25. De sancto Gabriele.

In 1. Vesperis.

Antiphonae.

1. Gaudeamus

omnes in Domino,
Nam Gabriel

missus est angelus
Ad Mariam,

Deum in utero
Concepturam,

pacem hominibus;
Gaude, virgo,

ita de cetero,
Nam paries,

ut dicit Dominus.

2. Ave, virgo,

Gabrielis ore,
Ecce, ait:

Deum et hominem
Concipies

mirabili more,
Praecursorem

Dominus me misit,

Adnuntio

jam admirabilem
Redemptorem,

quem olim promisit.

3. Beatus es,

angele Gabriel,
Qui veniens

prodis Emanuel,
Exortum est

lumen in tenebris,
Rectis corde

tu bene veneris
Nunc et semper.

4. Repleatur

os nostrum laudibus,
Laudabile

est nomen Domini,
Gabrielis

adventum colimus,
Et divinum

laudate, pueri,
In aeternum.

5. In aeternum

verbum veritatis
Apud patrem

erat et permanet,
Sed descendit

pro gentibus gratis
In virginem

desponsatam Joseph,
Dum Gabriel,

vir auctoritatis,
Fuit missus

ad urbem Nazareth.

Ad Magnificat.

A. Elevetur

humana natio
Et nunc consors

supernae gratiae
Confortetur

mentis devotio
In Domino,

qui misit Mariae
Gabrielem,

archangelum fortem,
Qui virginis

ab aeterno sortem
Nuntiavit

vitamque homini.
O Maria,

ancilla Domini,
Isaiae

legens prophetiam,
Concipies,

juxta Jeremiam
Circumdabis

virum et Messiam,
Novum magnum,

vide, ne timeas,
Ut venisti,

virgo permaneas,
Crede Deo

et redde gratias
Gabrieli.

Ad Matutinum.
Invitatorium.

Adoremus

Deum absconditum,
Emanuel,

qui nos visitavit,
Salutemus

virginis uterum,
Quem Gabriel

sanctus salutavit.

In 1. Nocturno.
Antiphonae.

1. Admirabile

nomen Emanuel,
Collatum homini,

dum venit Gabriel,
Hic minor angelis

paulo perficitur
Ad nutum virginis

et Deus dicitur.
2. In coelo Dominus

praesidens potenter
Pauperum lacrimas

clementer respexit
Misit archangelum,

qui venit libenter
Pro pace hominum,

quos Deus dilexit.
3. Virtutes Domini,

qui signa facitis,
Signum apparuit

magnum in virgine,
Virgo circumdedit

virum, ut cernitis,
Mulier amicta

solari lumine.

Responsoria.

1. Gloria laus in excelsis
omnipotenti detur,
Et in terra dilectio
hominibus ametur,

Tanti foederis bajulus,
Quem pater misit, angelus

In terris adoretur ;
V. Angelus Gabriel

missus ad virginem
Deum adnuntiat

fieri hominem,
Ut homo homine

assumpto salvetur,
Et caro fluida

verbo sustentetur.
2. Archangelus

e coelo mittitur,
Fortitudo

qui Dei dicitur,
Ad virginem

viro confortatam
Tamquam sponsam

Deo praeparatam;
V. Benedixit

Gabriel beatam,
Virtutibus

omnibus ornatam.
3. Benedictus, qui venit

in nomine Domini,
Et benedictus Dominus,

quia venit,
Benedictus sit spiritus

altissimi
Et benedicta Maria,

quae concepit.
V. Congaudeat

turba fidelium,
Benedictus,

qui misit filium.

In 2. Nocturno.
Antiphonae.
1. A summo nuntius

egressus coelorum
Nazareth veniens

verbum eructavit
Bonum, sed melius,

quae nescivit thorum,
Virgo concipiens

Deum incarnavit.

2. Dominator adveniens

Intrat templum clausis portis,
Et angelus praeveniens
Adnuntiat potentem fortis.

3. In Domino laudabitur
Anima diligens vitam,
Archangelum, qui mittitur,
Et Domini benedictam.

Responsoria.

1. Responso accepto

virginis inclitae
Respondit angelus

Gabriel placide:
Virtus altissimi

faciet utique,
Quod quaeris, Maria,

conserva tacite.
V. Deus potens

verbo et opere,
Omne verbum

audi sollicite.

2. Jam lucis orto sidere
Oportet adorare
Trinitatem et credere,
Quam novit revelare
Gabriel missus aetherc,
Mariam salutare;
V. Ecce nunc dies salutis,
Ecce nova, de foedere
Quae venit nuntiare.

3. Ecce concipies,
ait angelus
Ad eam, et virgo
Deum paries

Olim notum in Judeam,
Tunc dices laudes septies,
Cum ut castrorum acies
Gentem disperdet Hebraeam.
V. Fiat virtus mea Deus,
Vir meus et notus meus
Veniat in Nazaream.

I n 3. Nocturno.
Atiphonae.

1. Cantate Domino
omnes creaturae,

Homines, angeli
aequalis censurae,

Consortes gloriae
psallite de jure.

2. Exsultet terra laudibus,
Exsultent filii Judae,

In terra pax hominibus
Orta est, lux in nube,

Cum Gabriel archangelus
Venit pro mundi salute.

3. Benedic Domino,

virgo benedicta,
Benedic nuntio,

qui te benedixit,
Inter mulieres

speciosa, digna
Pro regis filio,

qui te concupivit.

Responsoria.

1. Laetetur

omne saeculum
Gabrielis

adventu jucundo,
Veneremur

sanctum archangelum,
Nobis missum

de coeli profundo,
Qui virgini

attulit annulum
Nuptialem

et pacis cumulum.
V. Gabrielem archangelum,
Nostrae salutis nuntium,
Nos oportet deprecare
Debita reverentia.

2. Gabriel angelus

missus ad Mariam
Venturum in eam
nuntiat Messiam,

Turbatur Maria

de verbo angeli,
Ancillam se dixit

humilem Domini ;
V. Ecce ancilla humili

Maria respondente
Fit virgo mater Domini,
Fit verbum caro famuli

Domino operante.

3. Missus est magnus angelus

Ad portam in conclave,
Quem misit manus Domini,

Mariae dixit Ave;
Virginis formidinem

Demulcens et confortans,
Blando sermone virginem

Adloquitur exhortans:
V. Ave, virgo, ne timeas,

Gratiam invenisti
Apud Deum, sed gaudeas,

Nam eris mater Christi.

In Laudibus.
Antiphonae.

1. Mirabilis

in altis Dominus,
Qui decorem

cum fortitudine
Indutus est

in matre virgine,
Ut praedixit

Gabriel angelus.

2. Jubilate,

terra et omnia,
Angelica

psallit melodia,
Plaude, virgo

nomine Maria,
Mater, sponsa,

ancilla, filia.

3. Missus est ergo Gabriel
Ad virginem desponsatam
Viro Joseph, pvaeparatam
Pro venturo Emanuel.

4. Benedicat

Maria angelum
Gabrielem

et laudet Dominum,
Benedicant

homines virginem,
In qua Deus

se fecit hominem.
5. Laudamus te,

beata trinitas,
Quae de coelis

angelum misisti
Ad virginem,

quam praeparaveras,
Laudamus te,

quod nos redemisti.

Ad Benedictus.
A. Benedictus adventus
Sancti Gabrielis,
Benedictus populus

Novi Israelis,
Benedicta bajula
Sit Emanuelis,
Ad quam sanctus missus est
Gabriel de caelis.

In 2. Vesperis.

Antiphonae.

1. Gabriel principium
Tecum fuit hora,
Qua Nazareth veneras
Nuntiare nova.

2. Gabrielis memoria

Ab illis benedicitur,
A quibus digne colitur
Nomen virginis Maria.

3. Gabrieli committitur

Nostrae pacis tractamentum,
Angulare fundamentum,
Domus Dei cum jacitur.
4. Gabrielem confitemur,
Venisse desideratum
Propter verbum incarnatum,
Hodie congratulemur.
5. Gabriele nuntiante

Pacem salvator populi
Conclusit verbo angeli
Sermonem confirmante
Matre Maria Domini
Spiritu confortante.

Ad Magnificat.

A. Exsultet coelum laudibus,
Nam datur pax hominibus

Et gaudeat terra nostra,
Quae Gabrielem archangelum

Suscepit gratia multa.
O quam magnum mysterium,
Virginem ferre filium,

Qui populum salvabit,
O quantum beneficium,
O divinum consilium,
O stupendum commercium,

Quis illud enarrabit?