Quinquagena III.

101. Ave, qui terribulum

Crucis asceudebas,
Miserum homunculum

Morte eum solvebas,
Tribue tempusculum,

Defleam quo nefas,
Ne mergar per zabulum

In Arverni scrobas.
102. Ave, Iesu scrinium

Benedictionis,
Faciens iudicium

Pressis a profanis,
Meum desiderium

Repleas in bonis,
Pellens exterminium

Tribulationis.
103. Ave, amantissime

Fili maris stellae,
Carnis quae mundissimae

Te contexit pelle,
Tibi devotissime

Credentis turmellae
Motus pravos comprime

Culpasque convelle.
104. Ave, lex credentium

Et philosophia,
Quam in lucem gentium

Produxit Maria,
Audi confidentium

Voces aure pia,
Devote quaerentium

Hac te melodia.

105. Ave, Iesa epulum

Mentis amorosae,
Quam nunc et in saeculum

Reples copiose,
Sumere me servulum

Fac te operose,
Ne me velut nihilum

Spernas odiose.

106. Ave, orci pessula

Qui comminuisti
Et sanctorum vincula

Fortiter rupisti
Hisque tabernacula

Caeli tribuisti,
Ut regnes in saecula,

Quando ascendisti.

107. Ave, exsultatio

Beatorum clara,
Fidei quam natio

Collaudat praeclara,
Cor meum a vitio,

Quaeso, mundum para,
Uti habitatio

Tibi fiat cara.
108. Ave, Iesu parilis

Patri pneumatique,
Quem Iudaea flebilis

Abiecit inique
Et sic admirabilis

Exstas utrobique
Mihique amabilis

Appares ubique.

109. Ave, Iesu lucifer

Rutilans in inane,
Praecluis vexillifer

Plebis christianae,
Stipum reple, opifer,

Me caelesti pane,
Ne me vincat pestifer

Hostis in agone.
110. Ave, dux credentium,

Veritas divina,
Tua pellens vitium

Aurea doctrina,
Quaeso, post iudicium

Tuis me combina,
Sic a pereuntium

Praeserves ruina.

III. Ave, sol iustitiae

Totum lustrans mundum,
Veneno malitiae

Mersum in profundum,
Templum conscientiae

Meae redde mundum
Et per dona gratiae

Mite et iucundum.

112. Ave, caius gloria

Terram, caelos, mare
Replet, qui humilia

Intueris clare,
Animum subtilia

Meum, Iesu care,
Tua ut subtilia

Queat indagare.

113. Ave, per quem machina

Exstat universi,
Cuius legis trutina

Redeunt perversi,
Animam conglutina

Tibi nunc conversi
Servuli, per crimina

Antea demersi.

114. Ave, benignissime

Iesu, quem dilexi,
Postquam te verissime

Deum intellexi,
Ad te visum animae

Devotus erexi
Hostemque citissime

Abnuens despexi.

115. Ave. gloriatio

Martyrum tuorum,
Dira cruciatio

Te collaudat quorum,
Pia intercessio

Mihi det eorum,
Iungar ut consortio

Chori beatorum.

116. Ave, summa veritas

Informans credentes,
Cuius gratiositas
Laetcis facit mentes,

Duc in caulas caelicas,
Precor, omnes gentes

Tibi laudes debitas
Iugiter reddentes.

117. Ave, qui iuridice

Laude extollaris,
Nam ruis angelicae

Restaurator faris,
Et ecclesiasticae

Quia actor laris,
Diceris prophetice

Lapis angularis.

118. Ave, conquisitio

Animae credentis,
Mundum, se cum proprio

Propter te spernentis,
Tuo desiderio

Meae claustra mentis
Reple fractam taedio

In modum torpentis.

119. Ave, legis trutina

Iusti qua librantur,
Ad caeli intermina

Qui praedestinantur,
Vitia extermina,

Mentes quis gravantur,
Nosque sic intermina

Hiis, qui salvantur,

120. Ave, lux deifica,

Qua illuminantur,
Qui per mundi lubrica

Cordibus caecantur,
A fraude daemonica

Per te tueantur
Laude hac hymnifica

Qui te venerantur.

121. Ave, per quem civitas

Est constructa pacis,
Quam et tu illuminas,

Splendor Dei patris,
Servos tuos protegas

Alis caritatis,
Abigens versutias

Hostis pertinacis.

122. Ave, Iesu speculum

Sancti caelibatus,
Ante omne saeculum

A genitore natus,
Ad te mentis oculum

Levo tribulatus,
Praesens a me scandalum

Ut pellas miseratus.

123. Ave, auctor luminis,

Quo lustrantur mentes,
Fons beatitudinis

Replens sitientes,
Fac laudes dictaminis

Huius depromentes
Mundialis turbinis

Transire torrentes.

124. Ave, via lucida

Boni claritate,
Tuque vita solida

Perpetuitate,
Veritas inturbida

Sine pravitate,
Servum tuum albida

Taetrum falsitate.

125. Ave, exsultatio

Cordis tribulati
Et ab omni vitio

Gratia purgati,
Esto consolatio

Ob poenam peccati
His, qui purgatorio

Sunt concatenati.

126. Ave, abolitio

Mortis sempiternae,
Legis quam transgressio

Intulit veternae,
Tuo desiderio

Me repletum cerne,
Aptans aedificio

Sion me supernae.

127. Ave, vitis gratiae,
Temeto abundans,
Filios ecclesiae
Virtute inundans,

Freno tolerantiae
Tuos sis circumdans,

Auctor quos pellaciae
Tribulat impugnans.

128. Ave, legis gratiae

Prudens institutor,
Qua es innocentiae

Pius restitutor,
Tuae sis familiae

Director et tutor,
Carnis quam nequitie

Vexat persecutor.

129. Ave, Iesu, moribus

Dulcis et iucunde,
Nostris qui maeroribus

Subvenis abunde,
Gratiae fluoribus,

Quaeso, me perfunde,
Carnis facinoribus

Dimersum profunde.

130. Ave, spes fidelium
Atque custodela,
Quibus mirabilium
Caeli pandis vela,
Sorti me humilium
Iunge obsequela
Legis et ab bostium
Fraude, quaeso, cela.

IM. Ave, Iesu, requies

Vera beatorum,
Quibus regnans praesides

In regno caelorum,
Preces audi supplices

Mente turbatorum,
Quos premit saevities

Adversariorum.

132. Ave, pax amantium

Corda dans serena,
In mundo solacium

Caelique amoena,
Tuum per subsidium

Fortiter refrena
Mentes discordantium

Amoris catena.

133. Ave, Iesu millies,

Ave, mi dilecte
Quem sanctoram acies

Laudat circumspecte,
Ad caelorum linites

Ducas me directe,
Quo me tua facies

Satiet perfecte.

134. Ave, o dulcissimum

Nomen Iesu, ave,
Mihi iucundissimum

Mihique suave,
Servum strenuissimum

Tnum fore fave
Mihi et ad ultimum

Libera me a vae.

135. Ave, patris dextera

Et brachium extentum,
Quod Aegyptus effera

Sensit per tormentum,
Quo Israelitica

Plebs sumpsit augmentum,
Tuam nos ad supera

Vehat amamentum.

136. Ave, pastor provide

Ovium tuarum,
Quas abduxit callide

Princeps tenebrarum,
Me coronis splendide

Orna gratiarum,
Abluendo nitide

A faece culparum.

137. Ave, mons excelsior

Universo caelo,
Sed factus declivior

Passionis prelo,
Sordes, quibus inquinor,

Carnis tuae velo
Terge, ut sim aptior

Laudis tuae melo.

138. Ave, auctor luminis
Relucentis clare,
G-lisco quem ex intimis
Meis adamare,

Me virtute flaminis

Tui consolare,
Quem sititor sanguinis

Cupit devorare.

139. Ave, lux credentium

In caeli fulgens cella,
Quam dat ad solacium

Mundo maris stella,
Largire subsidium

Nobis in procella,
Acies nam hostium

Dura parat bella.

140. Ave, suavissima

Gratiae dulcedo,
Pellitur ab anima

Culpae qua acredo,
Nostra per te pesbima

Solvatur torpedo,
Per quam in parvissima

Pugna hosti cedo.

141. Ave, mire redolens

Flos amygdaline,
Mundialis nesciens

Algorem pruinae,
Odore sis refovens

Gratiae divinae
Cor meum deficiens

In extremo fine.

142. Ave, proles inclita

Patris adorandi,
Ad quem mentis abdita

Precibus expandi,
Mea laxa debita

Sceleris nefandi
Et fomitis debilita

Motus exsecrandi

143. Ave, lapis virginis

Olim clausus funda,
Quae te vi spiraminis

Peperit fecunda,
Gratiarum fluminis

Aquis me inunda,
Carnis quem et daemonis

Inquinant immunda.

144. Ave, rex theotice

Cuius theoleta,
Assero catholice,

Omni caret meta,
Fantem has symphoniae

Laudes mente laeta
Sorti tuae adice,

O summe propheta.

145. Ave, splendidissima

Lux de caelo fulgens,
A fideli anima

Tenebras repellens,
Gratia gratissima,

Peto, sis adurens
Cor meum taeterrima

Caecitate turgens.

146. Ave, fons dulcissime

Gratiarum melle,
Quem fudit clarissimae

Venter maris stellae,
Legi tuae optime

Iunge meum velle,
Mundans id purissime

A peccati felle.

147. Ave, sapientia

Omnia videntis,
Tecum in iustitia
Cuncta discernentis,

Beleva nos gratia
A te procedentis

Seductos astutia
Callidi serpentis.

148. Ave, qui principium

Caeli, terrae, maris
Et in his degentium

Recte appellaris,
Unde a caelestium

Choro veneraris
Ac plebe credentium

Laudibus praeclaris.

149. Ave, quem in aethere

Phalanx angelorum
Nunquam cessit colere

Titulis hymnorum,
Digneris absolvere

Me a vitiorum
Compede et iungere

Coetui sanctorum.

150. Ave, servientium

Tibi tutelamen,
Virtus, laus, solacium

Atque sublevamen,
In poenis degentium

Audi suspiramen,
Ipsis dans consortium

Cum electis. Amen.