Acta Apostolicae Sedis - Commentarium Officiale598

Servus Dei pater Carmelus M. Moyano Linares, qui caput in serie marty-

rum putatur, in vico v.d. Villaralto, ex provincia Cordubensi, natus est die 10

mensis Iunii anno 1891. Iuvenis vota religiosa nuncupavit atque, doctoris

titulo insignitus in theologia fundamentali, apud Seminarium Carmelitarum

in Hispania docuit. Pater Carmelus presbyter ordinatus est die 6 mensis Iunii

anno 1914. Postea, munus Provincialis et primi Definitoris Capituli Provin-

cialis exercuit. Religiosus affabilis et mitis erga omnes exstitit, aestimatus

suam ob rectam vitae conversationem, promptam oboedientiam et fortem

indolem, humilis, prudens et sapiens. Persecutione irretitus, post duodequa-

draginta dies iniustae custodiae, prope locum v.d. Dehesa del Espı́ritu Santo,

die 23 mensis Septembris anno 1936, crudeliter occisus est.

Servus Dei pater Iosephus M. Gonzáles Delgado in pago v.d. Gabia Grande

die 26 mensis Februarii anno 1908 est ortus. Ab infantia ob magnam carita-

tem erga pauperes et asceticam vitae rationem ab omnibus mirabiliter aesti-

mabatur. Religiosis votis nuncupatis, sacro presbyteratus ordine anno 1935

est auctus. Sequenti anno, die 27 mensis Iulii, in loco Pueblonuevo del Terrible,

prope Cordubam, ferociter est occisus.

Servus Dei frater Eliseus M. Camargo Montes in Osuna est ortus, in

provincia Hispalensi, die 4 mensis Iunii anno 1887. Duodetriginta annos

natus signa religiosae animadvertit vocationis atque Ordinem ingressus est

Patrum Carmelitarum. Ab omnibus bonus religiosus putabatur, qui immensa

eminebat caritate et Virginem Mariam penitus diligebat. Numquam publice

cessavit suam condicionem religiosi confiteri, immo coram suis persecu-

toribus, qui eum die 14 mensis Augusti anno 1936 in La Cruz de la Media

Legua occiderunt.

Etiam Servus Dei frater Iosephus M. Ruiz Cardeñosa in Osuna ortum

habuit die 26 mensis Iulii anno 1902. Ab infantia Patribus Carmelitis

familiariter utebatur, ad quos anno 1920 accedit et religiosa nuncupavit

anno 1925 sollemnia vota. Servus Dei a multis suis Confratribus religiosus

et humilis vir describebatur, caritatem demonstrans erga proximum et

promptus ad oboedientiam. Ille quoque crudeliter occisus est die 14 mensis

Augusti anno 1936 in La Cruz de la Media Legua.

Servus Dei frater Antonius M. Martı́n Povea die 27 mensis Novembris

anno 1887 in loco v.d. El Saucejo natus est, prope Hispalim. Triginta et sex

annos natus, fortiter vocationem ad vitam consecratam persensit atque