Acta Benedicti Pp. XVI 27

Nos, vota Fratris Nostri Ioannis Petri S.R.E. Cardinalis Ricard, archie-

piscopi Burdigalensis, necnon plurimorum aliorum Fratrum in Episcopatu

multorumque christifidelium explentes, de Congregationis de Causis Sancto-

rum consulto, auctoritate Nostra Apostolica facultatem facimus ut Venera-

bilis Serva Dei Maria Caelina a Praesentatione (in saeculo Ioanna Germana

Castang), virgo, monialis professa II Ordinis Sancti Francisci (Clarissa), ful-

gidum humilitatis et patientiae exemplum, quae laeta Crucis vixit myste-

rium, Beatae nomine in posterum appelletur, eiusque festum die tricesima

Maii, qua ad caelum orta est, in locis et modis iure statutis quotannis cele-

brari possit. In nomine Patris et Filii et Spiritus Sancti.

Hortamur tandem omnes christifideles ad imitandas virtutes huius insig-

nis mulieris, quae Christi viam omnibus rebus praeposuit, et per humilitatis

et patientiae viam contulit ad bonum ubique diffundendum.

Quod autem decrevimus, volumus et nunc et in posterum tempus vim

habere, contrariis rebus quibuslibet non obsistentibus.

Datum Romae, apud Sanctum Petrum, sub anulo Piscatoris, die XVI

mensis Septembris, anno MMVII, Pontificatus Nostri tertio.

De mandato Summi Pontificis

Tharsicius card. Bertone

Secretarius Status

Loco e Plumbi In Secret. Status tab., n. 77.297

II

Venerabilibus Servis Dei Mariano a Sancto Ioseph, presbytero professo ex Ordine

Sanctissimae Trinitas, et IX Sociis Beatorum martyrum honores decernuntur.

BENEDICTUS PP. XVI

Ad perpetuam rei memoriam. - «Morte afficiuntur, et vivificantur »

(Epistola ad Diognetum 5, 4).

Antiquus Ordo Sanctissimae Trinitatis, qui a saeculis vires insumit ad

christianos liberandos in Africa aliisque in regionibus, Ecclesiae novam effu-