Quinquagena III.

101. Ave, Iesu omnium
Donorum origo,
Cuius vim cognominum
Cautus investigo,

Me quem, heu, peccaminum

Inquinat uligo,
Munda, ut precaminum

Verbis te instigo.

102. Ave, cacli optimas

Virtutum sanctarum
Refovensque animas

Donis gratiarum,
Offerentes victimas

Caeremoniarum
A languore redimas

Conscientiarum.

103. Ave, sapientia

Consubstantialis
Patri ac per omnia

Illi coaequalis,
Propter nos ex gratia

Factas es mortalis,
Unde tibi gloria

Sit interminalis.

104. Ave, te quaerentium

Lumen veritatis,
Domini eloquium

Fonsque pietatis,
Tui da consortium

Fide confirmatis
In terra viventium

Cum praedestiuatis.

105. Ave, petra stabilis,

Quae fidei structura
Stat inviolabilis

Nunquam ruitura,
Da, Iesu amabilis,

Te ut mente pura
Laudem cum eaelicolis

Vita in futura.

106. Ave, Iesu semita,

Mundum qui distortum
Errantem per abdita

Ad salutis portum
Revehis, revectita

Me per angiportam,
Legem qui per vetitam

Factus sum ut scortum.

107. Ave, quia credulis
Merito vocare
Iustus, admirabilis,
Dei salutare,

Auribus me pariter
Velis auscultare,

Qui te laudum titulis
Conor exaltare.

108. Ave, qui opprobrium

Factus es Iudaeis
Magnumque ludibrium

Passus es ab eis,
Crucis cum supplicium

Sufferres pro reis,
O Iesu, remedium

Esto culpis meis.

109. Ave, salus gentium,

Ave, Iesu pie,
Quem dixit praesagium

Vatis Isaiae
Gignendum per uterum

Virginis Mariae,
Cuius per suffragium

Hac me salva die.

110. Avo, flos blastemate

Exortus regali
Et conceptus pneumate

Ventre virginali,
Munda me a phlegmate,

Quaeso, criminali
Et reple charismate

Sapientiali.

111. Ave, dyan caelica

Totum lustrans mundum,
Currentem per lubrica

Quasi furibundum,
Fraude diabolica

Me factum immundum
Munda vi deifica

Faciens iucundum.

112. Ave, quem caelestium

Chori sunt laudantes
Titulos perennium

Laudum concinnentes,
Redona amoenium,

Petimus gementes,
Princeps quod fallacium

Tulit per parentes.

113. Ave, caeli inclite

Terraeque creator
Atque tibi subditae

Plebis habitator,
Inclinato capite

Peto, mi amator,
Mentis meae perditae

Esto reparator.

114. Ave, o Hebraicae

Decus nationis,
Magnis quam dapatice

Praedotasti bonis,
Praesta, sim ut caelicae

Compos regionis,
Carmen hoc qui melicae

Pango cantionis.

115. Ave, o fidelium

Nobile iocale,
Amoris indicium

Et memoriale,
A me omne vitium

Aufer mundiale
Tui dans consortium

Mihi aeternale.

116. Ave, cuius deitas

Omnium est causa,
Tuque pandens veritas

In scripturis clausa,
Tua probet bonitas

Carmina haec plausa,
Pellens res illicitas

In me, quaeso, pausa.

117. Ave, o fortissime

Lapis angularis,
Parietes optime

Sacri nectens laris,
A Iudaeis pessime

Olim reprobaris,
Sed a tuis intime

Iusteque amaris.

118. Ave, Iesu, speculum
Sanctae paupertatis,
Pacis habitaculum,
Lux humilitatis,

Resolve piaculum
Meae pravitatis,

Iungar ut in saeculum
Beatificatis.

119. Ave, o magnifica

Virtus summi Dei
Atque, substantifica

Causa omnis rei,
Varios simplifica

Motus cordis mei
Eiusque mollifica

Petram glaciei.

120. Ave, quem hoc syrmate

Tracto de fontali
Scripturarum dogmate

Veneror, mentali
Iubilo boemate

Tuo divinali,
Serva me a caumate,

Quaeso, infernali.

121. Ave, per quem civitas

Est aedificata,
In qua christianitas

Est significata,
Corda nostra pietas

Tua tranquillata
Reddat, quae impietas

Turbat prolongata.

122. Ave, per quem Satauae

Fracta est armilla,
Cum conceptus flamine

Es natus de ancilla,
Tua praesta, Domine,

Mortis per vexilla,
Ut in caeli culmine

Laudem te cum illa.

123. Ave, qui propaginem

Christianae gentis
Mundi iubes turbinem

Fugere torrentis,
Adhibe viredinem

Doctrinae fluentis,
Pellat quae caliginem

Nostrae caecac mentis.

124. Ave, Iesu lucidum

Caeli lumen, ave,
Cui amando plurimum

Pango melos suave,
Tuae per mundissimum

Carnis da conclave,
Liberer ad ultimum

Miserorum a vae.

125. Ave, cui semina

Amicitiarum
Cano haec per carmina

Modo poetarum,
Gravi pressum sarcina

Me miseriarum
Tibi nunc compagina

Donis gratiarum.

126. Ave, benignissime,

Iesu Samarites,
Sanas plagas animae,

Hostes quas immites
Intulerunt pessime

Scelerum per lites,
Me amorum intime

Iaculo sagittes.

127. Ave, rex iustitiae,

Ave, rex sublimis,
Qui abundas gratiae

Mercibus opimis,
Aufer amicitiam

Odiosam nimis,
Qua per immunditiam

Iaceo in imis.

128. Ave, agonistice

Hostis expugnator,
Tuorum sophistice

Qui est depravator,
Praesta, mundi fabricae

Prudens gubernator,
Tuus ut magnifice

Semper sim laudator.

129. Ave, o redemptio
Iesu captivorum
Et propitiatio
Plena dilectorum,

Esto consolatio
Meorum carorum

Degentium in stadio
Atque mortuorum.

130. Ave, quem sublimiter

Genuit Maria,
Sicut olim pleniter

Dixit prophetia,
Te laudantem iugiter

Hac in psalmodia
Dirige benigniter

In huius vitae via.

131. Ave, cuius facies

Coetui sanctorum
Exstat mira saties

In regno caelorum,
Meorum sis requies,

Precor, defunctorum,
Quos adhuc sordities

Gravat delictorum.

132. Ave, substantifica

Virtus summi patris,
Qua exsistit fabrica

Universitatis,
Cor meum califica

Aestu caritatis
Algidum ex lubrica

Culpa vanitatis.

133. Ave, salutariter

Nate de Maria,
Mea laudat dulciter

Quem doxologia,
Moriar vitaliter

Hac in mundi via,
Vivam ut perenniter

In caeli hierarchia.

134. Ave, o formifica

Iesu pulchritudo,
In qua omnis lubrica

Deest turpitudo
Carmen hoc ratifica,

In quo te saluto,
Me quoque pulchrifica

Iacentem in luto.

135. Ave, sapientia,

Omnis boni nutrix,
Veraque iustitia,

Mali persecutrix,
Tua sit clementia

Nostra semper tutrix,
Ne nos propter vitia

Poena mulctet ultrix.

136. Ave, qui devotius

Tibi adhaerentes
Es consuetus crebrius

Consolare flentes,
Istis in carminibus

Tibi concinentes
Gratiae fluminibus

Lava mundans mentes.

137. Ave, dux magnificae

Congregationis
Virtutis angelicae,

Istis quem in sonis
Resero poetice,

Te pium in donis
Rogo, non me despice

In hora agonis.

138. Ave lux, clarescere

Corda tenebrosa
Faciens, pro scelere

Luxuque lutosa,
Digneris reficere

Meae ruinosa,
Tandem fac me scandere

Caeli gaudiosa.

139. Ave, causa omnium,

Bonitas et vita
Tibique credentium

Salus infinita,
Nobis adversantium

Cohors sit contrita
Et nos ad consortium

Iustorum invita.

140. Ave, lumen prodiens
Patre ab aeterno,
Quod licet caecutiens
Visu mentis cerno,

Ecce, nunc subiciens
Tibi me prosterno,

Ut me mei miserens
Praeserves ab inferno.

141. Ave, qui virginei

Ventris es clausura
Cinctus pro viperei

Hostis impostura,
Solutos a carnei

Vincli nos cinctura
Liberes a Stygei

Ignis combustura.

142. Ave, germen nobile

Iesseae radicis,
Decus delectabile

Deferens in spicis,
Fove, quaeso, sedule

Gratiarum micis
Praegravatum subdole

Me ab inimicis.

143. Ave, quem primarium

Lapidem propheta
Scripsit, nam credentium

Robur es et meta,
Contra adversarium,

Rogo mente laeta,
Mihi dans praesidium

Sis agonitheta.

144. Ave, rex praecipue,

Caelo, terrae, mari,
Praesidens, assidue

Dignus collaudari,
Fac nos te proficue

Semper venerari,
Ut a te perpetue

Possimus beari.

145. Ave, venerabilis

Super omne clarum
Atque amicabilis

Super omne carum
Venerantes titulis

Laudum te istarum
Cunctis a periculis

Serva animarum.

146. Ave, princeps celsice

Caeli monarchiae,
Dulces quem Davidicae

Laudant melodiae,
Munera gratificae

Huius symphoniae
Accepta deiflcae

Meritis Mariae.

147. Ave, qui sub specie

Panis in altari
Sumeris cotidie

Modo singulari,
Domo conscientiae,

Sic me fac aptari,
Ut de te assidue

Queam satiari.

148. Ave, quem exercitus
Laudat angelorum,
Procellarum spiritus
Caelique caelorum,

Me purgatum funditus
A faece vitiorum

Conecte divinitus
Coetui iustorum.

149. Ave, Iesu, gloria

Summa devotorum,
Qui te cum ecclesia

Laudant electorum,
Audi cum clementia

Carmen hoc decorum,
Prompsi quod ex gratia

Donorum tuorum.

150. Ave, quem organice

Sanctorum examen
Extollit mirifice

Laudis per effamen,
Fantes huius melicae

Odae iubilamen
Contioni adice

Beatorum. Amen.