Acta Apostolicae Sedis - Commentarium Officiale30

conventum oppidi Algorta. Romam missus ad studia complenda, ibi sacerdo-

tı́o auctus est die VIII mensis Aprilis anno MCMXVI. Demum translatus Vindo-

bonam ut ministerium suum exerceret. Ibi degit donec anno MCMXXV revoca-

tus est in Hispaniam. Iniuste comprehensus die XXIX mensis Iulii anno

MCMXXXVI una cum sodalibus suis, conductus est in carcerem urbis Conchensis

et cum eis etiam occisus est die XXIV sequentis mensis Septembris.

8. Melchior a Spiritu Sancto, in saeculo Melchior Rodrı́guez Villastrigo,

presbyter professus eiusdem Ordinis. Natus in loco Laguna de Negrillos, dioe-

cesis et provinciae Leonensis, die XXVIII mensis Ianuarii anno MDCCCXCIX.

Aspirans vitam religiosam, vix XV annos natus ingressus est conventum op-

pidi Algorta. Postquam Romae apud Pontificiam Universitatem Gregoria-

nam studia explevisset, sacerdos ordinatus est Vallisoleti die XX mensis Ia-

nuarii anno MCMXXIV. Fuit aestimatus magister, confessarius et superior. Dum

persecutio saeviebat, morabatur in conventu oppidi Belmonte. Carcerem et

martyrium subiit simul cum aliis sodalibus, et occisus est die XXIV mensis

Septembris anno MCMXXXVI.

9. Iacobus a Iesu, in saeculo Iacobus Amaga y Arrı́en, presbyter profes-

sus eiusdem Ordinis. Natus in loco Lı́bano de Arrieta, dioecesis Victoriensis et

provinciae Viscayae, die XXII mensis Novembris anno MCMIII. Aspirans vitam

religiosam, vix XII annos natus ingressus est conventum oppidi Algorta. Post-

quam Romae apud Pontificiam Universitatem Gregorianam studia explevit,

sacerdos ordinatus est die III mensis Iulii anno MCMXXVII. Destinatus in con-

ventum oppidi Belmonte veluti magister, comprehensus est dum aliquos ex

suis alumnis religiosis abscondere conabatur. Carcerem et martyrium subiit

simul cum aliis sodalibus; occisus est die XXIV mensis Septembris anno

MCMXXXVI.

10. Ioannes a Virgine de Castellar, in saeculo Ioannes Joya Carralero,

religiosus professus eiusdem Ordinis. Natus in loco Villarrubia de Santiago,

archidioecesis Toletanae, die XVImensis Maii anno MDCCCXCVIII. Perpetua vota

religiosa nuncupavit in urbe Sancti Iacobi in Chile die XXVI mensis Iulii anno

MCMXXVI. Officia exercens coqui et ianitoris conventus Belmontensis, curabat

etiam catechesim pueris impertiendam. Comprehensus una cum sodalibus

suis, occisus est Conchae die XXIV mensis Septembris anno MCMXXXVI.

Populus Dei universos eos veros fidei martyres consideravit. Huiusmodi

per annos confı̀rmata fama permovit ut Causae beatificationis seu declara-