26. De s. Gregorio et Sociis.

In 1. Vesperis.

Antiphonae.

1. Habitator Deus caeli

Respicit humilia,

Dum submittit se fideli

Iugo Christi Mauria.

2. Cuius nati dum vocantur

A rege perfidiae

A virtute confirmantur

Divinae clementiae.

3. Maiestatem et virtutem

Non timent imperii,

Deus solus dat salutem,

Non hominum filii.

4. Sua Deo, sua regi

Dant in mundi proelio,

Sic utrique parent legi,

Deo sit laudatio.

5. Benedixit Deus natis,

Cui ferventi spiritu

Servierunt feritatis

Nullo moti fremitu.

R. Mauri sancti perstitere

Portes in certamine

Suasque dealbavere

Stolas agni sanguine,

Quorum, Christe, nos tuere

Fideli precamine.

V. Nulli tantum meruere

Mortis in examine,

Ut qui sponte tradidere

Se pro Christi nomine.

Ad Magnificat.

A. O beata Deo grata

Maurorum memoria,

Quorum floret consecrata

Cruore Colonia,

Aula caeli decorata

Perenni laetitia,

Prece quorum adoptata

Consequamur gaudia.

Ad Completorium.

Super Nune dimittis.

A. Princeps Maurorum,

Gregori, cum sociorum

Agmine sanctorum

pete nobis regna polorum.

Ad Matutinum.

Invitatorium.

Adoremus caeli Deum,

Qui Mauris insignibus

Gloriosum dat tropaeum

Pro fide certantibus.

In 1. Nocturno.

Antiphonae.

1. Rex mittendo manus

simulat se Maximianus

Facturum pacem

ritum tollendo rapacem.

2. Inventum vero

fuit huius corde severo,

Deleat ut nomen

Christi sibi triste per omen.

3. Ardua consilia,

fera vis, humana sophia

Dum male bacchantur,

in Christum nil operantur.

Responsoria.

1. Mauri cives Africani

De suo consilio

Vocantur Maximiani

Caesaris imperio,

V. Christiani et pagani

Iussu parent regio.

2. Mauri nuper baptizati

Romam tendunt propere,

Ubi fide confirmati

Ampliori foedere

V. Sunt parati mortem pati

Quam fidem relinquere.

3. Qualiter sit Christiano

Fidei religio

Observanda sub pagano

Truce duce praevio,

V. Placet plano, patet sano

Papali consilio.

In 2. Nocturno.

Antiphonae.

1. Corpora sternuntur,

animae nunquam moriuntur,

Quo magis artatur,

fidei tenor amplificatur.

2. Thebe Thebaeos

Eoos destinat eos,

Et Mauros lavacro

dat tinctos Africa sacro.

3. Hi baptizati

Romaeque fide solidati

Sunt adversa pati

pro Christo quaeque parati.

Responsoria.

1. Quo consulto decrevere

Caesari militiam

Contra hostes exercere,

Christo innocentiam,

V. Sic sincere iuste mere,

Viani tenent regiam.

2. Aquilarum dum sequuntur

Signa pro re publica,

Sub armis non secernuntur

A fide catholica,

V. Amplectuntur et loquuntur

Ea, quae sunt caelica.

3. Consummatur ut beati

Passio Mauritii,

Agrippinae congregati

Martyres egregii

V. Attemptati, decimati

Cadunt ictu gladii.

In 3. Nocturno.

Antiphonae.

1. Mauritii legio,

quae constans flamine dio

Permanet, in Rhodano

patitur sub Maximiano.

2. Pars idolatrarum

grandis, pars christicolarum

Pauca manent una

mixtim non lege sub una.

3. Caesar ut in festis

diis offert tura scelestis,

Libans laudatur,

nolens libare necatur.

Responsoria.

1. In campis Agrippinorum

Eriguntur idola,

Quae adorat paganorum

Multitudo frivola,

V. Ut caelorum intret chorum,

Collum dat christicola.

2. Sexto die, sub quo pridem

Gereon et socii

Decollantur propter fidem,

Mauri iam eximii

V. Sunt ibidem genus idem

Sortiti martyrii.

3. Princeps egregius

Maurorum cum comitiva

Grandi Gregorius

mactatur hostia viva,

Caelis invehitur

nardus fraglans aperitur,

V. Turma trecentorum

sexaginta sociorum.

Ad Laudes.

Antiphonae.

1. Mors est Maurorum

pretiosa pioque decore

Ornat eos, quorum

sita sedes est in honore.

2. Coetus sanctorum

non cessans a famulando

Atria caelorum

penetrat laete iubilando.

3. Maurorum mentes

vigiles ad te sitientes

Ut suscepisti,

nos suscipe, gratia Christi.

4. Hic humiles corde

cui servistis sine sorde,

Omnia causanti

Domino benedicite, sancti.

5. Coetus sanctorum,

Dominum laudate polorum,

A quo cunctorum

procedit summa bonorum.

Ad Benedictus.

A. O patroni gloriosi,

Testes Christi pretiosi.

Vestris in corporibus

Patienter qui tulistis

Poenas mortis, meruistis

Ascribi caelestibus,

In hoc mundo confortato

Pugnantes et impetrate

Veniam supplicibus.

In 2. Vesperis.

Antiphonae.

1. Idem tortor, idem

tempus, sed non locus idem

Militiae caeli

dat milia plura fideli.

2. Astant milia sex

sexcenti sex decies sex

Mauritio Rhodano

passi sub Maximiano.

3. Mauri ter centum

sexaginta subiere

Mortis tormentum

fidei certamine verae.

4. Ter centum nonis

bis cum sociis Gereonis

Sunt Agrippinae

custodes hi sine fine.

5. Victor ovat Xantis

ter centum ter deca sanctis,

Sunt octo passi

Bunnae centum, pie Cassi.

R. Colonia sancta, grata,

Tanto gaude nomine,

Rubricata, consecrata

Tot sanctorum sanguine,

V. Decorata, defensata

Tanta multitudine.

Ad Magnificat.

A. Te laudamus omnium

Singulare praesidium,

Deus, cuius numinis

Orbis nationes

Perlustrante gratia

Tam Africa quam Asia

Dant Europae terminis

Famosos tirones:

Mauritium, Cassium

Gereonem, Gregorium

Et Victorem additis

Turmis sociorum;

Tanta multitudine

Passos pro tuo nomine,

Summe clemens, meritis

Salva nos eorum.

Am Schlusse des

Officimus findet sich noch ein uberzahliges Resp.

R. Transfert Anno castigatus

Flagellis insignium

Corpora Maurorum,

Sic correctus vir beatus

Condit oratorium

Meritis eorum,

V. In quo Deus exoratus

Admittit fidelium

Vota populorum.

per Octavam dienen:

1. Singula si saneto cuivis veneratio detur,

Ista dies quanto reverendus honore coletur?

2. In qua tot, tanti pro Christi nomine sancti

Absque fugis cultro se dant gaudenter et ultro.

3. Sancti tentantur et in ordine bis decimantur,

Quilibet ulterior nititur esse prior.

4. Arma gerunt fidei Thebei animo rabiei,

Quae sunt regis ei dando Deoque Dei.

5. Maximianus eos occidit, quos dedit Eos,

Cur? quia Caesareos non coluere deos.

6. Ad mortem proni, quo vos datis ultro mucroni,

Confortate boni prece nos in agone patroni,

Arte diabolicae fraudis ne deficiamus,

Immo mirificae lucis requiem capiamus.