Acta Francisci Pp. 749

Patres Cardinales Episcopique in Sessione Ordinaria die XVI mensis Mar-

tii anno MMX coadunati. Decessor Noster Benedictus XVI facultatem fecit

ut Congregatio de Causis Sanctorum hac de re Decretum die XXVII men-

sis Martii anno MMX evulgaret. Asserta exhibita est sanatio quam Medici

Consultores die I mensis Decembris anno MMXI ad scientiam inexplicabilem

putaverunt. Theologi Consultores in Congressione Peculiari die VI mensis

Octobris anno MMXII talem sanationem Venerabilis Dei Servae intercessio-

ni assignaverunt atque idem iudicarunt Patres Cardinales et Episcopi in

Sessione Ordinaria die XV mensis Ianuarii anno MMXIII. Nos Ipsi facultatem

dedimus ut Congregatio de Causis Sanctorum de hac re Decretum ederet

atque statuimus ut beatificationis ritus Paderbornae die X mensis Novembris

anno MMXIII celebraretur.

Hodie igitur de mandato Nostro Venerabilis Frater Noster Angelus S.R.E.

Cardinalis Amato, Congregationis de Causis Sanctorum Praefectus, textum

Litterarum Apostolicarum legit, quibus Nos in Beatorum numerum Vene-

rabilem Dei Servam Mariam Teresiam Bonzel adscribimus:

Nos, vota Fratris Nostri Ioannis Iosephi Becker, Archiepiscopi Metro-

politae Paderbornensis, necnon plurimorum aliorum Fratrum in Episco-

patu multorumque christifidelium explentes, de Congregationis de Causis

Sanctorum consulto, auctoritate Nostra Apostolica facultatem facimus ut

Venerabilis Serva Dei Maria Teresia (in saeculo: Regina Christina Villelma

Bonzel), virgo, Fundatrix Instituti Sororum Pauperum Franciscalium ab

Adoratione Perpetua de Olpe, quae fervori divinorum mysteriorum con-

templationis zelum adiunxit caritatis erga pauperes et patientes, Beatae

nomine in posterum appelletur, eiusque festum die nona Februarii in locis

et modis iure statutis quotannis celebrari possit. In nomine Patris et Filii

et Spiritus Sancti.

Praeclara haec mulier insignes dedit religiosae pietatis operositatisque

testificationes quae totam suam vitam Deo omnino addixit atque, Christi

Ecclesiaeque amore incensa, vitam contemplativam et activam exegit. Exop-

tamus igitur ut salutifera eius exempla magno sint hominibus qui nunc sunt

emolumento, quo ipsi, compluribus iactati difficultatibus, spiritales fructus

uberius consequantur.

Haec vero quae hodie statuimus firma prorsus esse volumus ac valida

fore iubemus, contrariis quibuslibet rebus minime obstantibus.