29. In Translatione s. Hedwigis.

In 1. Vesperis.

Super Psalmos.

A. Mundo festus instat dies,

Quo Hedwigi datur quies

Et gloria

In caelesti patria,

Cuius dignis precibus

Nohis peccatoribus

Veniam,

Iustis quoque gratiam

Summe pius

Donet Dei filius.

Ad Magnificat.

A. Respexisti, Domine,

Humilem ancillam

In sanctorum lumine

Pie locans illam,

Fac nos eius precibus

Cum tuis fidelibus

Coronari gloria

In superna patria.

Ad Matutinum.

Invitatorium.

Assunt sollemnia

Hedwigis beatae,

Canat ecclesia

Cum iucunditate.

In 1. Nocturno.

Antiphonae.

1. Aevo puellari

Hedwigis addita

Christo famulari

Didicit in vita.

2. Nobilis haec natu

Ac virtute placuit,

Nam mentis ornatu

Plus quam iuste claruit.

3. Literali studio

Adhibet ingenium,

Et tali solacio

Crevit mentis gaudium.

Responsoria.

1. Gaude prole tali nata

Ex te, o Merania,

Laude cuius honorata

Iubilat Silesia,

Haec est Hedwigis beata

Refulgens per prodigia.

V. ''Mulierem fortem quis inveniet?

procul et de ultimis finibus

pretium eius.''

2. Signum refulget in caelo,

Mulier amicto velo

Badii solaris,

Coronata sideribus

Lunam subiecit pedibus

Laudis temporalis.

V. C''ui Christus vivere erat et

mori lucrum.''

3. Ex nobili stirpe nata,

Moribus nobilior,

Calcans mundi delicata,

Te ipsa sublimior

Et iam Christo copulata

Gaudes sole pulchrior.

V. ''O quam pulchri sunt gressus

tui in calceamentis, filia prin-

cipis !''

In 2. Nocturno.

Antiphonae.

I. Tandem virgo traditur

Thoro nuptiali,

Nec mens casta plectitur

In copula tali.

2. Unius viri relicta

Carnalia sprevit,

Vere valde benedicta

Hostem nece stravit.

3. Mulieris fortitudo

Lumbos est constringere,

Quam Hedwigis mansuetudo

Meruit adcingere.

Responsoria.

1. Via vitae salutaris

Facta est haec viduis,

Quam virtutibus praeclaris,

Alme Deus, instruis,

Fac nos eius precibus

In sanctorum sedibus

Locari perpetuis,

V. ''Qui coronas eam in misera-

tionibus et reples in bonis

animam eius.

''2. Orta stirpe regia

Fertur ad humilia,

Ut sit in exemplum,

Quare plena gratia

Refulgens per omnia

Christo fit in templum,

V. ''Ut haec erat in omnibus fa-

mosissima, Quoniam timebat

Deum valde.

''3. Felix illa femina

Lacrimarum flumina

Orans profundebat,

Vincens quaeque crimina

Semper mentis lumina

Sursum dirigebat;

V. ''Adcinxit fortitudine lumbos

suos et roboravit brachium

suum.''

In 3. Nocturno.

Antiphonae.

1. Auro pretiosior

Hedwigis est caritas

Argentoque clarior

Vidualis castitas.

2. Carne demum exuitur

Felix ille spiritus,

Et in vitam convertitur

Flebilis interitus.

3. Thesaurus, qui latuit

Humo coopertus,

Signis certis patuit

Atque est repertus.

Responsoria.

1. Corpus eius squalidum

Erat, dum vivebat,

Sed in morte nitidum

Ut lac apparebat,

Et eius ab ore

Insolito more

Odor erumpebat.

V. Pulchritudinem candoris eius

admirabatur oculus, et super

imbrem eius expavescit cor. 2. Os de gutture anxio

Signo crucis expulit

Et sanavit, quos passio

Paralysis perculit,

Claudis gressum,

caecis visum reparat,

Et mortui suscitantur

Ipsius auxilio.

V. ''Bene omnia fecit, surdos fecit

audire et mutos loqui.''

3. Sit laus Dei filio

In sollemni praemio

Hedwigis beatae,

Cuius interventio

Sit nostra tuitio

In adversitate.

V. ''Astitit regina a dexteris Dei

in vestitu deaurato, circum-

data varietate.''

In Laudibus.

Antiphonae.

1. Hedwigis Dei laudibus

Diebus atque noctibus

Iugiter vacabat

Proque pereuntibus

Profusis gemitibus

Deum exorabat.

2. Adest dies laetitiae

Lucens Christi familiae

A virtutum lumine

Sanctissimae feminae.

3. O lampas ecclesiae

Lucens Dei gratia,

Vas misericordiae,

Dele nostra vitia.

4. Haec est Hedwigis beata,

Cuius vitae fama grata

Clarior sideribus

Lucet in operibus.

5. Amicta sole femina

Hedwigis est haec domina,

Quam Christus iam decoravit

Et in caelo coronavit.

Ad Benedictus.

A. Fulget in orbe dies

hodie celeberrima toto,

Gaudia millesies

repetamus supplici voto.

In 2. Vesperis.

Ad Magnificat.

A. Gaude, solum Slesiae

Nam tua colona,

Hedwigis, decus Trebniciae,

Nobilis matrona,

Facta caelestis patriae

Civis et patrona

Transit ad culmen gloriae

Regni cum corona.