25. In festo sororum BMV.

In 1. Vesperis.
Ad Magnificat.
A. Ecce dies gloriosa,
Dies mundo gratiosa,
Qua sorores matris Dei
Meruerunt sursum vehi;
Deum orent propitium
Pro salute fidelium.

Ad Matutinum,

Invitatorium.

Iubilemus In hac die
Dignis Deo laudibus,
Qui claris virtutibus
Regnum dat sororibus
Matris virginis Mariae.

In 1. Xocturno.
Antiphonae.
1. Gratuletur civium
Coetus supernorum
Festivans solemnia
Sanctarum sororum.
2. Hodie celebritas

datur toti mundo,
Exsultemus Igitur
pectore jucundo.
3. Almae matris nomine
vocatae sorores,
Sanctitate nominis
pollent gratiores.
Eesponsoria.
1. Solemnitas beatarum

Matris Christi germanarum

Celebratur hodie,
Quas Invitat ad superna
Christus luce sempiterna
Fruituras gloriae.
V. Ob felicium par sororum

Chorus gaudet supernorum.
2. Ante regis solium
Adstat purpurata
Per duarum puellarum
Fulta ministerium
Hesther delicata.
V. Hae puellae duo flores,
Matris Dei sunt sorores.
3. Hodie Mariae Jacobi
Et Mariae Salome

solemnitas celebratur,
Quarum societate

coelum gloriatur,
Quarum patrociniis

terra laetatur,
Quarum gloriosis meritis
ecclesia coronatur.
V. Ad earum Igitur memoriam
totis viribus recurramus,
Ut Ipsarum consortes
effici valeamus.

In 2. Nocturno.
Antiphonae.
1. Maria de Joachim
fuit primogenita,

Quae Dei postea
mater fuit Inclita.

2. Maria Jacobi

minoris est mater,
Cui fuit Cleophas,
homo justus, pater.

3. Mariae Salome
proles erudita
Paterno sic nomine
fuit Insignita.

Eesponsoria.

1. Maria Magdalene
duaeque sorores
Emerunt aromata,
mysticos odores.
Cupientes stigmatum
ungere livores.
V. Et dicunt ad Invicem:
Quis revolvet silicem
Ad sepulchri fores?

2. Mirandae propagines,
Tres ex una vite
Generantur palmites,
Ex quibus sex homines
Et creator vitae.
V. Sic ex Anna tres puellae,
Omnes dictae maris stellae.

3. Super thronum Salomonis
Sedile componitur,
Sub quo firmae stationis
Duplex manus sculpitur
Brachiis formatis,
Quod In hora passionis
Christi factum noscitur:
V. Virgo mater pietatis
Sororibus amplexatis
Duabus Innititur.

In 3. Nocturno.

Antiplionae.

1. Maria primogenita
Joseph desponsata,
Sine viri semine
fuit fecundata.

2. Maria mater Jacobi
minoris Alphaeo,
Sed Maria Salome
datur Zebedaeo.
3. Ex hac ergo Jacobus
major fuit natus,
Et alter discipulus
a Deo plus amatus.

Responsoria.
1. O Jesu, deiferae

Lucis Instrumentum,
Olivae fructiferae

Dulce condimentum,
Quem duae materterae
Mane quaerant ungere
Portantes unguentum.
V. Hae super candelabrum
Duae sunt olivae,
Post crucis umbraculum
Testes carnis vivae.
2. Orto solis radio
Mulieres visio

Clara consolatur
Angelus terribilis,
Veste delectabilis,
Amoto signaculo,
Reserato tumulo
Eas sic affatur:
V. Non est hic, quem quaeritis,
Sed prout videbitis,
Surgens gloriatur.
1. Gaudeamus hodie,
Immensae laetitiae

Laudes extollantur,
Dum reginae gloriosae
Sorores egregiae,
Annae duo filiae,
Coelo coronantur.
V. Felices materterae,
Sorores Christiferae,
Cum virtutum munere
Ad nos applicantur.

Ad Laudes.
Antiphonae.
1. Cum Maria Magdalene
Sorores venerunt,
Et unguentum fide plenae
Mane portaverunt,
2. Ad sepulchrum Domini
Sociae beatae
Corruscante veniunt
Solis claritate.
3. Hae cum aromatibus
Intrant monumentum,
Ubi corpus Domini
Ton fuit Inventum.
4. Et Intrantes splendidum
Juvenem sedere
Vident stola candida
Et obstupuere.
5. Quis revolvet lapidem
Ab ostio, quaerunt,
Revolutum lapidem
Jam cito viderunt.
Ad Benedictus.
A. Mulieres angelus
leniter affatur,
Et ultra ne paveant,
blande consolatur,
Dicens, Jesum quaeritis

credentes hunc mortuum,
Jam surrexit, non est hic,
ecce locum vacuum.

In 2. Vesperis.
Ad Magnificat.
A. O lux luce clarior,
Gemina lucerna,
Caeteris splendidior

dies hodierna,
Qua sorores strenuae

scandunt ad superna.
Gaudentes assidue
luce sempiterna.