GRAMMATICALIA.

51. Fecit summam grammaticalem.

Catal. Anglic. T. I, P. I, cod. 2256 : Alberti tractatus de modo significandi, et P. 2, cod. 727 : Alberti Magni de modo significandi et de passionibus sermonum. An idem ?

52. Fecit librum de arte Rhetorica.

53. Item exposuit antiquos doctores grammaticales, scilicet Priscianum in majori et minori voluminibus, et alios auctores.

54. De intelligentia et substantiis separatis.

Catal. Anglic. T. I, P. II, cod. 450 : Alberti intelligentiarum Metaphysica. Dubium tamen an opus distinctum, an ex aliis operibus excerptum, nam pluries Albertus de intelligentiis agit. Vide T. V. Op. 17. De causis et processu universitatis (lib. 2, tract. 2 et 3) ubi ex professo tractat de intelligentiis. Vide etiam Metaphysicorum lib. Xl, item Summae theologicae par. alteram ut et Summae de quatuor coaevis tract. 4.

55. Liber de medicina.

Catal. Anglic. T. I, P. III, n. 932 inter auctores Latinos medicos Alberli Magni opera in 19 libris, quos tamen non de medicina omnes agere putarim, sed plures esse ex supra relatis praesertim physicis.

Tom. II, P. I, cod. 3141. Alberti Magni experimenta medica.

Et cod. 3654. Alberli experimenta.

Et cod. 3681. Alberti experimenta rursus et inter medicos. An opus distinctum, an ex ejus variis operibus excerpta?

56. Libri de lanificio, de armatura (sic etiam in cod. Victor. Valleoletani, quamvis alii inter quos Petrus de Prussia legant de aratura) item de agricultura, de venatione, de navigatione, de theatrica.

Hos omnes credere est vidisse Valleoletanum, sed ubi jam extent nemo refert. De agricultura quaedam habet T. V, Op. 15, de vegetabilibus et plantis (lib. 7, tract. 1). Tormenta bellica aenea ignivoma majora et minora adinvenisse quidam putarunt, sed horum inventionem longe recentiorem esse certo asserunt eruditi, cujus evidens argumentum est quod Vincentius Bellovacensis aequalis, qui et plura ab eo mutuatus est, horum in suo Speculo doctrinali non meminerit, sed tantum armorum antiquorum.