27. De sancto Georgio.

In 1. Vesperis.
Ad Magnificat.

A. Magnificemus principem,
Magnificantem militem
Qui coronae participem
Fecit, in regno divitem,
Coeli civem non hospitem
Georgium ;
Cujus magnitudinis
Nullum est initium
Nullus erit finis.

Ad Matutinum.
Invitatorium.
Auctorem rerum omnium
Laudet turba fidelium,
Qui martyrem egregium
Coronavit Georgium.

In 1. Nocturno.
Antiphonae.
1. Non in via culpae stetit
Ideoque vera metit
Georgius.

2. Fremit frendens Dacianus,
Sanctum martyrem profanus
Membris sectis laniat.
3. Susceptor meus, Domine,
Tu es, pro cujus nomine
Patior fuso sanguine.

Respcmsoria.

1. Miremur admirabilem
In sanctis suis omnibus
Deum, desiderabilem
In cunctis terrae finibus,
Collaudemus laudabilem
In singulis operibus,
Gloriosum, amabilem
Universis fidelibus,
V. Cujus superbos dejicit

Potentia,
Corda benigne respicit

Humilia.

2. Dum regnaret Dacianus,
Sacrilegus et profanus,
Christi nomen exosum habuit,
Dis culturam vanam exhibuit,
Ad tormenta fideles rapuit.
V. Georgius videns ingemuit
Et tyranno sese opposuit.
3. Sapienti usus consilio,
Ne retardet rerum retentio
Iter ad Dominum,
Aurum non modicum,
Quod habuit, egenis tribuit,
Ut currat expeditius
Et tutius

Ad patrem luminum ;
V. Mox vultu interrito
Tyrannum intuetur,
Timore deposito
Christum confitetur.

In 2. Nocturno.

Antiphonae.

1. Invocantem exaudivit

Sanctum suum Dominus,
Hoste victo vita vivit,
Cujus non est terminus.

2. Verba mea percipe auribus
Clamosa,
Frangi, Deus, praecipe idola
Exosa.

3. O quam admirabile

Nomen tuum, Domine,
Qui confringis sculptile,
Quod est sine numine.

Responsoria.

1. Clamat miles: Quid profane
Sic insanis Daciane,
Ut adorentur idola?
Ego sum Christicola,
Deum unum, verum colo,

Qui creavit omnia ;
Huic offerre puri volo

Cordis sacrificia ;
V. Ipsi soli servio,
Pro quo persecutio

Saevit in ecclesia.

2. Dii tui sunt vere daemonia,
Inimica humano generi,
Simulacra sensu carentia,
Muta, surda jubeto conteri,
Nullum numen inesse operi

Crede mortalium ;
Supra nos est, in nobis habitat,
Qui suos visitat

Creator omnium.
V. Hunc adora et honora,
Ipsum ama, ipsum time,
Si vis salutem animae.

3. Ad haec verba fit insanus
Nec se capit Dacianus
Prae cordis insania,
Inflammatus est furore
Nec recedit ab errore,
Nam Deum persequentium
Crescens semper ad odium
Ascendit superbia.

V. Ad exquisita rapitur,
Extrahitur velocius
Georgius supplicia.

In 3. Nocturno.

Antipaonae,

1. In Domino confidens
Et praesidera deridens
Tormenta non timuit
Nec tortores horruit.

2. Ingressus sine macula
Operansque justitiam
Hic tua tabernacula

Elegit domum propriam.
3. Corona de lapide

Pretioso decoratur,
Purpurea chlamyde
In excelsis honoratur.

Responsoria.
1. Omne genus tormentorum
In conspectu beatorum

Oculorum ponitur ;
Ferrea igitur serras
Velut gladios nefarios
Habens in se rota,
Ut concludam brevius,
Quidquid potest gravius
Cogitari,

Jubet praeses praeparari;
Sed martyr Georgius
Mente stat immota.
V. Aurum in fornace
Comprobatur,
Ut fruatur
Perpetua pace.
2. Sic vinum elicitur,
Cum calcata premitur

Uva torculari,
Sic excussa palea
Ad horrea

Granum modo pari;
V. Sic majorem dat odorem

Thus injectum ignibus,
Sonum reddit altiorem

Chorda tensa manibus.
3. Coepit praeses contristari,
Se a sancto superari

Erubescens doluit

Et dolens erubuit;

Conversus ad alia
Impia consilia
Cessat a suppliciis,
Cogitat blanditiis
Posse mentem immutari.
V. Ridens martyr blandientem
Aeque sicut deterrentem
Exaltari, coronari meruit.

In Laudibus.
Antiphoiiae.

1. In aeternum

regnavit Dominus,
Cujus regni
non erit terminus.

2. Jubilate et servite
Domino in sobria
Exsultatione,
Portas ejus introite
Et ipsius atria
In confessione.

3. Ad te de luce vigilo,
Deus meus,

et tibi jubilo
Procul pulso
a corde nubilo.

4. Benedicat creatorem
Omnis creatura,
Suum plasma plasmatorem,
Factorem factura.

5. Sol, luna et omnia
Coeli luminaria

Laudent Deum,
Qui propria potentia
Curvat imperia.

Ad. Benedictus.

A. Benedictus
Rex invictus,

Pro quo multis est afflictus
Pressuris Georgius,
Nobis sit propitius.

In 2. Vesperis.

Ad Magnificat.

A. Magnificemus Dominum,
Qui pretioso sanguine

Natus Maria virgine
Detersit sordes criminum,
Ponens dolori terminum,
Qui Dacianum expulit
Et Georgium transtulit
Ad regionem luminum.