23. De sancta Fide.

In 1. Vesperis.

R. O quam dulcis memoria

De sancta Fide virgine,

Quae gaudet coeli curia

Cum angelorum agmine,

In paradisi gloria

Manet cum sancto numine ;

V. Beata Fides fulgida,

Virgo et martyr splendida.

Ad Magnificat.

A. Hodie beata Fides,

Virgo et martyr, floruit,

Quae martyrii corona

Coronari meruit,

Ideo florens ut rosa

Laetatur cum gloriosa

Matre virgine

In coelesti culmine.

Ad Matutinum.

Invitatorium.

Christum, regem gloriae,

Jesum adoremus,

Sanctae Fides hodie

Festum celebremus.

In 1. Nocturno.

Antiphonae.

1. Sancta Fides igitur

Ageunensi civitate

Ex nobilibus oritur

Proles plena sanctitate.

2. Ilaec induta candida

Stolaque virginitatis

Fulget Fides splendida

Odore suavitatis.

3. Aetate juvencula

Senex summa honestate

Fuit, sine macula,

Plena magna sanctitate.

4. Candore formosissima

Vultusque hilaritate

Claruit sanctissima

Jesu Christi bonitate.

5. Hanc apprehendit Dacianus,

Qui ab imperatoribus

Missus fuit quasi insanus,

Plenus multis sceleribus.

6. Frontem, os, pectus armavit

Ad Dacianum veniens

Et ad Dominum oravit

Signo crucis se muniens.

Responsoria.

1. Hodie mundi salvator,

Nostrae salutis amator,

Sanctam Fidem glorificavit,

In gloria exaltavit

Cum sanctis agminibus

In supernis sedibus.

V, Quae propter sacrum martyrium

Passa est supplicium

Et consecuta est praemium.

2. Sancta Fides igitur,

Agennensi civitate

Oriunda, hic colitur

Mira plena sanctitate

Nitensque mira claritate.

V. Nobilis ex genere,

Nobilior ex munere,

Divinae majestatis.

3. Istam videns Dacianus

Jubet ad se properare,

Infidelis et insanus

Jubet Deos colere,

Quos ipsa vult respuere,

V. Deum unum colere,

Deos plures despicere.

4. O quam dulcis et amoena

Sancta Fides et serena,

Quae suam animam

Transmisit ad gloriam,

V. Quae propter Dei filium

Passa est supplicium

Et post sacrum martyrium.

In 2. Nocturno.

Antiphonae.

1. Quae es, inquit Dacianus,

Die mihi, carissima?

Sum Fides, Christiana

A mea infantia.

2. Recede inquit Dacianus,

Ab ista stultitia,

Ad Deos nostros leva manus

Dans eis sacrificia.

3. O infelix Daciane,

Plene magnae invidiae,

Consilium das inane

Contra regem gloriae.

4. Hinc totus mundus resonet

Sanctae Fidis sanctitatem

Nosterque chorus celebret

Ejusdem festivitatem.

5. In festo hujus virginis

Cantet turba fidelium,

Chorus beatitudinis

Collaudet Dei filium.

6. Gaude, Agennae civitas,

Et tibi sit jucunditas,

Quoniam Fidis sanctitas

Floret in te et caritas.

Responsoria.

1. Candor virginitatis,

Decus mirae caritatis

Est Fides virgo inclita,

V. Ut Rachel amabilis,

Ut Hesther laudabilis,

Ut Ruth admirabilis.

2. Virginis praecouium

Sanctae Fidis nobilis

Chorus concinentium

Cantet laetus et humilis

Cum coelesti curia,

V. Gaudet cum Dei filio,

Cum sanctorum collegio.

3. Magnae dies laetitiae

Beatae Fidis virginis

Illuxit nobis hodie

Atque beatitudinis ;

Hanc Dacianus impius

Martyrizavit impie

Fidemque nostram nesciens

Sed repletus invidia.

V. O infelix Daciane,

Quam tu miser, quam insane.

4. Fides post martyrium,

Quod tulit propter Dominum,

Spiritum exhalavit,

Qui ad coelum volavit,

Ubi gaudet quotidie

Cum rege gloriae.

V. Sancta Fidis anima

Post dura certamina

Paradisum intravit.

In 3. Nocturno.

Ad Cantica.

A. Cantica laetitiae

Decantemus hodie

Ad honorem virginis,

Sanctae Fidis martyris,

Quae propter martyrium

Habet Dei praemium.

Responsoria.

1. O flos vallis virginalis,

Lilium munditiae,

Rosa temporis vernalis,

Fructus patientiae.

Fides, corona regalis

Christi regis gloriae:

V. Virgo Fides, martyr Cbris

Gaudium laetitiae

Et coelestis patriae.

2. Felix Fides sanctissima,

O virgo beatissima,

Quae coeli gaudes curia

Inter sanctorum agmina,

V. Ora pro nobis jugiter,

Ut salvemur perenniter.

3. O beata sponsa Christi,

Virgo beatissima,

Quae Deo grata fuisti,

Virgo prudentissima,

Suscipe jam devotorum

Tuorum precamina ;

V. Virgo dulcis et decora

Pro nobis Deum exora.

4. Hodie beata Fides

Migravit ad Dominum,

Ut, testatur ista dies,

Sustinuit martyrium,

Unde datur sibi quies

Et magnum solatium ;

V. Propter fidem salvatoris,

Jesu Christi redemptoris,

Pervenit ad gaudium.

In Laudibus.

Super Psalmos.

A. Dominus regnavit,

Quem Fides laudavit ;

Laudando laudemus

Deum et amemus.

Ad Benedictus.

A. Hodie beata Fides

Migravit ad Dominum,

Hodie gaudet in caelis

Sistens ante Dominum,

Unde Deus collaudatur

Nunc et in perpetuum.

Ad Horas Antiphonae.

Ad Primam.

A. Ad Primam Fidem laudemus

Cantantes officium,

Cujus festum celebremus

Ejusque martyrium,

Ut cum sanctis exsultemus

In choro laudantium.

Ad Tertiam,

A. In Tertiis decantemus

Nunc sanctae et exsultemus

Ei, qui legem posuit,

Peccata nostra diluit.

Ad Sextam.

In Sexta potens laudetur

Et beata celebretur,

Christus, qui nunquam defecit,

Beatam Fidem elegit.

Ad Nonam.

A. In Nona rerum omnium

Laudemus Christum Dominum,

Qui. fecit mirabilia,

Det nobis coelestia.

In 2. Vesperis.

Antiphonae.

1. Adest dies laetitiae,

In quo Fides sanctissima

Conscendit thronum gloriae

Inter sanctos laetissima.

2. Haec est Fides, quae nescivit,

Virum in deliciis,

Sed Jesu Christo fruitur

Sanctis pudicitiis,

Tandem ad coelos transiit

Fruens summis gaudiis.

3. Haec est Fides speciosa,

Plena sancto flamine,

Virgo redolens ut rosa.

Mira pulchritudine,

Coelo gaudet jucundosa

Cum sanctorum agmine..

4. Sancta Fides veneretur

A cunctis fidelibus,

Et verus Deus laudetur

In supernis sedibus,

Et nobis venia detur

De cunctis criminibus.

Ad Magnificat

Post sacrum martyrium

Et dirum supplicium

Fertur ad coelestia

Virgo Fides egregia,

Quae gaudet in coelestibus

Juncta coeli civibus.