Quinquagena I.

1. Ave, beatissime

Iesu. rex iustorum.
Cuius sunt iustissimae

Leges mandatorum,
Quibus doces spernere

Iter impiorum
Ac te caput intime

Sequi electorum.

2. Ave, spes fidelium,

Dulcis o Messia,
Probat Dei filium

Quem theologia,
Te in fine temporum

Genuit Maria,
Nobis in auxilium

Venit mater pia.

3. Ave, salus inclita

Animae languentis,
In legali semita

Debite currentis,
Virtutem debilita

Hostis persequentis
Et clementer abdita

Nostrae purga mentis.

4. Ave, sacrificium

Latens sub frumenti
Specie, solacium

Digne dans sumenti,
Per amoris basium

Corde quiescenti,
Spernenti mendacium

Veraque sequenti,

5. Ave, cuius laudibus

Assamus gaudenter,
Nam tuis muneribus

Utimur frequenter,
Verba nostra auribus

Percipe clementer,
Quibus te impetimus

Quasi violenter.

6. Ave, potentissime
Adae reparator,
Stravit validissime
Quem fallax tentator,

Fontem cerne lacrimae,
Quam fundo peccator,

Sis turbatae animae
Meae consolator.

7. Ave, Iesu cordium

Renumque scrutator,
Contra malos gladium

Vibrans ut pugnator,
A ran persequentium

Meus sis tutator,
Ferens adiutorium,

Mi dulcis amator.

8. Ave, Iesu gloria

A patre coronatus
Et magnificentia

Mire elevatus,
Assit tua gratia,

Peto inclinatus,
Quae expellat vitia,

Deleat reatus.

9. Ave, o refugium

Nostrum et adiutor,
Quando ad iudicium

Venies scrutator,
Tunc clamorem pauperum

Audi miserator
Vimque pelle hostium,

Fortis propugnator.

10. Ave, o fiducia

Animae devotae,
Fidei constantia

Tibi bene notae,
Orci fac supplicia

A nobis remote
Regionis gaudia

Largiens ignotae.

11. Ave, o dulcissimum

Meum salutare,
Quod conor per canticum

Id magnificare,
Cor meum foedissimum

Digneris mundare
Et purgatum septuplum

Mundum conservare.

12. Ave, cuius nomine

Opto benedici,
Mei ne fraudamine

Cadam inimici,
Ne me, quaeso, Domine,

Velis oblivisci,
Mortis ne discrimine

Stygis tradar pici.

13. Ave, o laudabilis

Iesu, summe Deus,
Quem insatiabilis

Cupit amor meus,
Fateor culpabilis,

Vanus sumet reus
Et abominabilis

Veluti ludaeus.

14. Ave, qui ad nibilum

Hostem deduxisti,
Cum per verbi pabulum

Olim hunc vicisti,
Et sic tabernaculum

Caeli introisti,
Quo patri per saeculum

Conregnans sedisti.

15. Ave, Iesu, inclita

Pars hereditatis,
Quam per tua merita

Das praedestinatis,
Nostra solve debita

Dono pietatis
Et sic nos habilita

Regno claritatis.

16. Ave, cuius ditio

Patri est aequalis,
Nam et generatio

Exstat aeternalis,
Tua me dilectio

Protegat sub alis,
Ne ignis incendio

Urar gehennalis.

17. Ave, Iesu, firmitas
Debite credentis,
Virtus atque sanitas
Animae dolentis,

Comprime versutias
Hostis insurgentis,

Qui conatur animas
Tradere tormentis.

18. Ave, cuius gloriam

Narraverunt caeli,
Umbram legis variam

Resolventes veli,
Pelle ignorantiam

Famuli anheli,
Praestans sapientiam

Et ardorem zeli.

19. Ave, cuius nomine

Dum magnificamur
Gratiae pinguedine,

Plurimum laetamur,
A mortali crimine

Per te protegamur,
Ultimo examine

Ut non confundamur.

20. Ave, magni nominis

Rex, o Iesu bone,
Patris atque flaminis

Particeps coronae,
Mihi, quem sic praevenis

Benedictione,
Et beatitudinis

Decorem impone.

21. Ave, qui opprobrio

Impiis fuisti,
Quando in supplicio

Crucis defecisti,
Unde corde anxio

Patri tunc dixisti:
Cur in tanto crucio

Me dereliquisti?

22. Ave, fons plenissime

Aquis gratiarum,
Satians largissime

Sitim animarum,
Rogo te, carissime

Super omne carum,
Meae sitim animae

Recrea ut parum.

23. Ave, clavis reserans

Portas paradisi,
Adam quas exasperans

Clausit, qui invisi
Hostis fraudem cespitans

De caelo elisi,
Redde, quaeso, miserans

Me, tunc quae amisi.

24. Ave, Iesu, gratiae

Via, fons, lucerna,
Ductum dans laetitiae

Iustis ad aeterna,
Domum conscientiae

Munda a veterna
Labe et scientiae

Dono me guberna.

25. Ave, o initium

Omnis creaturae,
Cuius et dominium

Possides de iure,
Mihi municipium

Vitae da futurae,
In qua in perpetuum

Laudem te secure.

26. Ave, consolatio

Iesu, adfiictorum
Et illuminatio

Cordium caecorum,
Nostra sis protectio

In die malorum,
Qua fiet discussio

Actuum nostrorum.

27. Ave, prime, ultime

Hominis creati,
Hostis nefandissime

Fraudibus prostrati,
Necte nos fortissime

Tuae caritati,
Misericordissime

Qua sumus salvati.

28. Ave, proles inclita
Excelsi tonantis
Et de nube lucida
Voce proclamatis:

Exaudite monita
Nati praedicantis,

Scripturarum abdita
Vobis revelantis.

29. Ave, qui in carcere

Mortis consedentes
Eduxisti libere

Laude te sequentes,
Munda nos a scelere

Tibi confidentes,
Ne te mundi vespere

Videamus flentes.

30. Ave, qui in stipite

Crucis exclamasti
Spiritumque debite

Patri commendasti
Ac submisso capite

Eundem efflasti
Et sic, victor inclite,

Tuos liberasti.

31. Ave, lux errantium

Vias per distortas,
Dictum per supplicium

Patri quos reportas,
Ne in praecipitium

Inferique portas
Ruam, pelle vitium

Culpasque subortas.

32. Ave, verbum editum

Dei patris ore,
Cum quo tu paraclitum

Spiras miro more,
Frena meum spiritum

Tuo in amore
Et praescinde aditum

Hosti cum timore.

33. Ave, flagrantissimi

Iesu flos amoris,
Spirans fraglantissimi

Spiramen odoris,
Mei causas animi

Remove maeroris,
Ingerunt quas pessimi

Fraudes deceptoris.

34. Ave, caeli domine

Mundique salvator,
Pretioso sanguine

Vitae reparator,
Sis a mentis culmine

Culpae exstirpator,
Quam suo fraudamine

Indidit temptator.

35. Ave, sapientiam

Praestans in dulcore,
Da intellegentiam

Tuo cum ampre,
Facere iustitiam

Tuo in timore,
Odire malitiam

Suo cum auctore.

36. Ave, Iesu flebilis

Animae medela
Et insuperabilis

Pauperis tutela,
Cum decumbam debilis,

Mihi te revela,
Hostis invisibilis

Ne vincat querela.

37. Ave, mi dulcissime,

Ave, Iesu boue,
Medice fidissime

Aegrique patrone,
Servi tui animae

Statum sic compone,
Ut iungatur intime

Tibi in agone.

38. Avo, cuius legibus

Strinxi me per votum,
Aquis baptismalibus

Cum me sensi lotum,
In orationibus

Redde me devotum
Facque mei transitus

Diem mihi notum.

39. Ave, vivens hostia,
Donum singulare,
Morbus atque vitia
Potens propulsare,

Nostra sacrificia

Velis acceptare
Et sic nos in gratia

Tua restaurare.

40. Ave, qui nos fervide

Subvenire mones
Plebi tuae pallidae,

Uti nos corones,
Declinare provide

Fac nos susurrones,
Qui sunt lingua morbidi

Veluti dracones.

41. Ave, quem desiderat

Mens et caro mea,
Olim quem genuerat

Virgo ex Iudaea,
Odam hanc qui cantitat,

Clemens mundum crea,
Quem peccati inquinat

Turpiter morphea.

42. Ave, lux et veritas,

Per quam est exclusa
Caecitas et falsitas,

Qua gens est confusa,
Mea per illecebras

Anima delusa
A te petit gratias

Lacrimis perfusa.

43. Ave, quem sidereae

Laudant protestates
Et scripturae aureac,

Quas cusserunt vates,
Emundentur carneae

Per te voluntates
Nostrae, quas venereae

Turpant foeditates.

44. Ave, verbum, omnia

Pater quo creavit,
Quod et ante tempora

Gignens eructavit,
Tua sapientia

Nos recuperavit,
Hostis quos pellacia

In Adam prostravit.

45. Ave, vi deifica

Comprimens versatum,
Frangens eius bellica

Arma, arcum, scutum,
Tristem me laetifica,

Domine virtutum,
Et iter ad caelica

Mihi para tutum.
46. Ave, qui vi propria

Caelos ascendisti,
Carnis cum substantia

Patri consedisti,
Te laudat ecclesia,

Quam tu elegisti,
Cui doctrinae gratia

Gentes subiecisti.

47. Ave, cuius comitas

Praedicationis
Fundavit ecclesias

Exsultationis,
Et deiecta civitas

Est confusionis,
Pro qua surgit novitas

Conversationis.

48. Ave, sapientia

Dei maiestatis,
Suecurrens cum gratia

Fame fatigatis
Gravi, me iustifica

Pressum a peccatis,
Pabulo resarcia

Summae veritatis.

49. Ave, Iesu, Domine

Et Deus deorum,
Cum patre et flamine

In regno caelorum
Regnans, verbi lumine

Atque praeceptorum
Expurga rubigine

Nos a peccatorum.

50. Ave, arbitrarie

Fictor omnis rei,
Mundo formam variae

Dans effigiei,
Me a mentis carie

Munda, fili Dei,
Qui clamo precarie:

Miserere mei.