Acta Benedicti Pp. XVI 709

permanens et in ipsis Bibliis insita: « Omnis prophetia Scripturae propria

interpretatione non fit; non enim voluntate humana prolata est prophetia

aliquando, sed a Spiritu Sancto ducti locuti sunt a Deo homines » (2 Pe 1, 20).

Ceterum, est fides Ecclesiae quae in Bibliis agnoscit Verbum Dei; uti mirum

in modum ait sanctus Augustinus, « ego vero Evangelio non crederem, nisi me

catholicae Ecclesiae commoveret auctoritas ».88 Spiritus Sanctus, qui animat

vitam Ecclesiae, Ille est qui capaces nos reddit Scripturas authentice

interpretandi. Biblia constituunt librum Ecclesiae, et ex eorum immanentia

in vita ecclesiali exoritur quoque vera eorundem hermeneutica.

30. Sanctus Hieronymus sapienter memorat nos singulatim Scripturam

umquam legere non posse. Nimios enim aditus obstructos reperimus et facile

in errorem incidimus. Biblia scripta sunt a Dei Populo et pro Dei Populo, sub

Spiritus Sancti afflatu. Tantummodo in hac communione cum Populo Dei

vere ingredi possumus « nobiscum » in nucleum veritatis quam ipse Deus nobis

dicere cupit.89 Ille vir doctus, cui « ignoratio Scripturarum ignoratio Christi

est »,90 affirmat quod ecclesialitas interpretationis biblicae non est exigentia

iniuncta ex externo; Liber est enim vox Populi Dei peregrinantis, et tantum

ob fidem huius Populi - ut ita dicamus - versamur in iusta tonalitate ad

intellegendam sacram Scripturam. Authentica Bibliorum interpretatio sit

semper oportet in harmonica congruentia cum fide Ecclesiae catholicae. Ita

sanctus Hieronymus quendam hortabatur presbyterum: « Ut possis exhortari

in doctrina sana et contradicentes revincere, permane in his, quae didicisti et

credita sunt tibi ».91

Aditus ad textum sacrum, qui fidem posthabeant, elementa cuiusdam

ponderis innuere possunt, si remorantur in structura textus eiusque formis;

attamen, talis conatus necessario esset tantummodo praevius et secundum

structuram haud expletus. Enimvero, prout edixit Pontificia Commissio

Biblica, resonans principium condivisum in hodierna hermeneutica, « ad

aequam intellectionem textus biblici accedere potest tantum ille qui affini-

tate fruitur cum iis de quibus textus loquitur ».92 Haec omnia in lucem pro-

88 Contra epistulam Manichaei quam vocant fundamenti, V, 6: PL 42, 176. 89 Cfr. Benedictus XVI, Audientia Generalis (14 Novembris 2007): Insegnamenti III, 2

(2007), 586-591. 90 Commentariorum in Isaiam libri, Prol.: PL 24, 17 B. 91 Epistula 52, 7: CSEL 54, 426. 92 Pontificia Commissio Biblica, L'interpretazione della Bibbia nella Chiesa (15 Aprilis 1993),

II, A, 2: Ench. Vat. 13, n. 2988.