Quinquagena II.

51. Ave, o fructifera

Olea caelestis,
Qua fugatur effera

Delictorum pestis,
Inimicis dextera

Obvia infestis,
Patri nos confoedera

Et succurre maestis.
52. Ave, ineffabile

Verbum Dei patris,
Attamen laudabile

Fide veritatis,
Cor abominabile

Meum pro peccatis
Nunc saltem fac utile

Dono pietatis.
53. Ave, summa veritas,

Subditur de iure
Cui universitas

Omnis plasmaturae,
Gaudia fer animas

Nostras in futurae
Vitae, carnis foeditas

Cum dabitur busturae.

54. Ave, misse caelitus
Amor liberalis,
Quem laudet cordicitus
Chorus clericalis,

Conjunctos germanitus
Mihi solve malis,

Protegens divinitus
Pietatis alis.

55. Ave, quem earnigerum

Deum profitemur
Simulque deiferum

Hominem fatemur,
Hostem in pestiferum

Per te confortemur,
Victores in siderum

Arce collocemur.
56. Ave, o immobilis

Petra et fundamen.
Quo plebs fide stabilis

Recipit tutamen,
Tuis in latibulis

Mihi des umbramen,
Donec non amabilis

Transeat fraudamen.
57. Ave, meum unicum

Dulceque solamen,
Tuae per mirificum

Mortis da luctamen,
Voluptatis pesticum

Vincam ut sufflamen,
Ne post mortis Stygeum

Feram ustulamen.

58. Ave, quadrifariam

Orbem qui potenter
Regis, adiutorium

Ipsi dans libenter,
Peccati plantarium

Auferas clementer
Hoc salutatorium

Pangentibus gaudenter.

59. Ave, cuius deitas

Carne palliata.
Hominis miserias

Tollit et errata,
Unde tibi gratias

Reddens plebs renata
Psallat laudes debitas

Mente tranquillata.

60. Ave, flos, qui vario

Reficis odore,
En, peccatis cario

Repleor foetore,
Clamantem precario

Multo cum rubore
Me a multifario

Releva languore.

61. Ave, rex magnifice

Universitatis,
Illis quem hymnidice

Laudo praedicatis,
Hominem interfice

Meae vetustatis
Fortiterque subice

Legi veritatis.

62. Ave, suavissimum

Animae nutrimen,
Dans delieatissimum

Gratiae linimen,
Contra hostem pessimum

Mihi sis munimen,
Cum cis vitae terminum

Carnis linquam limen.

63. Ave, summum gaudium
Omni in eventu,
Tuis das solacium
Tuo in adventu,

Matris per suffragium
Atque interventu

Nos a malignantium
Protege conventu.

64. Ave, catbaxeseon

Auctor divinarum,
Quis virtutum tothicon

Atque ceterarum
Reserasti kryphion

Laudum aeternarum
Me cantorem in Sion

Facito tuarum.

65. Ave, cuius gloria

Volat triviatim,
Unde et praeconia

Tua seriatim
Conor fretus gratia

Dicere affatim,
Ut me ad caelestia

Provehas citatim,

66. Ave, via regia,

Gentem peregrinam
Ducens ad caelestia

Lucem per divinam,
Tendentes per devia

Mentis ad ruinam
Reduc tua gratia

Pellem in ovinam.

67. Ave, mi amabilis,

Quem evangelizo
Istis in litteralis

Atque praeconizo,
Da, ut invincibilis

Hosti sim inviso
Olim a caelicolis

Graviter eliso.

68. Ave, te quaerentium

Via, lux, lucerna,
Sed invenientium

Salus sempiterna,
Nos expurga mentium

Labe a veterna,
Praeparans sic transitum

Nobis ad superna.

69. Ave, magnitudine

Qui es infinitus
Atque pulchritudine

Mira redimitus,
Tuo sim iuvamine

Semper praemunitus,
Hostis ne ligamine

Cadam irretitus.

70. Ave, prudentissime,

Doctor ignorantis,
Mundi se spurcissimae

Noxis oblectantis
Incentiva perime

Carnis petulantis,
Quae vigorem animac

Premunt te amantis.

71. Ave, quem gentilium

Reges sapienter
Credunt Dei filium

Et indubitanter,
Stellae per indicium

Invento gaudenter
Exhibent obsequium

Et colunt prudenter.

72. Ave, qui conspiceris

In aeternitate
A beatis animis

Incircumvelate,
Amoris incendiis

Uri precor a te,
Namque premor vitiis,

Alsi caritate.

73. Ave, cuius caelicae

Plebes ob honorem
Laudis honorifice

Resonant tenorem,
Carnis Aethiopicae

Emunda squalorem
Meque legi subice

Tuae per amorem.

74. Ave, quem cordiflua
Iubilatione
Laudo et assidua
Oris cautione,

Peccatorum cernua

Tua passione
Frange, rogo cernua

Supplicatione.

75. Ave, quem legalia

Comprobant veracem,
Ducentem ovilia

Terram ad feracem,
Reprime civilia

Bella, dona pacem
Ac repelle vitia

Hostemque bellacem.

76. Ave, de quo meditor

Hac in psalmodia,
Nam summi, profiteor,

Patris es sophia,
Esto complacitior

Mihi in hac via,
Omnibus miserior

Miseris sum quia.

77. Ave. alimonia

immortalitatis,
Corda replens gratia

Tuae caritatis,
Virtutum insignia

Praesta mihi gratis
Auferens zizania

Meae pravitatis.

78. Ave, fraglans floscule

Caelicis in pratis,
Odore cor flebile

Replens Sunamitis,
Sis inexpugnabile

Scutum tribulatis,
A perversis frivole

Multumque gravatis.

79. Ave, o vivifica

Virtus Dei patris,
Qua facta est fabrica

Universitatis,
Tibi me vivifica

Prece tuae matris,
Gaudia dans caelica

Cum praedestinatis.

80. Ave, flos virginee,

Pellens foeditates
Scelerum, quas carneae

Gignunt voluptates,
Molliantur aereae

Per te voluntates
Nostrae, quas aereae

Indurant potestates.

81. Ave, seminarium

Omnis disciplinae,
Semen ferens varium

Caelicae doctrinae,
Stellae per suffragium

Tribuas marinae
Gratiae praesidium

Plebi paupertinae.

82. Ave, ineffabilis

Deus et perfecte,
Carnis nobis similis

Natura effecte,
Da te tabernaculis

Caeli, mi dilecte,
Saeculorum saeculis

Laudem circumspecte.

83. Ave, Iesu, virginal

Sacrum qui intrasti,
Per signum Ierobaal

Quod praefigurasti,
Tandem quoque bacchinal

Propter nos calcasti
Et antiquum Belial

Sic exsuperasti.

84. Ave, qui visceribus

Natus praecolendae
Virginis, fidelibus

Carae, amplectendae,
Eius nobis precibus

Teipsum ostende,
Pacem da petentibus,

Gratiam impende.

85. Ave, imputribile

Iesu vitae lignum,
Eius te amabile

Praestans et benignum,

O incommutabile

Verbum, mecum signum
Fac in bono, flebile

Pellens ac malignum.

86. Ave, qui propbetico

Ore prophetatus,
Nuntio angelico

Matri nuntiatus,
Atque sic mirifico

More incarnatus
Donoque deifico

Puer nobis natus.

87. Ave, o credentium

Salus sempiterna,
Quibus es caelestium

Largiturus verna,
Fugere me hostium

Caute fac caverna,
Ne captus per vitia

Mergar in inferna.

88. Ave, qui ecclesiae

Sanctae monarchiam
Tenens per iustitiae

Hanc deducis viam,
Fac per matrem gratiae

Virginem Mariam,
Me sequi plenarie

Patris te sophiam.

89. Ave, Iesu, nobilis

Veniae pincerna,
Fulgens laudum titulis

Veluti lucerna,
Legis tuae regulis

Ita me gnberna,
Ut coniungar angelis

Domo in superna.

90. Ave, mentis splendidae

Clemens habitator,
Salutis omnimodae

Pius reparator,
Fac amare fervide

Me te, mi amator,
Ne me vincat callide

Impius temptator.

91. Ave, ineffabilis

Gignentis agalma,
Virgo quem amabilis

Peperit et alma,
Me corona flosculis

De virtutum palma
Ducque cum oviculis

Caeli ad agalma.
92. Ave, flos Iesseicam

Virgulam ornare
Volens et Iudaicam

Stirpem exaltare,
Farram pharisaicam

Velis expurgare,
Quae plebem cbatholicam

Cernitur foedare.

93. Ave, sapientia

Iesu summi Dei,
Tenens in notitia

Formas omnis rei,
O mea fiducia,

Misereri mei,
Removens flagitia

Gravis poenae rei.

94. Ave, lucidissimum

Mundi luminare,
Caecitatem mentium

Potens propulsare,
Dignare me famulum

Tuum te laudare,
Tibi .ut in saeculum

Queam corregnare.

95. Ave, quem in laudibus

His categorizo,
Cuius auro clarius

Splendet lux obrizo,
Succurre celerius

Peccatis eliso,
Ne tradar daemonibus,

Quando agonizo.

96. Ave, lux progrediens

Patre ab aeterno,
Quam salute indigens

A remotis cerno,
Cor meum caecutiens

Tibi nunc prosterno,
Ut sis hoc reficiens

Lumine superno.
97. Ave, de virginea

Carne nobis natus,
Isaias antea

Ut est protestatus,
Hymnus iste cornea

Tuba decantatus
Cuncta fuget noxia,

Deleat erratus.
98. Ave, cuius pedibus

Iuste me substravi
Ac totis conatibus

Veniam rogavi,
Malis nam operibus

Fidem profanavi
Sicque sacris legibus

Tuis obviavi.
99. Ave, cui melliflua

Organa hymnorum
Resonant continua

In regno caelorum,
Me, quaeso, evacua

Sorde vitiorum,
Digne ut ad pascua

Transeam sanctorum.

100. Ave, unguentarie

Praestans medicamen,
Perturbata varie

Quo mens relevamen
Percipit, per gratiae

Tuae consolamen
Munda me a carie

Vitiorum. Amen.