Quinquagena II.

51. Ave, arbor nobilis,

Cuius radix viva
Plurimumque fertilis

Veluti oliva,
Mea mens a vinculis

Mortis rediviva
Fac cum caeli incolis

Tua sit conviva.
52. Ave, auctor sapiens

Vitae aeternalis
Perdidit insipiens

Quam rex infernalis,
Cor meum caecutiens

Cunctis purga malis,
Quod obcaecat saeviens

Timor mundialis.
53. Ave, salus hominis,

Virtus et susceptor,
Cuius in vi nominis

Tui es protector,

Contra fraudem daemonis

Meus sis director,
Ut virtute flaminis

Eius sim despector.
54. Ave, qui virginenm

Corpus in fudisti,
Sudorem sanguineum

Quando effudisti,
Carnis cum interitum

Maerens expavisti,
Cum pro vita hominum

Mori voluisti.
55. Ave, prudentissime

Orbis architector,
Cuius vitae pessimae

Iustus es corrector,
Servi tui animae

Clemens sis ereptor,
Quam fraudulentissime

Impugnat deceptor.

56, Ave, informandum

Cordium medela,
Quae molestat plurimum

Noxae corruptelae,
Devote laudantium

Te esto cautela,
Ne insidiantium

Fallantur sutela.

57. Ave, quem caelestium

Laudat cantilena,
Sanctus ter clamantium

Per caeli amoena,
Tuorum fidelium

Pectora serena,
Quae perturbant hostium

Turpiter venena.

58. Ave, Iesu seminis

Sator verbi Dei,
Serens mente hominis

Fructum certae spei,
Cespitem peccaminis

Ab agro cordis mei
Aufer, dona flaminis

Inserendo ei.

59. Ave, secretarium

Plebis aqua lotae,
A qua pellis varium

Malum tua dote,
A nobis contrarium

Facito remote,
Ut laudis donarium

Reddamus devote.

60. Ave, porta gratiae

Tenens fundamentum,
Forte dans ecclesiae

Sanctae fulcimentum,
Tempore angustiae

Facito proventum
Divinae potentiae

Pandens velamentum.

61. Ave, o refugium

Meum, Iesu care,
Tu meum solacium,
Meum salutare,

Digneris mendacium
A me propulsare,

Faciens veracium
Dictis insudare.

62. Ave, o largissime

Fons thesauri vivi,
Quo fluunt uberrime

Veritatis rivi,
Siti pressus animae

Supplex te adivi,
Nam, ut scis, verissime

Dudum te sitivi.

63. Ave, de puerpera

Nata miro more,
Quae te carne tenera

Servato pudore
Genuit, me libera

Hostis a timore,
Nam me premunt scelera,

Rubor cum maerore.

64. Ave, Iesu, gloria

Quem et hymnus decet,
Cuius honor maria,

Caelum, terram replet,
Nostra mens in patria

Lacta tecum pauset,
Carnis cum materia

Busto computrescet.

65. Ave, quem cum iubilo

Coetus beatorum
Laudat corde sedulo

In regno caelorum,
Me turbatum nubilo

Desideriorum
Mentis in oppidulo,

Quaeso, fac decorum.

66. Ave, luminarium

Rutilans de caelis,
Coetus quem credentium

Veneratur melis,
Mentis secretarium

Meae, quaeso, velis
Gravibus ab hostium

Liberare telis.

G7. Ave, qui in tumulo

Passus quievisti,
De quo in diluculo

Victor surrexisti
Captamque a zabulo

Praedam reduxisti
Et fideli populo

Dona praestitisti.

68. Ave, qui angaria

Crucis gravabaris,
Sputi per ludibria

Vultu turpabaris,
Fellica cibaria

Gustans turbabaris
Rexque irrisoria

Voce vocabaris.

69. Ave, Iesu, pauperum
Dulce adiuvamen,
Quis tuorum munerum
Praestas consolamen,
Servi tui scelerum
Dilue atramen,
Mihi dans in prosterum
Ab bis conservamen.

70. Ave, admirabile

Pretium salutis,
Quo intolerabile

Iugum servitutis
Tollitur, nunc flebile

Tempus senectutis
Meae fac flexibile

Ad iter virtutis.

71. Ave, cui munera

Reges ferant tria,
Quem regentem sidera

Mente laudant pia,
O te nobis resera

Thesaurum, sophia,
Quem per carnis viscera

Genuit Maria.

72. Ave, lux splendifica
Mira claritate,
Cuncta dans lucifica
In aeternitate,

Me tecum clarifica
Mentis caecitate

Atque sic iustifica
Ab iniquitate.

73. Ave, o principium

Iesu omnis boni,
Caput frangens impium

Stygeo draconi,
Tuae sis praesidium

Congregationi
Nostraeque subsidium

Da cognationi.

74. Ave, quo colluvio

Mentis depuratur,
Ex diverso vitio

Quae coadunatur
Cornu et tentatio

Per te confringatur
Hostis, qua nos crucio

Tradere conatur.

75. Ave, Homousion

Notus in Iudaea,
Quem ignorat Babylon

Pravitatis rea,
Meam purga thymicon

Irae a morphea,
Sic me clemens in Sion

Cum electis bea.

76. Ave, quem praesagia

Vatum cecinere,
Hominis naufragia

Tollere debere,
Tuae me vestigia

Vitae fac tenere,
Ut queam fastigia

Caeli obtinere.

77. Ave, o viaticum

Populi egeni,
Chorum pascens caelicum

Ordinis noveni,
O alimen vivificum,

Me sanare veni,
Omne mundans lubricum

Animi effreni.

78. Ave, qui opprobium

Iudaeis fuisti,
Sanguinem per proprium

Cum nos redemisti,
Nobisque propitium

Te tunc praebuisti,
Voces subsannantium

Quando contempisti.

79. Ave, Iesu Saraphin

Faciens ardentes,
Sedens super Cherubin

Hosque dans scientes,
Per divinam dynamin

Fac nos sapientes,
Ut semper cum Beniamin

Simus te videntes.

80. Ave, Iesu, animae
, Cibus singularis,
Semper nobis victimae

Loco immolaris;
Motus malos reprime,

Quibus irritaris,
Dans te digne sumere

Ara de altaris.

81. Ave, quo sunt tenebrae

Pulsae a terrenis,
Cum te carnis pondere

Iunxisti egenis,
Tuis fac insistere

Laudibus amoenis,
Quos solvisti carcere

Et inferni puenis.

82. Ave, Iesu, caelicae

Princeps potestatis,
Phalanx cui angelicae

Servit dignitatis,
Gratiarum adice

Aquas inflammatis
Igne carnis lubricae

Ac malignitatis.

83. Ave, o catholicae
Plebis legislator,
Sicque es angelicae
Ruis reparator,

Clementer me respice

Pie miserator,
Ut sim domus caelicae

Perpes habitator.

84. Ave, qui ex femina

Nasci voluisti
Carne, caeli culmina

Cum qua ascendisti,
Fac per cruciamina,

Passus quae fuisti,
Nos odire crimina,

Quae semper odisti.

85. Ave, lucens saeculo

Stella matutina,
Dans credenti populo

Dona peregrina,
Aurem tuo famulo

Dulciter inclina
Salvans a periculo

Mentisque ruina.

86. Ave, o credentium

Princeps speciose,
In terra viventium

Regnans gloriose,
Fac me, precor, socium,

Iesu amorose,
Choro te laudantium

Hymnis iubilose.

87. Ave, qui patibulum

Volebas subire
Crucis, sic periculum

Mortis abolire,
Quando me putibulum

Iubes introire,
Animum in saeculum

Digneris salvire.

88. Ave, flos virginee,

Mirum dans odorem,
David consanguinee

Carnis per decorem,
Tu poenae sulphureac

Depelle foetorem
Et rompheae flammeae

Abice ardorem.

89. Ave, lux flammivoma

Splendens a surpernis,
Suprema et infima

Lustrans in internis,
Defectum in anima

Patior, ut cernis,
Quem, exoro, concrema

Gratiae lucernis.

90. Ave, o rex gloriae,

Ave, rex virtutum,
Sumens voluntarie

Carnis nostrae lutum,
Humanae miseriae

Te opponas scutum,
Quae succumbit varie

Tolerans versutum.

91. Ave, seminarium

Vilae sanctitatis,
Fructum ferens varium

Cordium in pratis,
Malum multifarium

Meae pravitatis
Aufer per donarium

Tuae pietatis.

92. Ave, stirps Davidica

Carneo cum flore,
Terram atque caelica

Satiaus odore,
Induatur lubrica

Mea mens decore,
Fraude quae zabolica

Iacet in putore.

93. Ave, cuius oculus

Cuncta conspicatur,
Quem fidelis populus

Digne veneratur,
A te tuus famulus

Non derelinquatur,
Donec illi loculus

Busti fodiatur.

94. Ave, cui magnifice
Animorum coetus
Iubilis symphoniae
Munia dat laetus,

Cordis mei abice
Gemitus et fletus,

Fraudis diabolicae
Quos immittit metus.

95. Ave, cuius gloria

Pollet inter gentes
Et misericordia

Inter paenitentes,
Duc in caeli atria

Te benedicentes,
Tua mirabilia

Digne confitentes.

96. Ave, caeli curiae

Lux miri splendoris,
Radios clementiae

Spargens cunctis horis,
Sanctae continentiae

Nos constringe loris,-
Legibus iustitiae

Vinclisque amoris.

97. Avo, qui describeris

Dei salutare,
Quo decrevit hominis

Morti obviare,
Cum in fine veneris

Orbem iudicare,
Iube me a dexteris

Tuis laetum stare.

98. Ave, Iesu stabilis

Fidei columna,
Quam tua amabilis

Erexit alumna,
Hostem tuis credulis

Sonticum expugna,
Per quem infinibilis

Minatur aerumna.

99. Ave, cui assidue

Populi credentes
Astant, tuas strenue

Laudes concinentes,
Duc in locum pascuae

Tibi servientes,
Ubi te perpetue

Sint inspicientes.

100. Ave, innocentiae

Potens reparator,

Quam Adam superbiae

Perdidit sectator,

Esto conscientiae
Meae tutelator,

Ne sit rex fallaciae
Eius depravator.