates quae sunt de iure patronatus detractioni tertiae partis fructuum obnoxiae sunt, nisi repugnet fun- datio ».

Patronos vero vocari non posse auctores distributionum, asserit orator advertens, quod Salimbenius in omnium ea-