Acta Benedicti Pp. XVI 29

erga propria officia. Captus est die XXVIII mensis Iulii, quo tempore pertine-

bat ad communitatem sanctuarii Beatae Virginis Mariae in loco Cabeza, pro-

pe Andújar. Necatus est die XXXI mensis Iulii.

4. Secundus a Sancta Teresia, in saeculo Secundus Garcı́a Cabezas, pres-

byter professus eiusdem Ordinis. Natus in loco Los Barros de Nistoso, dioecesis

Asturicensis et provinciae Leonensis, die VIII mensis Martii anno MDCCCXCI.

Expletis studiis Romae apud Pontificiam Universitatem Gregorianam, do-

cuit variis in conventibus sui Ordinis in Hispania et Argentina. Manuballista

occisus est die XXXI mensis Iulii in via versus Andújar una cum sodali suo

presbytero Prudentio a Cruce.

5. Ioannes a Iesu et Maria, in saeculo Ioannes Otazua y Madariaga,

presbyter professus eiusdem Ordinis. Natus in loco Rigoitia, dioecesis Victo-

riensis et provinciae Viscayae, die VIII mensis Februarii anno MDCCCXCV. Die

XXIII mensis Octobris anno MCMXXI presbyter ordinatus est. Exardescente

concitatione nationali die XVIII mensis Iulii morabatur in loco Andújar, in

sanctuario Beatae Virginis Mariae de la Cabeza, curatum ab eius Ordine.

Iniuste captus solum quia esset religiosus vir, in carcerem missus est urbis

Giennensis, ac denique interemptus nocte inter dies II et III mensis Aprilis

anni MCMXXXVII in loco Mancharreal.

III. Martyr in loco Martos, dioecesis Giennensis:

6. Francisca ab Incarnatione, in saeculo Maria Francisca Espejo Martos,

soror professa ex Ordine Sanctissimae Trinitatis. Nata in loco Martos, dioe-

cesis et provinciae Giennensis, die II mensis Februarii anno MDCCCLXXIII. Mo-

nasterium Sanctissimae Trinitatis suae terrae natalis ingressa, perpetuam

professionem sollemniter nuncupavit die V mensis Iulii anno MDCCCXCIV. Una

cum sodalibus suis expulsa est vi ex monasterio die XXI mensis Iulii anno

MCMXXXVI. Apprehensa est die XII mensis Ianuarii anno MCMXXXVII, et inse-

quenti die crudeliter occisa est in loco Casillas de Martos, prope oppidum

Martos, dum heroice certabat respuens iniquum quendam virum qui illam

violare conabatur.

IV. Martyres in loco Belmonte, dioecesis Conchensis:

7. Aloisius a Sancto Michaële, in saeculo Aloisius Erdoiza y Zamalloa,

presbyter professus ex Ordine Sanctissimae Trinitatis. Natus in loco Amore-

bieta, dioecesis Victoriensis et provinciae Viscayae, die XXV mensis Augusti

anno MDCCCXCI. Aspirans vitam religiosam, vix XIV annos natus ingressus est