26. De sancto Achatio.

In 1. Vesperis.

Ad Magnificat.

A. Gloriosa recolitur

Dies, In qua grex mittitur
Aetbereis ovilibus,
Constans ex decem milibus
Fortissimorum militum,
Quorum Insigne meritum
Juvando nos laetificat
Et Dominum magnificat.

Ad Matutinum.
Inv itatorium.
Ad Dominum vigiles

cuncti convertite mentes,
Tot sua qui pugiles

elegit castra sequentes.

In 1. Nocturno.
Antiphonae.

1. Achatius legem Dei

Meditavit jugiter

Et cum suis semper ei

Militavit humiliter,

Caesaris tormenta rei

Pertulit viriliter.
2. Principes dum conveniunt,

Achatium Inveniunt

Cum acie christicola

Despicientem Idola.

3. Invocantes se Dominus
Exaudivit hos cominus,
Dum Christi nomen colerent
Et Deos vanos spernerent.

Responsoria.

1. Dum Romae teneret vanus
Rerum culmen Adrianus,
Christi persequens famulos
Libare cogit Idolis,
Plures Ingerens stimulos
Tormentorum Christicolis.

V. ''Beatus dux suam Achatius
legionem animavit prius.''

2. Videns Romae dux Augustum
Immolantem daemoniis
Elongavit agmen justum
Ejus a caerimoniis,
Coetorum regem colendum
Docens solique credendum.

V. ''Quoniam Domini vir erat et
illi soli semper servierat.''

3. Dum mandaret imperator
Christi servos interfici,
Achatius gubernator
Exercitus magnifici
Consensu turmae comparis
Edicta spernit Caesaris.

V. ''Qui sacro baptismate pridem
imbutus fidem Christi tenebat,
a qua jam flecti nullatenus
poterat.''

In 2. Nocturno.

Antiphonae.

1. Ut scuto coronabitur
Hoc agmen et locabitur
Cum angelorum coelibus
In gaudiis perennibus.

2. Nomen tuum mirabile,
Jesu, cor laudat stabile,
Te duce decem milia
Coeli scandunt sedilia.

3. In monte sancto Domini
Quiescunt, suo nomini
Qui sese totos dedicant,
Quem moriendo praedicant.

Responsoria.

1. Propter irrefragabilem
Firmitatem veritatis
Caesar sanctis mirabilem
Vim intulit feritatis,
Sed victus a martyribus
Est regis Christi viribus.

V. ''Nec fecit Caesaris furor dirus,
ut a Domino deviaret dux
fortis milesque mirus.''

2. Hortante beatissimo

Exercitam Achatio

Baptismatis post lavacra

Despiciunt simulacra.
V. Multum enim valet adhortatio

ducis assidua.

3. Vere beatos milites,
Qui ut fierent coelites,
Omnes Christi pertulerunt
Poenas, et apparuerunt
Cuncta, quae sunt visa pridem,
Dum In cruce vicit Idem.

V. ''A Domino sunt Iterata
propter hos martyres atque re-
novata.''

In 3. Nocturno.
Antiphonae.
1. Deus suos mirificat,
Voluntate dum applicat
Sibi sic decem milia,
Morte sibi similia.

2. Haec justa generatio
Coeli fulget palatio,
Se mente probans aciem
Quaerentem Dei faciem.

3. In Christo laetamini
Martyres perenniter,
In quo gloriamini
Triumphantes fortiter.

Eesponsoria.

1. Hodie dux Achatius
Et Hermolaus episcopus
Cum his, quos baptizaverat,
Crucis tormenta tolerat,
Intrans per hanc victoriam
Cum Illis coeli gloriam.

V. ''Ecce vere Israelita
qui suos praeit Ita.''

2. Sanctus ductor cum acie
Dono triumphans gratiae
Decem praecessor milium
Nobis praestet auxilium
Ut superatis hostibus
Coeli reddamur postibus.

V. ''Innocens acies vincens In cruce,
quae non expavit tot poenas
pro Christo duce.''

3. O felix exercitus,

Qui crucem imperterritus
Conscendis unanimiter,
Te colentes suppliciter
Christi commendans nomini
Nos Infer regno Domini.

V. ''Memor esto tibi servientis fa-
miliae, quam precibus tuis
nunc et semper protege, Christe.''

Ad Laudes.

Antiphonae.

1. In his regnavit Dominus,
Et Isti nihilominus
Passi sibi similiter
Cum eo regnant jugiter.

2. Hi sancti Deo jubilant,
Nullaeque res obnubilant,
Qui coeli petunt gloriam
Per celebrem victoriam.

3. In Deum sancti sitiunt,
Quem jugiter adspiciunt,
Nec sitis haec est anxia,
Nec saties dat taedia.

4. Creata benedicite
Deum, qui tanto milite
Coeli stipat palatium
Insignem per Achatiuui.

5. Istorum per memoriam
Intremus coeli gloriam,
Ubi Deum medullitus
Collaudat omnis spiritus.

Ad Benedictus.

A. Christi miles Achatius
Deos spernens audacius
Cum suis crucifigitur
Et angelis conjungitur;
Ergo victis tortoribus
Adsit sui memoribus.

In 2. Vesperis.

Ad Magnificat.

A. O Achati, dux strenue
Titi devotis annue,
Sacris cum decem milibus
Da dexteram humilibus
Nos solvens a piaeulis
Et omnibus periculis.