Acta Francisci Pp. 747

V

Venerabili Dei Servae Mariae Teresiae Bonzel Fundatrici Instituti sororum Pauperum Franciscalium ab Adoratione Perpetua de Olpe caelitum Beatorum tribuitur dignitas.

FRANCISCUS PP.

Ad perpetuam rei memoriam. - « Venite, benedicti Patris mei; posside-

te paratum vobis regnum a constitutione mundi. Esurivi enim, et dedistis

mihi manducare; sitivi, et dedistis mihi bibere; hospes eram, et collegistis

me; nudus, et operuistis me; infirmus, et visitastis me; in carcere eram, et

venistis ad me » ( Mt 25, 35).

Venerabilis Dei Serva Maria Teresia Bonzel sibi haec Evangelii verba

tribuit atque per vitam operaque in pauperes, pupillos aegrosque amorem

est testata, et his prae oculis habitis, Congregationem Sororum Pauperum

Franciscalium ab Adoratione Perpetua de Olpe condidit. Ex amore in Eu-

charistiam et adoratione, quam sibi filiabusque voluit perpetuam, hausit

vim ad fragrantiam caritatis Christi diffundendam, aetate interveniente

difficiliore Germaniae Ecclesiae.

Die XVII mensis Septembris anno MDCCCXXX in oppido Olpe Vestfaliae

archidioecesis Paderbornensis in Germania ex piis, divitibus ac nobilibus

parentibus Friderico Edmundo et Angela Maria Liese nata est. Postridie

in paroeciali templo est baptizata atque nomen ei inditum Maria Christina

Villelma. Anno MDCCCXXXVII patrem nondum triginta annos natum amisit.

Post primum litterarum ludum in Collegium recepta est Ursulinarum Colo-

niensium. Subsequenti anno familiam repetiit ut matri sororique infirmae

assideret. Eodem cordis morbo correpta, cum religiosa fieri non posset, una

cum aliis iuvenibus Congregationem vel Ligam Marialem condidit, cuius so-

dales peculiari in Virginem Mariam pietate, officio altare mense Maio et aliis

Marialibus festivitatibus evenientibus parandi necnon agendis misericordiae

operibus ad corpus attinentibus obstringebantur. Anno MDCCCL missioni in-

terfuit a Franciscalibus Patribus paratae, qua sic tacta est ut sequenti anno

in Tertium Ordinem sancti Francisci ingrederetur, nomen sumens Mariam