298 Acta Apostolicæ Sedis - Commentarium Officiale

ACTA CONGREGATIONUM

CONGREGATIO DE CAUSIS SANCTORUM

BUCARESTIENSIS

Beatificationis seu Declarationis Martyrii Servi Dei Vladimiri Ghika Sacerdotis Dioecesani († 8.VI.1954)

DECRETUM SUPER MARTYRIO

« Maiorem hac dilectionem nemo habet, ut animam suam quis ponat pro

amicis suis » ( Io 15, 13).

Ioannes apostolus et evangelista summus exstitit magister vitae spiritua-

lis Servi Dei Vladimiri Ghika, qui potissimum his in verbis propositum vitae

invenit et id prompto ac liberali animo effecit, firmam fidem necnon con-

gruentem et profundam cum Romano Pontifice communionem testificans.

Servus Dei die 25 mensis Decembris anno 1873 Costantinopoli est ortus,

ubi pater eius, Ioannes Gregorius Ghika, militum ductor, diplomaticam exse-

quebatur missionem pro Dacoromania apud Turcorum Imperium. Vladimirus

quintus e sex filiis, sicut omnes fratres, Sacramenta in Ecclesia Orthodoxa

accepit. Octo tantummodo annos natus, patre est orbatus. Hoc accidit dum

aderat Tolosae in Gallia, ubi familia eius sedem posuerat. Hic scholasticum

cursum perfecit donec laurea in iure est honestatus. Ad cursum honorum

veluti pater destinati, fratres Vladimirus et Demetrius Lutetiam Parisio-

rum se contulerunt ut in scientias politicas incumberent. Vladimirus eodem

tempore curricula medicinae, botanicae, bonarum artium, philosophiae et

historiae frequentavit. Promptissimo ac subtili donatus ingenio aptum se

praebuit ad essentiam rerum statim intellegendam eamque flagranti studio

perspiciendam. Attamen Vladimirus valetudinis causa haec curricula ad fi-

nem non perduxit, quocirca redire coactus est in Dacoromaniam, ubi degit