Quinquagena I.

1. Ave, fragrantissime

Flos virginitatis,
Plantatus purissimae

Puellae in pratis,
Alitus altissimae

Rore trinitatis
Igneque dulcissimae

Hortus caritatis.

2. Ave, unigenite

Iesu summi patris,
In quem gentes perditae

Fremuerunt gratis,
Precibus nos inclitae

Tuae leva matris,
Curvat quos inolitae

Pondus pravitatis

3. Ave, Iesu hominum

Clemens miserator,
Inter nos et Dominum

Patrem mediator,
In insultus hostium

Esto propugnator
Noster ac caelestium

Donorum collator.

4. Avo, germen prodiens

Ab agro virginali,
Specie te contegens

Sub sacramentali,
Cor meum deficiens

Culpa prae mortali,
Quaeso, sis reficiens

Dono spiritali.

5. Ave, Iesu exigens

Honorem a luto
Scelerum, consentiens

Squalet quo versuto,
Sis me bonae protegens

Voluntatis scuto,
Ut a carne transiens

Collocer in tuto.

6. Ave, cunctis gentibus

O desiderate,
Ab antiquis patribus

Olim prophetate,
In poenis degentibus

Assis miserate,
Opem qui gemitibus

Crebris petunt a te.

7. Ave, leo strenue,

Qui per passionem
Evicisti congrue

Tartari draconem,
Eundem assidue

Fugere leonem
Fac me, qui continue

Perfero praedonem.

8. Ave, admirabilis

Super omne rarum
Et magnificabilis
Super omne clarum,

Propter nos prae angelis
Es minutus parum,

Unde laudum titulis
Laudo te istarum.

9. Ave, caeli gaudium,

Ave, Iesu Christe,
A coetu fidelium

Omne fugans triste,
Carnis post excidium

Clementer assiste,
Ne vincat obsidium

Perfidi sophistae.

10. Ave, cuius palpebrae

Per aquam renatos
Probant atque scelere

Reprobant foedatos,
Legis tuae litterae

Nos illuminatos
Reddant et resurgere

Faciant probatos.

11. Ave, capitanee

Christianitatis,
Quam defendis aureae

Scuto veritatis,
Precibus virgineae

Tuae, quaeso, matris
Sordibus me carneae

Munda voluptatis.

12. Ave, Iesu, Oriens

Voce prophetali
Dictus, nam progrediens

A corde paternali,
Saeculum caecutiens

Oculo morali
Illustras, abiciens

Causas omnis mali.

13. Ave, mihi carior

Cunctis o sophia,
Cui devote famulor

Hac hymnologia,
Succurre, te deprecor,

Cum matre Maria
Mihi, qui depopulor

Mentis dyscrasia.

14. Ave, tabernaculum

Virginis puilicae
Exiens, ad nihilum

Partis inimicae
Fraudes ducis, scandalum

Tollens cum radice,
Liberans homunculum

Ab inferni pice.

15. Ave. quem catholica

Lex docet invectum
Regna in Meniphitica

Regis ob despectum,
O sapientifica

Virtus, intellectum
Meum reaedifica

Vitiis deiectum.

16. Ave, qui mirifice

Patri es aequalis,
Ut prodit verifice

Sermo prophetalis,
Gressus meos perfice

Legis tuae palis,
Protegens mirifice

Tuis me sub alis.

17. Ave, exsistentium

Summa pulchritudo,
Quem superbientium

Sprevit multitudo,
Vestem tegens pauperum

Acquisitam ludo,
Hac oda laudantium

Te sis fortitudo.

18. Ave, strenuissime

Gigas, qui Goliam
Vicisti fortissime

Mundi currens viam,
Precor intensissime

Patris te Soplriam,
Me a culpis redime

Matrem per Mariam.

19. Ave, agnus innocens
Patri victimate,
Mundum totum redimens
Ab iniquitate,

Pracsta, mei miserens,

Uti legi datae
Per te sim oboediens

Prompta voluntate.

20. Ave, diademate

Fulgens divinali,
Pro nobis de pneumate

Ventre virginali
Conceptus, a caumate,

Quacso, gehennali
Me conserva schemate

Ornans aeternali.

21. Ave, diligibilis

Amorosae menti,
Sanguine qui credulis

Tui testamenti
Succurristi vinculis

Hostis virulenti
Fractis atque pessulis

Stygei tormenti.

22. Ave, alimonia

Pascens uberose
Tuos tua gratia,

Qui te amorose
Sumunt et inania

Spernunt virtuose,
Meque de te satia,

Quaeso, fructuose.

23. Ave, Iesu regiae

Princeps potestatis,
Tu summae clementiae,

Summae maiestatis,
Da per matrem gratiae,

Matrem pietatis,
Ut in regno gloriae

Socier beatis.

24. Ave, indulgentiae

Fons et gratiar um
Lavans nos a scabie

Conscientiarum,
Quaeso, obliviscere

Ignorantiarum,
Quibus immundiciae

Scrvivi culparum.

25. Ave, qui virginea

Viscera intrasti,
Quae a cupidinea

Faece conservasti,
Tamquam lux aetberea

Illa illustrasti,
Mole cum corporea

Haec inhabitasti.

26. Ave, Iesu normula

Vitae christjanae,
Tuae legis regula

Nostram sic compone
Vitam, ut te sedula

Laudem cantione
Hic et post per secula

Caeli regione.

27. Ave, pax, tranquillitas

Homini qua datur,
Cordisque serenitas

Per quam reparatur,
Meum res per varias

Plurimum vagatur,
Reduc, ne in tenebras

Laci demergatur.

28. Ave, cuius gloriam

Atque te gignentis
Cano per laetitiam

Iubilosae mentis,
Dona mihi gratiam

A te procedentis,
Torrentem ne incidam

Picis bullientis.

29. Ave, qui maerentia

Corda caeli bonis
Reples ac laetitia

Consolationis,
Tuae per victricia

Signa passionis
Mea purga vitia

Cum virtutum donis.

30. Ave, qui nobiliter

Hominem plasmasti
Et hunc mirabiliter
Bonis adornasti,

Sed misericorditer
Illum reformasti,

In cruce flebiliter
Quando exspirasti.

31. Ave, qui nos nobili

Sermonum suadela
Trahis a damnabili

Scelerum sequela,
Prece rogo humili,

Delicta obvela,
Quibus miserabili

Foedor corruptela.

32. Ave, verbum Domini,

Quo cuncta creavit
Atque primo homini

Vitam reparavit,
Qui, quando affamini

Hostis concordavit,
Sibi ac genimini

Mortem procuravit.

03. Ave, o suavitas,

Omni voluptate
Dulcior, qua pravitas

Mentis vitiatae
Pellitur, et bonitas

Illi datur a te
Tandemque aeternitas,

Qua vivat beate.

34. Ave, mi amabilis

Atque reverende,
Semper mihi sedulis

Votis requirendo,
Prece venerabilis

Matris apprehende
Arma et periculis

Cunctis nos defende.

35. Ave, fons munditiae

Abluens fermentum
Inoboedientiae

Primorum parentum,
Meae conscientiae

Statum foetulentum
Munda tuae gratiae

Largiens augmentum.

36. Ave, flos virgineo,

Flos miri odoris,
Nobis temporanea

Vi caelestis roris,
Ortus virgae lesseae

Stipite decoris,
Noxac fuga carneae

Virus ac livoris.

37. Ave, cui libamina

Laudum amorose
Ista per dictamina

Libo copiose,
Praebe medicamina

Meae vulnerosae
Menti, quam peccamina

Gravant onerose.

38. Ave, qui miseriam

Intrans mundialem
Venisti per caelicam

Portam virginalem,
Post istam volaticam

Vitam et mortalem
Nos ad beatificam

Duc et aeternalcm.

39. Ave, O rex gloriae,

Domine virtutum,
Hostem plurifarie

Deprimens versutum,
Praesta mihi vincere

Impetum bellutum,
Quo conatur mergere

Me in faecis lutum.

40. Ave, Iesu, valida

Virtus infirmorum,
Tua pellens gratia

Virus vitiorum,
Tuorum considera

Corda famulorum,
Ne cadant vi callida

Adversariorum.

41. Ave, lux mirifica

Tuo cum splendore
Relevans maestifica
Corda de maerore,

Gratiac imbrifica,
Quaeso, me madore,

Mundi fugans lubrica
Mali cum auctore.

42. Ave, indeficiens fax,

Quam pater dedit
Mundo, qui caecutiens

Per fluxa incedit,
Te duce regrediens

Ad Deum accedit,
Noxas cum abiciens

Legibus obedit.

43. Ave, lux exposita

Loco excellenti,
Illustrans abscondita.

Radio potenti,
Nostra solve debita

Vita in praesenti,
Ne post feram abdita

Aeterni tormenti.

44. Ave, speciosior

Iesu Absalone
Atque sapientior

Rege Salomone,
Moyse tu mitior,

Fortior Samsone,
Unde mihi carior

Omni datione.

45. Ave, qui es dulciter

Natus genetrice
Orta mirabiliter

David ex radice,
Arma me subtiliter

Fidei bilice,
Ut resistam fortiter

Liti inimicae.

46. Ave. diademate

Cinctus a paterna
Manu, cum biomate

Isti ad superna,
Tuae legis dogmate

Animae interna
Meae omni limate

Expurga veterna.

47. Ave, o laudabilis,

Ave, o benigne,
Qui a tibi credulis

Veneraris digne,
Assis tuis famulis

Tuum ob insigne
Nomen, qui ab aemulis

Gravantur maligne.
48. Ave, qui potentia

Mundum hunc sustentas
Atque sapientia

Prudenter gubernas,
Me insipientia

Caecatum ne spernas,
Sed tua clementia

Dulciter me cernas.

49. Ave, caeli ostium,

Quo intrant credentes,
Fraudes malignantium

Fortiter vincentes,
Quorum ad consortium

Perducas gaudentes
Laudis sacrificium

Huius offerentes.

50. Ave, qui Mosaicac

Legis obvelamen
Declarasti publice

Tuum per effamen,
Culpae meae abice

Deprecor atramen,
Laudem ut magnifice

Te per aevum. Amen.