Acta Benedicti Pp. XVI 711

eorum pondere in campo theologico. Etenim, ex fecundo vinculo inter exe-

gesim et theologiam pendet pleraque pars efficacitatis pastoralis actionis

Ecclesiae vitaeque spiritualis fidelium. Quamobrem cuiusdam esse ponderis

arbitramur quasdam rursus instituere reflexiones, ortas ex collatione

huiusmodi habita in laboribus Synodi.

Diffusio investigationis biblicae et ecclesiale Magisterium

32, In primis agnoscatur oportet beneficium quod in vita Ecclesiae de-

ductum est ex exegesi historico-critica et ex ceteris viis investigationis textus

recenti tempore explicatis.97 Ad catholicam visionem sacrae Scripturae quod

attinet, animadversio quaedam has methodos respiciens necessaria fit et nec-

titur cum realismo incarnationis: « Necessitas haec consequenter profluit e

christiana sententia concepta in Ioanne 1, 14: Verbum caro factum est. Histo-

ricus eventus constitutiva dimensio est christianae fidei. Historia salutis non

est mythorum collectio, verum historia genuina, quam ob causam studium

ope viarum severae historicae indagationis est peragendum ».98 Idcirco, stu-

dium Bibliorum cognitionem requirit et congruentem usum harum viarum

investigationis. Si verum est quod sensus hic in ambitu studiorum hodierna

aetate acrius increbruit, quamvis ubivis inaequali ratione, attamen, iuxta

sanam ecclesialem traditionem, fervor erga studium « litterae » constanter

exstitit. Sufficit hic in memoriam revocare culturam monasticam, cui deni-

que debetur fundamentum culturae Europaeae, in cuius radice invenitur

studium verbi. Desiderium Dei complectitur amorem verbi omnibus sub

aspectibus: « Quandoquidem in biblico Verbo Deus ad nos iter suscipit et

nos ad Eum, discamus oportet in linguae secretum penetrare, eandem in eius

structura et in modo quo exprimitur percipere. Ita, Deum quaerendi causa,

pondus obtinent scientiae profanae, quae nobis ad linguam vias ostendunt ».99

33. Vivens Magisterium Ecclesiae, ad quod spectat «munus authentice

interpretandi verbum Dei scriptum vel traditum »,100 sapienti prudentia

intervenit in iis quae pertinent ad iustum criterium servandum in novis

97 Cfr. Pontificia Commissio Biblica, L'interpretazione della Bibbia nella Chiesa (15 Aprilis

1993), A-B: Ench. Vat. 13, n. 2846-3150. 98 Benedictus XVI, Allocutio in XIV Congregatione Generali Synodi Episcoporum (14 Octo-

bris 2008): Insegnamenti IV, 2 (2008), 492; cfr. Propositio 25. 99 Id., Allocutio Lutetiae Parisiorum ad viros culturae deditos apud Collegium a Bernardinis

(12 Septembris 2008): AAS 100 (2008), 722-723. 100 Conc. Oecum. Vat. II, Const. dogm. de divina Revelatione Dei Verbum, 10.