30. De sancta Hedwige.

In 1. Vesperis.

Antiphonae.
1. Fulget in orbe dies

hodie celeberrima toto,
Gaudia millesies
repetamus supplici voto.
2. Lux celebris micat in tenebris
dulcedine plena,
Ecclesiae fulget hodie
matrona serena.
3. Digna fide, domina, tibi de
meritis meritorum
Rex hodie dat regna pie
super astra polorum.
4. Hedwigis celebris,

cuius clarissima crebris
Fama nitet signis,
omni modulamine dignis.

Ad Magnificat.
A. Gaude, solum Silesiae,
Nam tua colona,
Hedwigis, decus Trebniciae,

Nobilis matrona,
Facta caelestis patriae

Civis et patrona,
Transit ad culmen gloriae
Regni cum corona.

Ad Matutinum.
Invitatorium.

Assunt sollemnia

Hedwigis beatae,
Canat ecclesia

Cum iucunditate.

In 1. Nocturno.

Antiphonae.

1. Ex praeclaro conubio

Nata ducis Meraniae,

Copulatur coniugio

Heinrico, duci Slesiae.

2. Potita matrimonio

Prole dotatur nobili,
Sed castitatis optio
Voto manet immobili.

3. Christianis cultibus
Prolem mancipatam
Sub honestis moribus
Servat educatam.

4. Mundanis honoribus
Finem volens dare,
Haec ad vitam caelibem
Coepit anhelare.

5. A lege thori libera
Viri de consensu
Virtutum agit opera
Cordis in ascensu.

6. Dictis evangelicis

Aurem impendebat,
Quotquot dici poterant,
Missas audiebat.

Responsoria.
1. Gaude, prole tali nata
Ex te, o Merania,
Laude cuius honorata

Iubilat Silesia,
Haec est Hedwigis beata
Refulgens per prodigia.
V. ''Mulierem fartem quis inveniet ?
procul et de ultimis finibus
pretium eius.''

2. Signum refulget in caelo,
Mulier amicta velo

Radii solaris,
Coronata sideribus,
Lunam subiecit pedibus
Laudis temporalis.
V. ''Oui Christus vivere erat et
mori lucrum.''

3. Ex nobili stirpe nata,
Moribus nobilior,
Calcans mundi delicata,
Te ipsa sublimior,

Et iam Christo copulata
Gaudes sole pulchrior.
V. ''O quam pulchri sunt gressus
tui in calceamentis, filia prin-
cipis !''

4. Hedwigis, mater pauperum,
Hoc praeponens divitiis
Vere forma fit operum
Et inimica vitiis.
V. ''Manum suam aperuit inopi
et palmas suas extendit ad
pauperem.''

In 2. Nocturno.
Antiphonae.

1. Biduano ieiunio
carne macerata,
Mittebat egentibus
quaeque delicata.

2. Nil relinquens praeter victum
Ex suis proventibus,
Vilem deferens amictum
Servit pauper pauperibus.

3. Gaudebat dapis munere
Hos et illos reficere,
Quia Christum in paupere
Se credebat suscipere.

4. Nivis in algoribus
Nuda nudis gressibus

Nudum Christum sequitur,
Infirmis debilibus
Et plenis ulceribus

Leprosis obsequitur.

5. Mutato vultus pallio

Clam visitabat carceres,
Adflictas matres puerperio
Consolatur pauperes.

6. Circuibat sedula

Cellas dominarum,
Ut videret aemula

Statum singularum
Et serviret vernula

Questibus earum.

Responsoria.

1. Manus beatae Hedwigis
Laboribus ex sinceris

Murram distillant optimam,
Murra stillat de manibus,
Dum dispersit pauperibus
Et dedit elemosynam;
V. Preces quoque cum lacrimis
Deo fundens ab intimis
Cordis libavit bostiam.
2. Margarita solo tecta,
Quondam vilis et despecta,

Ista Dei famula,
Gemma lucens ut electa,
Carnis nube iam detecta
Fulget per miracula,
V. In sublime stans erecta
Caelum tendit via recta
Velut fumi virgula.
3. Aegypti nuda pallio,
Ornata cultu regio
Filia Pharaonis
Per ascensum purpureum
Ad thronum regis aureum
Pervenit Salomonis,
V. Hedwigis tradens spiritum
Felicem agens exitum
De terra Babylonis.
4. Audi, mater orphanorum,
Gemitus orantium,
Esto solamen reorum
Ac tutum refugium,
Per te Christus peccatorum
Vincla solvat omnium.
V. ''Nunc ergo ora pro nobis Do-
minum, quoniam tu mulier
sancta es et timens Deum.''

ln 3. Nocturno.
Ad Cantica.

A. Mundo festus instat dies,
Quo Hedwigi datur quies
Et gloria
In caelesti patria,
Cuius dignis precibus

Nobis peccatoribus

Veniam,

Iustis quoque gratiam

Summe pius

Donet dei filius.

Responsoria.

1. Quae dum oraret sedulo,
Lumen in habitaculo

Super eam difunditur,
Hinc Mariae Magdalenae
Margaretae, Katharinae
Visu, sermone fruitur.
V. En, inquiunt, post obitus
Dies caelestis aditus
Tibi nobiscum panditur.

2. Felix illa femina,
Lacrimarum flumina

Orans profundebat,
Vincens quaeque crimina
Semper mentis lumina
Sursum dirigebat;
V. ''Adcinxit fortitudine lumbos
suos et roboravit brachium
suum,''

3. Orta stirpe regia
Fertur ad humilia,

Ut sit in exemplum,
Quare plena gratia
Refulgens per omnia
Christo fit in templum;
V. ''Ut hace erat in omnibus fa-
mosissima, quoniam timebat
Deum valde.''

4. Sit laus Dei filio
In sollemni praemio
Hedwigis beatae,
Cuius interventio
Sit nostra tuitio
In adversitate.
V. ''Astitit regina a dextris Dei
in vestitu deaurato, circum-
data varietate.''

In Laudibus.
Super Psalmos.

A. Hedwigis Dei laudibus
Diebus atque noctibus

Iugiter vacabat
Proque pereuntibus
Profusis gemitibus

Deum exorabat.

Ad Benedictus.
A. Alma pupillorum

mater, per climata mundi
Stella micans et labe carens,

depelle reatum,
Stigmataque portans Domini

tu quae voluisti
Tot poenis insigne tuum

corpus macerare,
Plaude satis, quod visceribus

patienter amasti
Ferre iugum Christi,

regnum caeli meruisti.

Per Horas.
Ad Primam.
A. Adest dies laetitiae,
Lucens Christi familiae
A virtutum lumine
Sanctissimae feminae.

Ad Tertiam.
A. O lampas ecclesiae,
Lucens Dei gratia,
Vas misericordiae,
Dele nostra vitia.

Ad Sextam.
A. Haec est Hedwigis beata,
Cuius vitae fama grata
Clarior sideribus
Lucet ex operibus.

Ad Nonam.
A. Amicta sole femina

Hedwigis est haec domina,

Quam Christus iam decoravit
Et in caelo coronavit.

In 2. Vesperis.
Ad Magnificat.
A. Glorietur in hac die
Iugiter Silesia,
Sonent laudum melodiae
Cordis ex laetitia,
Alleluia
Consonet ecclesia,
Nam Hedwigis hinc transivit,

Sed cum Christo semper vivit,

Alleluia
Consonet ecclesia;
Vallis Trebniciae iucundetur,
Clerus psallat, plebs laetetur,

Alleluia
Consonet ecclesia;
Miserere miserorum,
Deo digna, et tuorum
Esto memor memorum,

Alleluia
Consonet ecclesia.

In 1. Noct. R 1 und 3 lauten in D:

R. 1. Felix igitur Hedwigis
Ab annis infantiae
Voto continentiae

Semper inspirata
Nupsit duci Slesiae
Dei providentiae

Nutu copulata.
V. Haec non voluntarie
Sed oboedientiae

Parens desponsata.

3. Beata Hedwigis

Annos agens pubertatis
Zona castitatis

Lumbos coepit accingere
Cor amore puritatis
Et ad petram veritatis

Parvulos allidere,
V. Liberisque generatis
Sensus fluxae voluptatis

Orabat restringere.

Ad Bened. A in D:

O viduarum speculum
Et devotum spectaculum
Caritatis, castitis et largitatis

Et totius gratiae
Quare, digna praemio,
Tuo patrocinio
Fac, ut digni solio

Simus caeli gloriae.

A lautet in D:

Hodiernae sollemnitatis gaudia,
Quae nobis anni reduxit orbita,
Pia recolamus devotione
Beatae Hedwigis utentes famulamine

"ad utrasque Vesperas

et ad Laudes ein:

1. Congaudeat ecclesia
Hedwigi claris vocibus,
Quam coronavit gloria
Christus in caeli sedibus.

2. In exemplum est posita
Nobilibus haec nobilis,
Nam univit seposita
Facta dives et humilis.

3. Haec temperatis moribus
Nec non placidis exstitit,
Valde larga pauperibus
Voluptatibus restitit.

4. Utens perpaucis poculis
Pastus corporis mitigat
Et sursum cordis oculis
Tensis docet, quem diligat.

5. Vita, mores, miracula
Excellensque devotio
Pro Christi clamat famula,
Quod sit cum Dei filio.

6. Praesta, Deus, petentibus
Per Hedwigis suffragia,
Ut in eorum mentibus
Tua non desit gratia.