302 Acta Apostolicæ Sedis - Commentarium Officiale

DERTOSENSIS et TOLETANA

Beatificationis seu Declarationis Martyrii Servorum Dei Ioachimi Jovaní Marín

et XIV Sociorum Sodalitatis Sacerdotum Operariorum Dioecesanorum Cordis Iesu

(† 1936-1938)

DECRETUM SUPER MARTYRIO

« Christus cum advenit pontifex futurorum bonorum, neque per sangui-

nem hircorum et vitulorum, sed per proprium sanguinem introivit semel in

Sancta, aeterna redemptione inventa » ( Hebr 9, 11-12). Qui est enim pastor

bonus et « bonus pastor animam suam ponit pro ovibus » ( Io 10, 11).

Universa prebyterorum vita hoc sacrificii ac martyrii intellectu est re-

ferta, qui constans summaque sunt sacerdotii Christi revelatio, quia per

presbyterorum ministerium sacrificium spirituale fidelium efficitur et con-

summatur in unione cum sacrificio Christi, unici Mediatoris (cf. concilium

oecumenicum VAticAnum II, Decretum de presbyterorum ministerio et vita

« Presbyterorum ordinis », n. 2).

Beatus Emmanuel Domingo y Sol, quem Ecclesia « Sanctum Apostolum

vocationum ad presbyteratum » nuncupat, Sodalitatem Sacerdotum Ope-

rariorum Cordis Iesu fundavit, cuius membra vocationibus sacerdotalibus

provehendis, informandis ac suffulciendis attenderent. Operarii, enim, Se-

minarii alumnorum institutioni vacabant, cum Hispaniam dira, quae anno

1936 flagravit, contra religionem christianam vastavit persecutio.

Ioachimus Jovaní Marín et XIV Socii, membra supradictae Sodalitatis,

suipsius martyrio in ministerio exercendo Deum glorificare dignati sunt.

1. Ioachimus Jovaní Marín die 16 mensis Octobris anno 1874 in vico

Sancti Matthaei, intra fines provinciae Castellionensis ac dioecesis Derto-

sensis, natus est. Die 4 mensis Iunii anno 1898 presbyteratu auctus est et

et insequenti die 12 mensis Augusti Sodalitatem ingressus. Vitam alumnis

Seminariorum Toleti, Almeriae, Barcinonis, Almae Urbis et Tarraconis in-

stituendis impendit. Anno 1927 Moderator Generalis Sodalitatis Sacerdotum

Operariorum electus est. Barcinone in carcerem coniectus, die 5 mensis

Decembris anno 1936 Moncadae prope Barcinonem martyr occubuit.