23. In festo trium regum.

In 1. Vesperis.

Antiphonae.

1. Magorum praesentia,

Agrippina, gaude,

Summi regis gloria

Psalle regum laude.

2. Gentium primitiae

Confessores Christi

Tempore infantiae

Primi fiunt Isti.

3, Lingua dicti patria

Hi sunt Magusaei,

Illustrati gratia

Luminis fidei.

4. Fidi fidis mentibus

Dominum adorant,

Tribus cum muneribus

Parvulum honorant.

5. Aurum Deo offerunt,

Eegem signant thure.

Humanata deferunt

Myrrham sepulturae.

R. Fidelium primitiae,

Regis cultores gloriae,

Reges orientis,

Lucis latores gratiae,

Luce virtutum patriae

Lucent occidentis;

V. Per tria tres dona

regnant cum rege corona.

Ad Magnificat.

A. O Magi magnifici,

Fide, vita Incliti,

Viri virtuosi,

Regni cives coelici,

Regi Christo placiti,

Reges gloriosi,

Plebi date supplici

Gratiam paracliti,

Donis gratiosi.

Super Nunc dimittis.

A. O spes et pax omnium

Lumen, Christe, gentium,

Gloria magorum,

Post hujus carnis spatium

Dona nobis gaudium

Meritis sanctorum.

Ad Matutinum.

Invitatorium.

Plebs fidelis hominum

Jubilans In laudibus

Regi psallat gloriae,

Quem adorant Dominum

Magi cum muneribus

Fidei primitiae.

In 1. Nocturno.

Antiphonae.

1. Prophetavit Balaam,

Stellam orituram

Ex Jacob et Abraham

Lucem dare puram.

2. Nocte scandunt culmina

Quidam viri gentis

Exspectantes lumina

Primi Orientis.

3. Suis In temporibus

Signum dari credunt,

Et defunctis patribus

Filii succedunt.

Responsoria.

1. Stella Magis apparuit,

Magos locuta docuit

Verae viam lucis,

Judaeam Ire monuit,

Forma parvuli claruit

Signum habentis crucis;

V. Visio coelestis

digne monstratur honestis.

2. Fidem Magi concipiunt,

Dona reges accipiunt

Tres ex Oriente,

Iter viri arripiunt,

Jerosolymam veniunt

Stella praecedente;

V. Christum quaerentes

credunt In lumine gentes.

3. Lux stellae prius habita

A Magis est abscondita

Urbe In Helia;

Christi origo Inclita

Scribis clarescit prodita

Teste prophetia:

V. Gens fidei crescit,

misere Judaea tabescit.

In 2. Nocturno.

Antiphonae.

1. Hierusalem exeunt

Magi visa luce

Et Bethlehem adeunt

Summo ducti duce.

2. Stellae stante radio

Supra domum nati

Magno gaudent gaudio

Taliter juvati.

3. In domo Inveniunt

Puerum cum matre,

Quem regnare praesciunt

Coelitus cum patre.

Eesponscria.

1. Procidentes humiliter

Magi pii fideliter

Dominum adorant,

Aurum, thus, myrrham pariter

Offerentes subtiliter

Parvulum honorant;

V. Aurum regi, Deo

thus, fertur myrrha trophaeo.

2. Biennio pergentibus

Profectis Inquirentibus

Christum magistris tribus,

Sumptis In peris sumptibus

Non deficit sumentibus

Potus neque cibus.

V. Vera fide sanis

dat vitae prandia panis.

8. Herodis ob malitiam

Viam pergunt per aliam

Angelo monente,

Revertentes In patriam

Christi enarraut gloriam

Sua coram gente.

V. Divinas leges

firmant per saecula reges.

In 3. Nocturno.

Antiphonae.

1, Donum sancti spiritus

Post triumphum Christi

Viventes divinitus

Consequuntur Isti.

2. A Thoma baptismate

Spiritu renati

Adjutores dogmate

Plebi fiunt grati.

3. Orientis patria

Studens In divinis

Magorum justitia

Fulget et doctrinis.

Responsoria.

1. Thomae dono apostoli

Salutis testes symboli

Christum praedicantes

Patres cunctis benevoli

Ab hostis dolo subdoli

Liberant errantes;

V. Effulgent signis

victis virtute malignis.

2. Decurso enim spatio

Coelesti digni praemio,

Vita approbati,

Relicto mundi stadio

Sanctorum sancti gaudio

Gaudent coronati;

V. Victari Christo

mundo tolluntur ab Isto.

3. O patriarchae gentium,

Prophetae Magi omnium,

Fidei doctores,

Apostoli fidelium,

Martyres per obsequium,

Christi confessores,

Virgines voto mentium,

Plebem ferte credentium

Regni ad decores.

V. Patres regales

primates pontificales,

Sanctis aequales

nos pascite spirituales.

Tropus.

O reges justitiae,

Fidei primitiae,

Lucis Inventores,

Viri sanctimoniae,

Novae testes gratiae,

Verbi assertores,

Orientis patriae

Lux vera, spes veniae,

Vitae largitores,

Magi sapientiae,

Praesules ecclesiae,

Legis defensores,

Principes potentiae,

Summae cives gloriae,

Omnium priores,

Judices clementiae,

Gemmae regis propriae,

Omnium pastores ;

Gentes a pernicie

Ducite perfidiae,

Tollite errores,

Vestrae throno curiae

Nos locate hodie,

Vestros laudatores.

Ad Laudes.

Antiplionae.

1. Confessores Domini

Collaudentur primi,

Praesentati lumini

Gloriae sublimi.

2. Vivunt In coelestibus

Saeculo defuncti,

Culti a fidelibus,

Tumulo conjuncti.

3. Firmant fidem populis

Patria delati,

Signis et miraculis

Deo decorati.

4. Regna lustrant varia

Gentium salute.

Illustrantes omnia

Coelitum virtute.

5. Laudans omnis spiritus

Dominum de caelis.

Nos post nostros exitus

Regni jungat melis.

Ad Benedictus.

A. Illuminator gentium

In tenebris sedentium,

Deus lux magorum,

Illuminator omnium

In magis te laudantium

Luce meritorum,

Ut post carnis excidium

Pacis des nobis gaudium,

Gloriam sanctorum.

Ad Horas.

Ad Primam.

A. Fidei primitiae,

Magi sapientiae,

Lucis Inventores,

Primi patres gratiae,

Nobis date gloriae

Coelitum honores.

Ad Tertiam.

A. Principes fidelium,

Reges Magi gentium,

Testes veritatis,

Gemmae regis omnium,

Ferte nos ad gaudium

Summae claritatis.

Ad Sextam.

A. Veri Christi milites,

Magi et antistites,

Populi lucernae,

Nos per vitae limites

Ducite ad coelites,

Lucis lux aeternae.

Ad Nonam.

A. Confessores Domini,

Deo regi homini

Dona deferentes,

Magi pacis lumini

Jungite Internum

Vestros servientes.

In 2. Vesperis.

Ad Magnificat.

A. Sancti Magorum spiritus

Exsultant Deo coelitus

Regno claritatis,

Primi colentes penitus

Natum mundo humanitus

Regem majestatis;

Poenis exutos penitus

Nos regnare divinitus

Faciat cum beatis.