24. De sancto Floscello.

In 1. Vesperis.
Ad Magnificat.
A. Hic martyr multum

nobis sacer est honorandus,
Almis Floscellus

meritis flos magnus habendus,
Qui floret terra

coelique floret in aula.

Ad Matutinum.
Invitatorivmi.
Regem sidereum

laudemus carmine dignum,
Per quem Floscellus

claro diademate fulget.

In 1. Nocturno.
Antiphonae.
1. Praeses sacrilegus

perdebat Valerianus
Christicolas Antonino
dictante tyranno.

2. Jam puer egregius

praeclaris patribus ortus
Baptismi donum

Floscellus sumpserat almum.

3. Doctrina plenus

virtutibus atque coruscus
Hortabatur eos,

fragiles quos perspieicbat,
Ob Christi nomen

gratanter ponere vitam.

Responsoria.

1. Praeses ut audivit,

Floscellum credere Christo,
Adductum verbis

confestim pulsat amaris,
V. Respuat ut sanctum

Christi per saecula nomen.

2. Inclitus ac juvenis

divino numine mactus
Praefecti liquido

demonstrat inania jussu,

V. Nec sibi fas Dominium

prorsus dimittere Jesum.

3. Iratus praeses

florem macerabat amoenum
Ac prohibet rigidis,

ne sit responsio, verbis,
Quin potius humiles
discat proferre loquelas,
V. Vesano satrape,

ne dicat vera, jubetur.

In 2. No cturno.
Antiphonae.

1. Numina vana colis

vanusque orator haberis,
Quae si non pellis,
sensu privaberis omni.
2. Christus ait nobis:

tortores spernite carnis,
Qui corpus caeduiit,

animae nil tollere possunt.
3. Judex, insanis,

Christo dum credere temnis,
Factori certe

tcrracquo polique marisque,
Daemones et sequeris

cupidos te tradere morti.

Responsoria.
1. Imperitat puerum

praeses torquere vcnustum,
Quod sibi non
humili respondeat ore,
V, Afflictus flagris

duce praecipiente malignis.
2. Post hoc purpureum

juveni spondebat amictum
Et capiti nitidas

auro rutilante coronas
V. Imperiique locum

summi retinere secundum.
3. Muneribus vanis

Floscellus jure repulsis
Alte suspensus

graviter fuit undeque tortus
Robustaeque manus

sudant infantis in artus,

V. Deficiunt membra

jam non capienda plagas.

In 3. Nocturno.

Antiphonae.

1. Carcere post clauso

socium jubet esse leonem
Quem martyr precibus
spoliat spiramine flatus.
2. Tunc pulclvre septem

radiantia lumina splendent,
Quae Domini pietas

servo cum thure ministrat.
3. His visis natum

sancto deducit amatum,
Auditu quidem

visuque et voce carentem,
Quem Domini famulus

precibus mox integrat almus.

Responsoria.

1. Praesidis ex jussu

pyram struxere ministri,
Athletam saucium

cui projiciunt ardendum,
V. Ut si forte forent

maculae, purgentur ab igne.

2. Intactus flammis

stimulis est fixus acutis
Palmis et lingua,

Christi modulamine plena,
V. Accipit a Domino

majoris muneris usum.

In Laudibus.
Antiphonae.

1. Spiritus invictus

habitacula carnea linquens
Est visus multis

comitari coetibus almis.
2. Milia mox septem

populorum credere Christo
Et lymphis vivis
properant cum Caesare nasci.

3. Ex patria sancti

nautae venerabile quaerunt
Corpus et inventum
patriae cum laude reducunt.
4. Conveniunt noti,

confines atque propinqui
Ac margaritam

condunt veneranter hones-
tam.

5. Martyris ad tumulum

si quis conducit egenum,
Ex ejus meritis

fertur medicina salutis.

Ad Benedictus.

A. Gloria, Christe, tibi,

qui nos de martyris almi

Laetificas meritis
Floscelli sive tueris,

Qui nobis pastor,

pater est et luminis auctor.

In 2. Vesperis.
Ad Magnificat.

A. O martyr, proprios

serva, sanctissime, servos,
Officio vocis

qui solvimus organa laudis,
Ut reddas famulos

securos hoste maligno
Et tecum ducas

ad gaudia luce beata.