sig. 24.

Quomodo viride aeris fit, et quomodo rubificatur, et super omnia valet ad artem istam ?

Viride aeris fac sic : Laminae aeris primo cum sale armoniaco et melle resolutis junctae suspendantur super vapores aceti fortis in olla forti, et claude valde bene

ne aliquo modo respiret., et ponatur in loco calido, ut acetum evaporet, et permittatur stare tribus hebdomadibus, vel quatuor, postea aperi, et invenies viride aeris adhaerere laminis: quod abrade et serva, et iterum suspende laminas super acetum sicut prius, donec totaliter convertantur in viride aeris : postea ad ignem positum calcina per omnia, sicut de atramento docui, et erit color rubeus, qui numquam destruetur: qui quando solutus est in aquam, cum ipso corpora et spiritus rubificantur colore perpetuo : et ipsum est unum de retinaculis spirituum : et in ipsa aqua sunt secreta multa.

Additio. Vel fic fit aes viride : Recipe limaturae Veneris libram unam, vitrioli, salis armoniaci, ana librarii semis, de omnibus cum forti acelo fac pastam, pone in vase vitreo in fimo equino : ibi putrefiet, et efficietur viride aeris nobile,

Flos. Tolle patellam mundissimam de aeramine, et suspendas super acetum acerrimum., et pone ad solem immobiliter: post quatuordecim dies aperies, et tolle ipsam patellam, colligesque florem, et facies jatim mundissimum. Nota quod Geber dicit in libro Fornacum, in. cap. Lunae, quod. Venus debet esse purgata et dissoluta, et ex ea extrahitur sulphur mundissimum, tingens et fixum,