Acta Benedicti Pp. XVI 705

Verbum Dei et fides

25. « Deo revelanti praestanda est ''oboeditio fidei'' (Rom 16, 26; cfr.

Rom 1, 5; 2 Cor 10, 5-6), qua homo se totum libere Deo committit ''plenum

revelanti Deo intellectus et voluntatis obsequium'' praestando et voluntarie

revelationi ab Eo datae assentiendo ».76 Hisce vocibus Constitutio dogmatica

Dei Verbum adamussim expressit modum quo homo se gerit coram Deo.

Responsio propria hominis ad Deum loquentem fides est. Unde perspicue fit,

ut « ad Revelationem accipiendam, homo mentem et cor suum actioni Spiri-

tus Sancti aperta praebere debeat, ut intellegat divinum Verbum sacris Scrip-

turis praesens contentum ».77 Etenim praedicatio divini Verbi facit ut exoria-

tur fides, per quam libenter veritati nobis revelatae adhaereamus et Christo

nosmet ipsos in integrum commendemus: « ergo fides ex auditu, auditus autem

per verbum Christi » (Rom 10, 17). Universa historia salutis gradatim ostendit

nobis hoc intimum vinculum inter Verbum Dei et fidem quae in occursu cum

Christo adimpletur. Etenim cum Ipso fides assumit formam occurrendi cum

Persona illa cui propria vita concreditur. Christus Iesus praesens permanet

hodie in historia, in suo corpore quod est Ecclesia, quocirca actus fidei

nostrae est personalis simul et ecclesialis actus.

Peccatum tamquam non-auditio Verbi Dei

26. Verbum Dei necessario revelat etiam funestam possibilitatem ex

parte libertatis hominis sese subducendi ab hoc dialogo foederis cum Deo,

per quem creati sumus. Divinum enim verbum patefacit quoque peccatum

quod in cor hominis agit radices. Saepissime invenimus tam in Vetere quam

in Novo Testamento peccatum describi tamquam non-auditionem Verbi, uti

iacturam Foederis et itaque uti clausuram erga Deum, qui vocat ad commu-

nionem Secum instituendam.78 Etenim sacra Scriptura nos edocet quomodo

peccatum hominis essentialiter sit inoboedientia et « non-auditio ». Ipsa enim

radicalis Iesu oboedientia usque ad mortem Crucis (cfr. Philp 2, 8) hoc pec-

catum usque in extremum detegit. In eius oboedientia adimpletur Novum

Foedus inter Deum et hominem, atque data est nobis opportunitas reconci-

liationis. Iesus enim missus est a Patre tamquam victima expiationis pro

76 Conc. Oecum. Vat. II, Const. dogm. de divina Revelatione Dei Verbum, 5. 77 Propositio 4. 78 Verbi gratia Dt 28, 1-2.15.45; 32, 1; ex prophetis cfr. Ier 7, 22-28; Ez 2, 8; 3,10; 6, 3; 13, 2;

usque ad ultimos: cfr. Zach 3, 8. Apud sanctum Paulum cfr. Rom 10, 14-18; 1 Thess 2, 13.